ព័ត៌មានផ្សេងៗទៀត
ឯកឧត្តមអនុរដ្ឋលេខាធិការ គី ច័ន្ទរំដួល អញ្ជើញចូលរួមក្នុងកម្មវិធីបើក «ការចាប់ផ្តើមនៃស៊េរីពិព័រណ៍កម្ពុជាឆ្នាំ ២០២៦»
ចេញផ្សាយ ៣០ កក្កដា ២០២៦ 547
នៅថ្ងៃទី២៩ ខែកក្កដា ឆ្នាំ២០២៦ ឯកឧត្តម គី ច័ន្ទរំដួល អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួម ក្នុងកម្មវិធីបើក «ការចាប់ផ្តើមនៃស៊េរីពិព័រណ៍កម្ពុជាឆ្នាំ ២០២៦» នៅសណ្ឋាគារ ហៃយ៉ាត រីជែន រាជធានីភ្នំពេញ ក្រោមអធិបតីភាពឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម។
ថ្លែងក្នុងកម្មវិធីបើក ឯកឧត្តម គី ច័ន្ទរំដួល បានលើកឡើងថា កម្មវិធីបើកដំណើរការស៊េរីពិព័រណ៍កម្ពុជាឆ្នាំ ២០២៦ បានក្លាយជាវេទិកាដ៏សំខាន់មួយដែលភ្ជាប់ទំនាក់ទំនងរវាងរដ្ឋាភិបាល អាជីវកម្ម វិនិយោគិន និងអ្នកច្នៃប្រឌិត ទាំងក្នុងនិងក្រៅប្រទេស។ ការប្រកាសបើកដំណើរការនៅថ្ងៃនេះ គឺជាការត្រួសត្រាយផ្លូវសម្រាប់ការតាំងពិព័រណ៍ពាណិជ្ជកម្មផ្លូវការ ដែលនឹងប្រព្រឹត្តទៅពីថ្ងៃទី២៦ ដល់ទី២៨ ខែសីហា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ។
ជាមួយគ្នានេះ ឯកឧត្តមបានអំពាវនាវឱ្យប្រជាពលរដ្ឋ ក្រុមហ៊ុនជាតិនិងក្រុមហ៊ុនអន្តរជាតិ ដៃគូអភិវឌ្ឍន៍ អ្នកផលិត បន្តគាំទ្រ និងចូលរួមព្រឹត្តិការណ៍តាំងពិព័រណ៍នាពេលខាងមុខនេះឱ្យបានច្រើនកុះករ ដើម្បីចូលរួមចំណែកលើកកម្ពស់ប្រាក់ចំណូលរបស់ប្រជាកសិករ ពង្រឹងការផលិតទាំងគុណភាព និងស្តង់ដារផលិតតាមរយៈការវិនិយោគពីវិស័យឯកជនក្នុងវិស័យកសិកម្មឱ្យបានកាន់តែច្រើនឡើង៕
