ឯកឧត្តមរដ្ឋមន្ត្រី វេង សាខុន បានអញ្ជើញជាអធិបតីភាពក្នុងពិធី សិក្ខាសាលាពិគ្រោះយោបល់ ស្តីពីការលុបបំបាត់ការធ្វើនេសាទខុសច្បាប់

ចេញ​ផ្សាយ​ ២៤ កុម្ភៈ ២០១៨ 3665

កាលពីព្រឹកថ្ងៃទី២២ ខែមីនា ឆ្នាំ២០១៧ ក្រសួងកសិកម្ម រុក្ខាប្រមាញ់ និងនេសាទ សហការជាមួយសហភាពអឺរុប និងអង្គការFAO បានរៀបចំសិក្ខាសាលាពិគ្រោះយោបល់ស្តីពីការលុបបំបាត់ការធ្វើនេសាទខុសច្បាប់ គ្មានការអនុញាត និងគ្មានរបាយការណ៍ និងគម្រោងកិច្ចសហប្រតិបត្តិការ គាំទ្របច្ចេកទេសដើម្បីធានានិរន្តរភាពជលផល ដែលបានប្រព្រឹត្តធ្វើទ្បើងនៅសណ្តាគារ សុខា ខេត្តព្រះសីហនុ ក្រោមអធិបតីភាព ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងមានការអញ្ចើញចូលរួមដោយអគ្គរដ្ឋទូតអ៊ឺរុបប្រចាំកម្ពុជា តំណាងអង្គការFAO ក្រសួងពាក់ព័ន្ធ និងអាជ្ញាធរខេត្តពាក់ព័ន្ធ។

សិក្ខាសាលានេះត្រូវបានរៀបចំឡើងក្នុងគោលបំណង ពិគ្រោះយោបល់ជាមួយភាគីពាក់ព័ន្ធ ដើម្បីឆ្លើយតបទៅនិងលក្ខខណ្ឌរបស់ EC-DG Mare ក្នុងការរៀបចំផែនការសកម្មភាព ដើម្បីប្រយុទ្ធប្រឆាំងការនេសាទខុសច្បាប់ គ្មានការអនុញ្ញាត និងគ្មានរបាយការណ៍ និងដើម្បីដាក់ឲ្យដំណើការគម្រោងសម្របសម្រួលកម្មវិធីកិច្ចសហប្រតិបត្តិការបច្ចេកទេសរបស់អង្គការស្បៀងអាហារ និងកសិកម្ម។