ព័ត៌មានផ្សេងៗទៀត
ចលនា «យើងរួមគ្នាដើម្បីជាតិ» របស់សមាគមកាយឫទ្ធិនារីកម្ពុជា សាខាខេត្តកំពត ក្រោមការដឹកនាំរបស់លោកជំទាវ ឌិត នីតា ប្រធានក្រុមប្រឹក្សាសាខា បានចាប់ផ្ដើមប្រមូលផលបន្លែជូនទៅកាន់វីរយុទ្ធជន និងជនភៀសសឹកហើយ
ចេញផ្សាយ ១៩ មករា ២០២៦ 1987
ចលនា «យើងរួមគ្នាដើម្បីជាតិ» របស់សមាគមកាយឫទ្ធិនារីកម្ពុជា សាខាខេត្តកំពត ក្រោមការដឹកនាំរបស់លោកជំទាវ ឌិត នីតា ប្រធានក្រុមប្រឹក្សាសាខា បានចាប់ផ្ដើមប្រមូលផលបន្លែជូនទៅកាន់វីរយុទ្ធជន និងជនភៀសសឹកហើយ។
ជាការគាំទ្រដល់ចលនា «យើងរួមគ្នាដើម្បីជាតិ» ដែលផ្ដួចផ្ដើមនិងដឹកនាំដោយលោកជំទាវ ពេជ ចន្ទមុន្នី អគ្គស្នងការនៃសមាគមកាយឫទ្ធិនារីកម្ពុជា ក្រសួងកសិកម្ម រុក្ខាប្រមាញ់ និងនេសាទ និងមន្ទីរកសិកម្ម រុក្ខាប្រមាញ់ និងនេសាទ ខេត្តកំពត បានចូលរួម សម្របសម្រួលហើយផ្ដល់បច្ចេកទេសនិងគ្រាប់ពូជ ដល់យុវជន យុវតី សមាជិក និងសមាជិកាសមាគម ដើម្បីជួយឱ្យចលនាដ៏ប្រពៃនេះទទួលបានជោគជ័យ។
ក្រសួងកសិកម្ម នឹងបន្តចូលរួមជំរុញចលនាការដាំដុះបន្លែបង្ការនៅទូទាំងប្រទេស ដើម្បីគាំទ្រ និងជួយបង្កើនអាហារូបត្ថម្ភជូនពុកម៉ែបងប្អូនជនភៀសសឹក និងជាពិសេសវីរយុទ្ធជនដែលកំពុងឈរជើងនៅជួរមុខ៕
