ព័ត៌មានផ្សេងៗទៀត
ឯកឧត្តមអនុរដ្ឋលេខាធិការ ឈុំ ឆុនលី អញ្ជើញដឹកនាំកិច្ចប្រជុំ ដើម្បីប្រមូលធាតុចូលពាក់ព័ន្ធទៅនឹងអនុវិស័យនីមួយៗ និងកំណត់សមាសភាពដែលត្រូវចូលរួមក្នុងអធិការកិច្ចអន្តរក្រសួង
ចេញផ្សាយ ២៣ សីហា ២០២៥ 334
នៅថ្ងៃទី២២ ខែសីហា ឆ្នាំ២០២៥ ឯកឧត្តម ឈុំ ឆុនលី អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមជនបង្គោលអធិការកិច្ចអន្តរក្រសួងក្នុងវិស័យកសិកម្ម បានដឹកនាំកិច្ចប្រជុំ ដើម្បីប្រមូលធាតុចូលបំពេញបញ្ជីសំណួរ តម្រូវការឯកសារ ពាក់ព័ន្ធនិងអនុវិស័យនីមួយៗ កំណត់ផែនការចុះធ្វើអធិការកិច្ច និងកំណត់សមាសភាពដែលត្រូវចូលរួមក្នុងអធិការកិច្ចអន្តរក្រសួង ក្នុងវិស័យឧស្សាហកម្មទៅតាមសហគ្រាសនិងតាម គ្រឹះស្ថានសាធារណៈ។ អន្តរក្រសួងទាំងនោះរួមមាន៖ ក្រសួងការងារ និងបណ្តុះបណ្តាលវិជ្ជាជីវៈ ក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថាន។
កិច្ចប្រជុំបានធ្វើឡើងនៅទីស្តីការក្រសួងកសិកម្ម រុក្ខាប្រមាញ់ និងនេសាទ មានការចូលរួមពីតំណាងអគ្គនាយកដ្ឋានកសិកម្ម អគ្គនាយកដ្ឋានសុខភាពសត្វ និងផលិតកម្មសត្វ រដ្ឋបាលជលផល រដ្ឋបាលព្រៃឈើ អគ្គនាយកដ្ឋានកៅស៊ូ និងលោក លោកស្រី ដែលជាប្រធាន អនុប្រធានមន្ទីរ និងគ្រប់រាជធានី ខេត្ត។
ជាលទ្ធផលអង្គប្រជុំបានសម្រេចដូចតទៅ៖ ១.សម្រេចជូនឯកឧត្តម គង់ វ៉ាញ រៀបចំកម្រងសំណួរ ដើម្បីធ្វើអធិការកិច្ចអន្តរក្រសួង ២. មន្ទីររាជធានីខេត្ត ជាអ្នកធ្វើបច្ចុប្បន្នភាពនៅចំនួនសហគ្រាសឧស្សាហកម្ម ដែលមាននៅក្នុងមូលដ្ឋានរៀងៗខ្លួន ជូនមកអគ្គាធិការដ្ឋាននៅក្នុងសប្តាហ៍ក្រោយ ៣.ដោយអនុឡោមតាមការណែនាំរបស់ក្រុមអធិការកិច្ចអន្តរក្រសួង អង្គប្រជុំបានសម្រេចយកការធ្វើអធិការកិច្ចនៅក្នុងឆមាសទី២ និងទី៤. ការធ្វើអធិការកិច្ចសម្រាប់សហគ្រាសមួយគឺមានរយៈពេលចំនួនពីរថ្ងៃ ដោយមិនគិតថ្ងៃធ្វើដំណើរ៕
