ព័ត៌មានផ្សេងៗទៀត
ឯកឧត្តមរដ្ឋមន្ត្រី ឌិត ទីណា និងគណៈប្រតិភូអញ្ជើញទស្សនកិច្ចក្រុមហ៊ុនផលិតជីប៉ូតាសលំដាប់លេខ៥ក្នុងពិភពលោក Asia-Potash នៅសាធារណរដ្ឋប្រជាធិបតេយ្យប្រជាមានិតឡាវ
ចេញផ្សាយ ០៤ ឧសភា ២០២៥ 1023
កាលពីថ្ងៃទី១ ខែឧសភា ឆ្នាំ២០២៥ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានដឹកនាំគណៈប្រតិភូជាន់ខ្ពស់មួយក្រុម ទៅទស្សនកិច្ចដោយផ្ទាល់នៅក្រុមហ៊ុន Asia-Potash ដែលជាក្រុមហ៊ុនឈានមុខគេលំដាប់លេខ៥ក្នុងពិភពលោក លើការផលិតនិងនាំចេញជីប៉ូតាស។
កម្មវិធីទស្សនកិច្ចនេះ ជាផ្នែកមួយនៃដំណើរទស្សនកិច្ចផ្លូវការរបស់ឯកឧត្តមរដ្ឋមន្ត្រី នៅសាធារណរដ្ឋប្រជាធិបតេយ្យប្រជាមានិតឡាវ ក្នុងគោលបំណងពង្រឹងកិច្ចសហប្រតិបត្តិការទ្វេភាគីក្នុងវិស័យកសិកម្ម និងស្វែងយល់ពីដំណើរការទាញយករ៉ែ Potash មកប្រើប្រាស់ជាសារធាតុផ្សំនៅក្នុងការផលិតជីកសិកម្ម និងភ្ជាប់ទំនាក់ទំនងឱ្យអ្នកវិនិយោគកម្ពុជា អាចនាំយកផលិតផលសម្រេចជីប៉ូតាស (potash-based fertilizer) មកប្រើប្រាស់ក្នុងការផលិតជីនៅកម្ពុជា៕
