លោកអគ្គលេខាធិការរង ម៉ឹក គឹមស្រូយ អញ្ជើញដឹកនាំកិច្ចប្រជុំ ពិនិត្យ​តាមដានវឌ្ឍនភាព នៃការធ្វើបច្ចុប្បន្នភាពរចនាសម្ព័ន្ធ និង​ជំរឿនមន្ត្រីជាក់ស្តែងនៅតាមរចនាសម្ព័ន្ធ របស់ក្រសួងកសិកម្ម រុក្ខាប្រមាញ់ និងនេសាទ

ចេញ​ផ្សាយ​ ៩ ឧសភា ២០២៦ 5115

នៅថ្ងៃទី៨ ខែឧសភា ឆ្នាំ២០២៦ លោក ម៉ឹក គឹមស្រូយ អគ្គលេខា​ធិការរង ក្រសួងកសិកម្ម រុក្ខាប្រមាញ់ និងនេសាទ បានដឹកនាំកិច្ចប្រជុំ ពិនិត្យតាមដានវឌ្ឍនភាព នៃការធ្វើបច្ចុប្បន្នភាពរចនាសម្ព័ន្ធ និង​ជំរឿន​​មន្ត្រីជាក់ស្តែងនៅតាមរចនាសម្ព័ន្ធ របស់ក្រសួងកសិកម្ម រុក្ខាប្រមាញ់ និងនេសាទ។
កិច្ចប្រជុំដែលរៀបចំធ្វើឡើង នៅទីស្តីការក្រសួងកសិកម្ម មានការ​អញ្ជើញ​ចូលរួមពីឯកឧត្តមអគ្គនាយក អគ្គនាយករង ប្រធាន​នាយក​ដ្ឋាន  និងមន្ត្រីបង្គោលតំណាងអង្គភាពពាក់ព័ន្ធក្រោមឱវាទ​ក្រសួង​កសិកម្មទាំងអស់ សរុបចំនួន២១៥នាក់។ 
កិច្ចប្រជុំនេះមានគោលដៅជំរុញបញ្ចប់ការផ្ទៀងផ្ទាត់ទិន្នន័យ មន្ត្រីឱ្យ​បានចប់សព្វគ្រប់ជាស្ថាពរនៅក្នុងសប្តាហ៍ទី២ ខែឧសភា ឆ្នាំ២០២៦ ស្របតាមវិធានការគន្លឹះក្នុ ងការកែទម្រង់រដ្ឋបាលសាធារណៈរបស់រាជ​រដ្ឋា​ភិបាល ដោយធានាបាននូវភាពសុក្រឹត និងទិន្នន័យច្បាស់លាស់៕