ព័ត៌មានផ្សេងៗទៀត
បញ្ជួនម៉ាស៊ីនបូមទឹកទៅជួយអ្នកភូមិត្រពាំងព្រីង
ចេញផ្សាយ ១៧ មករា ២០១៨ 4156
កាលពីដើមសប្ដាហ៍នេះ នៅភូមិត្រពាំងព្រីង ឃុំពពេល ស្រុកត្រាំកក់ ខណៈដែលស្រូវនៅទីនោះ ត្រូវការការសង្គ្រោះ ពីភាពរាំងស្ងួត ម៉ាស៊ីនបូមទឹក មួយគ្រឿង ត្រូវបានប្រគល់ជួន និងបញ្ជួន ទៅឱ្យបូមទឹកបញ្ចូលស្រែ របស់កសិករ ដែលជាអំណោយរបស់ ឯកឧត្តមបណ្ឌិត ចន្ទ័សារុន រដ្ឋមន្ត្រី ក្រសួងកសិកម្ម រុក្ខាប្រមាញ់ និងនេសាទ។
មានវត្តមាននៅទីនោះ ឯកឧត្តមរដ្ឋមន្ត្រី បានលើកទឹកចិត្ត និងជំរុញដល់កសិករ ឱ្យចេះប្រើប្រាស់ធនធាន ដែលមានឱ្យអស់លទ្ធភាព។ ផ្ទៃដីដែលអាចដាំបាន ត្រូវតែដាំដុះឱ្យអស់ សំដៅបង្កើនទិន្នផលឱ្យល្អប្រសើរ។ ឯកឧត្តមរដ្ឋមន្ត្រីអំពាវនាវឱ្យកសិករ ផ្លាស់ប្ដូរមកប្រើពូជស្រូវស្រាល ឬកណ្ដាលវិញ។
ឯកឧត្តមបានសម្ដែង នូវក្ដីព្រួយបារម្ភផងដែរ ចំពោះល្បឿន នៃការបង្កបង្កើនផលឆ្នាំនេះ ដោយស្រុកត្រាំកក់ ទើបតែសំរេចបាន ជាង៦៩ភាគរយប៉ុណ្ណោះ។ ឯកឧត្តមរដ្ឋមន្ត្រី ក៏បានផ្ដល់នូវបទពិសោធន៍មួយចំនួន ទាក់ទងនឹងការសាបស្រូវ ដែលប្រើពូជតិចទឹកតិច របៀបថែរក្សាស្រូវរបៀបស្ទួងការទុកដាក់ពូជ។ល។
ឯកឧត្តមបញ្ជាក់ថាកសិករក៏ត្រូវតែប្រឹងប្រែងព្យាយាមថែមទៀតទើបអាចទទួលនូវលទ្ធផលល្អ៕
