ព័ត៌មានផ្សេងៗទៀត
ក្រសួងកសិកម្មបើកវគ្គបណ្តុះបណ្តាល ស្តីពី «វិធានការចម្រុះគ្រប់គ្រងសមាសភាពចង្រៃ (IPM) កសិកម្មឆ្លាតវៃធន់នឹងអាកាសធាតុ ក្នុងផលិតកម្មដំណាំស្រូវ និងបន្លែ»
ចេញផ្សាយ ២០ កក្កដា ២០២៦ 4593
នាព្រឹកថ្ងៃទី២០ ខែកក្កដា ឆ្នាំ២០២៦ ឯកឧត្តមបណ្ឌិត ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងពិធីបើកវគ្គបណ្តុះបណ្តាលគ្រូបង្គោល (Training of Trainers: 😭) ស្តីពី «វិធានការចម្រុះគ្រប់គ្រងសមាសភាពចង្រៃ (IPM) កសិកម្មឆ្លាតវៃធន់នឹងអាកាសធាតុ ក្នុងផលិតកម្មដំណាំស្រូវ និងបន្លែ» ក្រោមក្របខណ្ឌគម្រោងកែលម្អសន្តិសុខទឹកកម្ពុជា (CaWSIP-MAFF) នៅខេត្តព្រះវិហារ។
វគ្គបណ្តុះបណ្តាលនេះ មានសិក្ខាកាមចូលរួមសរុប ៦២ រូប មកពីថ្នាក់ដឹកនាំគម្រោងជាតិ មន្ត្រីបច្ចេកទេសគម្រោង (PIU) មន្ត្រីកសិកម្មឃុំ មន្ត្រីមន្ទីរកសិកម្មខេត្តទាំង៤ (ក្រចេះ មណ្ឌលគិរី ព្រះវិហារ កំពង់ធំ) មន្ត្រីជំនាញនៃអគ្គនាយកដ្ឋានកសិកម្ម ទីប្រឹក្សាគម្រោង និងភាគីពាក់ព័ន្ធ។
គោលបំណងនៃការបណ្តុះបណ្តាល គឺពង្រឹងសមត្ថភាពមន្ត្រីបច្ចេកទេស មន្ត្រីកសិកម្មឃុំ និងកសិករគំរូ ឱ្យមានចំណេះដឹង និងជំនាញក្នុងការអនុវត្ត IPM ដើម្បីគ្រប់គ្រងសមាសភាពចង្រៃលើដំណាំស្រូវ និងបន្លែប្រកបដោយប្រសិទ្ធភាព កាត់បន្ថយការប្រើប្រាស់ជី និងថ្នាំកសិកម្ម កាត់បន្ថយថ្លៃដើមផលិតកម្ម បង្កើនផលិតភាព និងលើកកម្ពស់និរន្តរភាពប្រាក់ចំណូលរបស់កសិករ ស្របតាមគោលការណ៍កសិកម្មឆ្លាតវៃធន់នឹងអាកាសធាតុ។
សូមបញ្ជាក់ថា វគ្គបណ្តុះបណ្តាលនេះប្រព្រឹត្តទៅរយៈពេល ៥ថ្ងៃ ចាប់ពីថ្ងៃទី២០ ដល់ថ្ងៃទី២៤ ខែកក្កដា ឆ្នាំ២០២៦ ដោយរួមបញ្ចូលទាំងការសិក្សាទ្រឹស្តី ការពិភាក្សាជាក្រុម ការអនុវត្តជាក់ស្តែងនៅទីវាល និងការវាយតម្លៃមុន និងក្រោយវគ្គសិក្សា៕
