ឯកឧត្តមរដ្ឋលេខាធិការ ហ៊ាន វណ្ណហន អញ្ជើញដឹកនាំក្រុមការងារអនុវត្ដគម្រោងថ្នាក់ជាតិ CASDP/MAFF ចុះត្រួតពិនិត្យវឌ្ឍនភាព និងតម្រង់ទិសការអនុវត្ដគម្រោង នៅខេត្ដពោធិ៍សាត់

ចេញ​ផ្សាយ​ ១៦ កញ្ញា ២០២៥ 200

នៅថ្ងៃទី១៦ ខែកញ្ញា ឆ្នាំ២០២៥ ឯកឧត្តម ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនសាទ និងជាប្រធានគណៈកម្មការដឹកនាំគម្រោងពិពិធកម្មកសិកម្មកម្ពុជា (Cambodia Agricultural Sector Diversification Project-CASDP) បានអញ្ជើញដឹកនាំក្រុមការងារអនុវត្ដគម្រោងថ្នាក់ជាតិ CASDP_MAFF ចុះត្រួតពិនិត្យវឌ្ឍនភាព និងតម្រង់ទិសការអនុវត្ដគម្រោងនៅខេត្ដពោធិ៍សាត់។ 
ក្នុងដំណើរបេសកកម្មនេះ ឯកឧត្តមរដ្ឋលេខាធិការ បានដឹកនាំប្រជុំត្រួតពិនិត្យវឌ្ឍនភាពតម្រង់ទិសក្នុងកាអនុវត្តគម្រោងពិពិធកម្ម នៅមន្ទីរកសិកម្មខេត្ដ ដោយបានផ្តល់ណែនាំដល់មន្ទីរកសិកម្ម អំពីព័ត៌មានសំខាន់ៗ ពាក់ព័ន្ធគម្រោង និងទិសដៅបន្ដដែលត្រូវអនុវត្ត។ 
បន្ថែមពីនេះទៀត ឯកឧត្ដម ក៏បានដឹកនាំក្រុមការងារ លោកស្រីអនុប្រធានមន្ទីរ និងមន្រ្ដីអនុវត្តគម្រោងមន្ទីរកសិកម្មខេត្ដពោធិ៍សាត់ ចុះជួបពិភាក្សាជាមួយប្រធាន អនុប្រធាន និងសមាជិកសហគមន៍កសិកម្មចំនួន ០២ រួមមានទី១.សហគមន៍កសិកម្មអូរថ្កូវរីកចំរើន ស្ថិតនៅភូមិអូរថ្កូវ សង្កាត់រលាប ក្រុងពោធិ៍សាត់ ដើម្បីពិនិត្យលើសក្ដានុពលពង្រីកផលិតកម្មរបស់សហគមន៍ និងទី២.សហគមន៍កសិកម្មដប់បាតអភិវឌ្ឍន៍ ស្ថិតនៅភូមិដប់បាត សង្កាត់លលកស ក្រុងពោធិ៍សាត់។ 
ក្នុងជំនួបពិភាក្សា ឯកឧត្ដម បានផ្ដល់ព័ត៌មានសំខាន់ៗ ពីគម្រោងពិពិធកម្មកសិកម្ម (CASDP) និងលទ្ធភាពរបស់សហគមន៍កសិកម្មក្នុងការរៀបចំសំណើពង្រីកកសិធុរកិច្ច ដែលផ្តល់ឱកាសដល់សហគមន៍បន្លែ ផ្លែឈើអាចលើកផែនការកសិធុរកិច្ច ដើម្បីទទួលបានហិរញ្ញប្បទានឥតសំណងបំពេញបន្ថែមទុនវិនិយោគ និងទទួលបានហេដ្ឋារចនាសម្ព័ន្ធគាំទ្រផលិតកម្ម មានជាអាតិ៍ ផ្លូវថ្នល់ និងប្រភពស្រោចស្រព សម្រាប់សហគមន៍។ បន្ថែមពីនេះទៀត ឯកឧត្ដម និងក្រុមការងារបានចុះពិនិត្យស្ថានភាពផលិតកម្ម សក្តានុពលកសិផលដែលអាចពង្រីកទីផ្សារ ផងដែរ៕