ព័ត៌មានផ្សេងៗទៀត
ឯកឧត្តមរដ្ឋលេខាធិការ ហ៊ាន វណ្ណហន អញ្ជើញដឹកនាំក្រុមការងារអនុវត្ដគម្រោងថ្នាក់ជាតិ CASDP_MAFF ចុះត្រួតពិនិត្យវឌ្ឍនភាព និងតម្រង់ទិសការអនុវត្ដន៍គម្រោង នៅខេត្ដសៀមរាប
ចេញផ្សាយ ១៩ កញ្ញា ២០២៥ 1142
នៅរសៀលថ្ងៃទី១៨ ខែកញ្ញា ឆ្នាំ២០២៥ ឯកឧត្តម ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានគណកម្មការដឹកនាំគម្រោងពិពិធកម្មកសិកម្មកម្ពុជា CASDP បានដឹកនាំក្រុមការងារអនុវត្ដគម្រោងថ្នាក់ជាតិ CASDP_MAFF ចុះត្រួតពិនិត្យវឌ្ឍនភាព និងតម្រង់ទិសការអនុវត្ដគម្រោងនៅខេត្ដសៀមរាប។
ដំណើរបេសកកម្មមានការចូលរួមពីលោក អនុប្រធានមន្ទីរកសិកម្មខេត្តសៀមរាប និងមន្រ្ដីអនុវត្តគម្រោង ដោយចុះជួបពិភាក្សាជាមួយប្រធាន អនុប្រធាន និងសមាជិកសហគមន៍កសិកម្មចំនួន ០២ រួមមាន: សហគមន៍កសិកម្មកន្ទ្រាំងបល័្លង្ករស្មីស្រ្ដីសាមគ្គី និង សហគមន៍កសិកម្មទំនើបសសី ស្ថិតនៅខេត្ដសៀមរាប។
នាជំនួបពិភាក្សា ឯកឧត្ដម ហ៊ាន វណ្ណហន បានគូសបញ្ជាក់ ដោយផ្ដោតសំខាន់លើការរៀបចំដំណើរការផែនការផលិតកម្ម និងទីផ្សាររួមក្នុងការបង្កើនអំណាចចចារទីផ្សារ បង្កើនសមត្ថភាពផលិតម្មបន្លែក្នុងផ្ទះសំណាញ់របស់សហគមន៍ដោយផ្អែកលើស្ដង់ដាផលិតផលរួមតែមួយ ឆ្លើយតបតាមតម្រូវការទីផ្សារ និង លើកកម្ពស់សេដ្ឋកិច្ចជនបទ តាមរយ:គម្រោង និងមន្ទីរកសិកម្មខេត្ដ។ បន្ថែមពីនេះទៀតឯកឧត្តម ក៏បានកោតសសើរចំពោះឆន្ទ:បង្កើតឡើង និងដំណើរការសហគមន៍ទំនើប ស្របតាមគោលនយោបាយអាទិភាពរបស់រាជរដ្ឋាភិបាលកម្ពុជា ទោះបីឆ្លងកាត់ឧបសគ្គ ក៏សហគមន៍នៅតែជំនះរៀបចំចាត់ចែង ផែនការ ផលិតកម្ម និងធ្វើយ៉ាងណាឱ្យផលិតផលមានស្តង់ដារនៅលើទីផ្សារ។
បន្ទាប់ពីជំនួបពិភាក្សា ឯកឧត្ដម រួមជាមួយសហការី និងមន្រ្ដីពាក់ព័ន្ធ បានបន្តចុះពិនិត្យមើលកសិដ្ឋានដាំបន្លែ ហេដ្ឋារចនាសម្ព័ន្ធរបស់សហគមន៍ ដើម្បីពិនិត្យ មើលស្ថានភាពក្នុងការដាំដុះជាក់ស្ដែង ក៏ដូចជាការផ្ដល់មតិយោបល់ កែលម្អបន្ថែម និងបានចុះពិនិត្យមើលផ្ទះសំណាញ់ដែលទទួលបានពី ODA/ Korea តាមរយៈឯកឧត្ដម ក្នុង១សហមគន៍ទទួលបាន១ខ្នង ផងដែរ៕
