ឯកឧត្តមបណ្ឌិតរដ្ឋលេខាធិការ យ៉ង សាំងកុមារ អញ្ជើញចុះធ្វើការគាំទ្រ តម្រង់ទិសអនុវត្តការងារដំបូងរបស់ មន្ត្រីកសិកម្មឃុំ-សង្កាត់ជាប់ថ្មី នៅខេត្តចំនួន៤ នៃតំបន់មេគង្គលើ

ចេញ​ផ្សាយ​ ២៥ មេសា ២០២៥ 903

នៅថ្ងៃទី២២ ដល់ថ្ងៃទី២៥ ខែមេសា ឆ្នាំ២០២៥  ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ រួមដំណើរដោយឯកឧត្តមអនុរដ្ឋលេខាធិការ ឡឹក សុធារ ឯកឧត្តមអនុរដ្ឋលេខាធិការ ខាត់ សុធី និងមន្ត្រីនៃនាយកដ្ឋានផ្សព្វផ្សាយកសិកម្ម បានអញ្ជើញចុះគាំទ្រ តម្រង់ទិសអនុវត្តការងារដំបូងរបស់មន្ត្រីកសិកម្មឃុំ-សង្កាត់ នៅខេត្តគោលដៅចំនួន៤ រួមមាន ខេត្តក្រចេះមានមន្ត្រីកសិកម្មឃុំ៤៤នាក់ ស្ទឹងត្រែង៣០នាក់ ខេត្តរតនគិរី ៥០នាក់ និង ខេត្តមណ្ឌលគិរី ចាស់និងថ្មីសរុបទាំងអស់ចំនួន២១នាក់។

នាឱកាសនៃវគ្គបណ្តុះបណ្តាលតម្រង់ទិសនោះ ឯកឧត្តមបណ្ឌិត យ៉ង សាំង កុមារ បានលើកឡើងអំពី៖ ១.យុទ្ធសាស្ត្របញ្ចកោណដំណាក់កាលទី១នៃរាជរដ្ឋាភិបាលនីតិកាលទី៧

២.គោលនយោបាយអាទិភាពទិភាពទាំង៦ ជាពិសេសគោលនយោបាយអាទិភាពទី៥ទី៦

៣.តួនាទីភារកិច្ចមន្ត្រីកសិកម្មឃុំសង្កាត់។

ជាមួយគ្នានោះដែរ ឯកឧត្តមបណ្ឌិតរដ្ឋលេខាធិការ បានលើកទឹកចិត្តដល់មន្ត្រីកសិកម្មឃុំទាំងចាស់ថ្មី បំពេញការនៅមូលដ្ឋានឱ្យបានល្អ សហការជាមួយភាគីពាក់ព័ន្ធ សំដៅធ្វើយ៉ាងណាបម្រើកសិករ ដោយស្មោះត្រង់ សម្រេចបាននូវការបង្កើនប្រាក់ចំណេញខ្ពស់ពីវិស័យកសិកម្ម ដើម្បីចក្ខុវិស័យ កម្ពុជាក្លាយជាប្រទេសមានចំណូលមធ្យមកម្រិតខ្ពស់ឆ្នាំ២០៣០ និងក្លាយជាប្រទេសចំណូលខ្ពស់ឆ្នាំ២០៥០។

សូមជម្រាបថា ដំណើរការចុះតម្រង់ទិសដំបូងដល់មន្ត្រីកសិកម្មឃុំថ្មីវគ្គ២ អនុវត្តបានសរុប២៤ខេត្ត៕