ព័ត៌មានផ្សេងៗទៀត
ឯកឧត្តមអនុរដ្ឋលេខាធិការ ឈុំ ឆុនលី អញ្ជើញដឹកនាំវេទិកាសាធារណៈ នៅឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ
ចេញផ្សាយ ០៩ ឧសភា ២០២៥ 525
នៅថ្ងៃទី៨ ខែឧសភា ឆ្នាំ២០២៥ ឯកឧត្តម ឈុំ ឆុនលី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំវេទិកាសាធារណៈ នៅឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ។ វេទិកាធ្វើឡើងនៅបរិវេណ វត្តពោធិកែវព្រះនេត្រព្រះ ដែលមានអ្នកចូលរួមប្រមាណ១០៧នាក់ ស្រ្តីចំនួន២២នាក់។
នៅក្នុងអង្គវេទិកាសារធារណៈនោះ បានផ្តល់ឱកាសឱ្យសមាជិកសមាជិកា អ្នកចូលរួមបានលើកឡើងនូវសំណួរ និងចម្លើយយ៉ាងផុលផុស ក្នុងស្មារតីស្ថាបនាភូមិឃុំរបស់ខ្លួន។ ក្នុងនោះមានជាសំណូមពរ និងក្តីកង្វល់មួយចំនួនរួមមាន៖១. ការងារអភិវឌ្ឍន៍មូលដ្ឋាន ២.សេវាសាធារណៈ៣.បញ្ហាកសិកម្ម និង៤.បញ្ហាអគ្គីសនី ជាដើម។
ជាការឆ្លើយតបក្នុងវេទិកា អាជ្ញាធរមូលដ្ឋានបានដោះស្រាយបញ្ហាកង្វល់ ដែលបានលើកឡើងជូនបងប្អូនប្រជាពលរដ្ឋបានទាំងអស់ ។ លើកលែងតែបញ្ហាអគ្គីសនី ដោយលោកមេភូមិពាមស្រេះទាក់ទងនឹងអគ្គីសនីដែលបានទទួលតែបង្គោលភ្លើងចំនួន៨ តែនៅខ្វះខ្សែអគ្គីសនីប្រវែង៤៣០ម៉ែត្រ។ បញ្ហាខ្សែភ្លើងនេះក្រុមការងាររាជរដ្ឋាភិបាលចុះមូលដ្ឋានឃុំព្រះនេត្រព្រះ អាជ្ញាធរ ឃុំ ស្រុក បានសន្យារួមគ្នានឹងជួយដោះស្រាយជូននៅពេលក្រោយទៀត៕
