«ឆ្នាំថ្មី២០២៦»រំកិលចូលមកដល់ក្នុងកាលៈទេសៈដែលកម្ពុជាកំពុងស្ថិតនៅចន្លោះនៃក្តីសង្ឃឹមនិងការលំបាក

ចេញ​ផ្សាយ​ ១ មករា ២០២៦ 2862

«ឆ្នាំថ្មី២០២៦»រំកិលចូលមកដល់ក្នុងកាលៈទេសៈដែលកម្ពុជាកំពុងស្ថិតនៅចន្លោះនៃក្តីសង្ឃឹមនិងការលំបាក។ 
ការអនុវត្តបទឈប់បាញ់ដែលបាននាំមកនូវការវិលត្រឡប់មកវិញប្រកបដោយសុវត្ថិភាពនៃវីរយុទ្ធជនកម្ពុជាទាំង១៨រូបគឺជាកាដូឆ្នាំថ្មីដ៏មានអត្ថន័យយ៉ាងធំធេងសម្រាប់ប្រទេសជាតិនិងក្រុមគ្រួសារ ស្របពេលយើងក៏មិនភ្លេចនូវវីរភាពនៃកងទ័ពរបស់យើងដែលកំពុងបន្តឈរជើងយ៉ាងអង់អាចក្លាហានដើម្បីការពារបូរណភាពទឹកដី និងបងប្អូនជនរួមជាតិជាងកន្លះលាននាក់ទៀត កំពុងស្ថិតក្នុងភាពស្រពេចស្រពិលនិងមិនទាន់អាចត្រឡប់ទៅផ្ទះវិញបាននៅឡើយ។
សូមឱ្យឧបសគ្គទាំងពួងប្រែក្លាយទៅជាកម្លាំងចលករជួយពូនជ្រុំស្មារតីសាមគ្គីជាតិឱ្យទៅជាឆន្ទៈតែមួយ ដើម្បីកសាងកម្ពុជាឱ្យកាន់តែរឹងមាំ និងសូមឱ្យឆ្នាំថ្មី២០២៦នេះ ក្លាយទៅជាឆ្នាំនៃក្តីសង្ឃឹម និងជាឆ្នាំដែលនាំមកនូវពន្លឺនៃសុខសន្តិភាពពេញបរិបូរណ៍ឡើងវិញនៅលើទឹកដីកម្ពុជាជារៀងរហូត៕