ព័ត៌មានផ្សេងៗទៀត
ឯកឧត្តមរដ្ឋលេខាធិការ ចាន់ ចេស្តា អញ្ជើញដឹកនាំក្រុមការងារចម្រុះ ចុះជួបសំណេះសំណាលជាមួយកសិករ នៅភូមិបើន ខេត្តកំពត
ចេញផ្សាយ ១០ មិថុនា ២០២៥ 1827
នៅថ្ងៃទី១០ ខែមិថុនា ឆ្នាំ២០២៥ ឯកឧត្តម ចាន់ ចេស្តា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំក្រុមការងារចម្រុះ ចុះជួបសំណេះសំណាលជាមួយប្រជាកសិករដាំស្រូវ និងបន្លែនៅក្នុងភូមិបើន ឃុំល្អាង ស្រុកដងទង់ ខេត្តកំពត។
ក្នុងដំណើរនេះ មានការចូលរួមពីឯកឧត្តម ស្រី សុទ្ធា ឯកឧត្តម ខាន់ សំបាន អនុរដ្ឋលេខាធិការក្រសួងកសិកម្ម លោក តេង វ៉ាន់ធឿន អនុប្រធានមន្ទីរកសិកម្មខេត្តកំពត លោក ឈូក ថាន អភិបាលរងស្រុកដងទង់ អាជ្ញាធរឃុំ-ភូមិ មន្ត្រីកសិកម្មឃុំ និងប្រជាកសិករ សរុបចំនួន៧០នាក់។
បើតាមឯកឧត្តមរដ្ឋលេខាធិការ ជំនួបសំណេះសំណាលនេះ ធ្វើឡើងក្នុងគោលបំណង ចុះពិនិត្យនិងសិក្សាដល់កន្លែងដាំបន្លែរបស់ប្រជាកសិករផ្ទាល់ ដើម្បីស្តាប់ពីកង្វល់របស់ប្រជាកសិករក្នុងការប្រកបរបរកសិកម្ម ស្ថិតនៅក្នុងភូមិបើន ឃុំល្អាង ស្រុកដងទង់ ខេត្តកំពត ព្រមទាំងរកវិធីជួយដោះស្រាយបញ្ហាប្រឈមនានាជូនប្រជាកសិករប្រកបដោយប្រសិទ្ធភាព និងប្រសិទ្ធផលខ្ពស់។
ជាចុងបញ្ចប់ ឯកឧត្តមរដ្ឋលេខាធិការ បានណែនាំឱ្យមន្ត្រីជំនាញ ជាពិសេសមន្ត្រីកសិកម្មឃុំ បន្តសហការជាមួយប្រជាកសិករ និងចែករំលែកបទពិសោធន៍ ទៅវិញទៅមកជាមួយពួកគាត់ តាមរយៈបច្ចេកទេសនៃការដាំដុះ ការប្រើប្រាស់ជី-ថ្នាំ ការពិនិត្យផ្ទាល់លើប្រភេទនៃដំណាំគ្រប់ប្រភេទ ជូនដល់ប្រជាកសិករនៅក្នុងភូមិសាស្ត្រខាងលើ ដើម្បីឱ្យពួកគាត់បានយល់ដឹងពីការដាំដុះ ឱ្យស្របតាមបច្ចេកទេសកសិកម្ម ទទួលបានទិន្នផលខ្ពស់៕
