ឯកឧត្តមរដ្ឋលេខាធិការ គឹម សុន អញ្ជើញចុះពិនិត្យស្រែបង្ហាញកសិករគំរូ និងការចិញ្ចឹមកង្កែបសាច់ នៅស្រុករមាសហែក ខេត្តស្វាយរៀង

ចេញ​ផ្សាយ​ ២២ តុលា ២០២៥ 563

នៅថ្ងៃទី២១ ខែតុលា ឆ្នាំ២០២៥ ឯកឧត្តម គឹម សុន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ឯកឧត្តមអនុរដ្ឋលេខាធិការ ហៃ រស្មី ឯកឧត្តម ឃី កុសល អមដំណើរដោយលោកស្រី ភិន មុំ អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តស្វាយរៀង និងមន្ត្រីជំនាញកសិកម្ម ខេត្តដោយមានការចូលរួមពីអាជ្ញាធរស្រុក ឃុំ និងមន្ត្រីកសិកម្មឃុំ ក្នុងស្រុករមាសហែក បានអញ្ជើញចុះពិនិត្យស្រែបង្ហាញកសិករគំរូ និងការចិញ្ចឹមកង្កែបសាច់ នៅស្រុករមាសហែក ខេត្តស្វាយរៀង។
ក្នុងដំណើរនេះ ឯកឧត្តមរដ្ឋលេខាធិការ បានចុះពិនិត្យស្រែបង្ហាញរបស់កសិករឈ្មោះចាន់ ឌី និង ឈ្មោះ ប៊ួ អួយ នៅភូមិជីកដី និងភូមិទួល ឃុំអណ្តូងត្របែក ស្រុករមាសហែក ខេត្តស្វាយរៀងដែលបានទទួលការណែនាំ និងអនុវត្តគោលការណ៍
ស្រែល្អពីមន្ត្រីកសិកម្មឃុំអណ្តូងត្របែក និងចុះពិនិត្យការចិញ្ចឹមកង្កែបយកសាច់នៅមណ្ឌលសិក្សាបរិស្ថានព្រៃសហគមន៍ត្រពាំងពិការ នៅភូមិត្រពាំងពិការ
ឃុំអំពិល ស្រុករមាសហែក ដែលបានទទួលការណែនាំនិងគាំទ្រពីមន្រ្តីកសិកម្ម
ឃុំអំពិល។ ជាលទ្ធផល កសិករដែលអនុវត្តតាមការណែនាំរបស់មន្ត្រីកសិកម្មឃុំ ធ្វើស្រែបង្ហាញ បានកាត់បន្ថយចំណាយលើ ពូជ ជី ថ្នាំកសិកម្ម និងសុខភាពស្រូ​វលូតលាស់ល្អជាងមុន ទិន្នផលក៏បានច្រើនជាងមុន។
ក្នុងឱកាសនោះ ឯកឧត្តមរដ្ឋលេខាធិការ ក៏បានណែនាំឱ្យ កសិករព្យាយាមបន្តអនុវត្តតាមការណែនាំរបស់មន្រ្តីកសិកម្មឃុំ ដើម្បីអោយការងារបង្កបង្កើនផលកាន់តែល្អប្រសើរ៕