ព័ត៌មានផ្សេងៗទៀត
ឯកឧត្តមអនុរដ្ឋលេខាធិការ ទឹម បូរក្ស អញ្ជើញដឹកនាំក្រុមការងារចុះស្រាវជ្រាវ និងបង្ក្រាបបទល្មើសជលផលនៅភូមិ សាស្ត្រស្រុកពោធិ៍រៀង ខេត្តព្រៃវែង
ចេញផ្សាយ ២៩ មករា ២០២៦ 2944
នៅថ្ងៃទី២៩ ខែមករា ឆ្នាំ២០២៦ ឯកឧត្តម ទឹម បូរក្ស រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តាមការណែនំាំពីឯកឧត្តមរដ្ឋលេខាធិការ ហាស់ សារ៉េត បានអញ្ជើញដឹកនាំកម្លាំង នាយ នាយរងខណ្ឌ ផ្នែក សង្កាត់ និងមន្ត្រីក្រោមឱវាទ នៃខណ្ឌរដ្ឋបាលជលផលព្រៃវែង បានចុះស្រាវជ្រាវ ត្រួតពិនិត្យ ទប់ស្កាត់ និងបង្ក្រាបបទល្មើសជលផល នៅភូមិសាស្រ្ត ស្រុកពោធិ៍រៀង ដែលមានកម្លាំងសរុប ១០នាក់ ប្រើប្រាស់កាណូត២គ្រឿង នៅចំណុចព្រែកបាក់កាំបិត ភូមិបាក់ដោក ឃុំព្រែកជ្រៃ ស្រុកពោធិ៍រៀង ខេត្តព្រៃវែង។
ក្នុងដំណើរនេះ ក្រុមការងារជំនាញបានរុះរើឧបករណ៍ស្បៃមុងបំផ្លាញចោលនៅនឹងកន្លែងនេសាទរួមមាន៖ លូស្បៃមុងចំនួន ៣១មាត់ របាំងព្រួលស្បៃមុងប្រវែង១៥៥០ម៉ែត្រ បង្គោលចម្រឹងចំនួន៤៧០ដើម និងចាក់លែងត្រីចម្រុះទម្ងន់១៥គីឡូក្រាម។
ជាចុងបញ្ចប់ឯកឧត្តមអនុរដ្ឋលេខាធិការ បានគូសបញ្ជាក់ថា ក្រុមកាងារនឹងបន្តត្រួតពិនិត្យ និងបង្ក្រាបបទល្មើសក្នុងភូមិសាស្ត្រទន្លេ បឹង ព្រែក តាមបណ្តាស្រុកក្នុងខេត្តព្រៃវែង និងផ្សព្វផ្សាយការពារភ្លើងឆេះព្រៃលិចទឹក និងទន្រ្ទានដីព្រៃលិចទឹក ដល់ប្រជានេសាទឱ្យឈប់នេសាទ ដោយប្រើប្រាស់ឧបករណ៍ល្មើសច្បាប់៕
