ឯកឧត្តមអគ្គលេខាធិការ សរ ចិត្រា អញ្ជើញចូលរួមក្នុងពិធីចុះហត្ថលេខាលើអនុស្សរណៈនៃការយោគយល់គ្នា(MoU) រវាងក្រសួងកសិកម្ម រុក្ខាប្រមាញ់ និងនេសាទ ជាមួយក្រុមហ៊ុន BAUER Group

ចេញ​ផ្សាយ​ ៣០ មីនា ២០២៦ 142

នាព្រឹកថ្ងៃទី៣០ ខែមីនា ឆ្នាំ២០២៦ ឯកឧត្តមអគ្គលេខាធិការ សរ ចិត្រា តំណាងដ៏ខ្ពង់ខ្ពស់ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមក្នុងពិធីចុះហត្ថលេខាលើអនុស្សរណៈនៃការយោគយល់គ្នា(MoU) រវាងក្រសួងកសិកម្ម រុក្ខាប្រមាញ់ និងនេសាទ ជាមួយក្រុមហ៊ុន BAUER Group ស្តីពីការធ្វើការសិក្សាសមិទ្ធិលទ្ធភាពសម្រាប់គម្រោងអភិវឌ្ឍន៍ផលិតកម្មដំណាំចំណីសត្វលើផ្ទៃដីកសិកម្មប្រមាណ ៦០០ ហិកតា ដែលមានទីតាំងនៅខេត្តកំពង់ឆ្នាំង។
តាងនាមក្រសួងកសិកម្ម រុក្ខាប្រមាញ់ និងនេសាទ ឯកឧត្តមអគ្គលេខាធិការ បានស្វាគមន៍ និងគូសបញ្ជាក់ថា ការចុះហត្ថលេខានេះធ្វើឡើងក្នុងគោលបំណងធ្វើការសិក្សាពីការអភិវឌ្ឍន៍ផលិតកម្មដំណាំចំណីសត្វ សម្រាប់ផ្គត់ផ្គង់ចំណីដល់គោទឹកដោះ នៅលើផ្ទៃដីប្រមាណ ៦០០ហិកតា ការកៀរគរផ្នែកហិរញ្ញវត្ថុ ការសិក្សាបច្ចេកទេសក្នុងការកែលម្អដី និងរៀបចំប្រព័ន្ធធារាសាស្រ្តសម្រាប់ដាំដំណាំចំណីសត្វ ក្នុងការគាំទ្រលើការវិនិយោគផលិតកម្មគោទឹកដោះ ដែលបម្រើឱ្យការប្រើប្រាស់ និងផ្គត់ផ្គង់ក្នុងស្រុក៕