ឯកឧត្តមរដ្ឋមន្រ្តី ឌិត ទីណា អញ្ជើញទទួលជួបជាមួយ ឯកឧត្តមរដ្ឋមន្រ្តី ជេ. អាឡិចសាន់ឌ័រ នូអែតា (J.Alexander Nuetah) ក្នុងជំនួបសម្តែងការគួរសម និងពិភាក្សាការងារ

ចេញ​ផ្សាយ​ ២២ ឧសភា ២០២៦ 382

នាថ្ងៃទី២២ ខែឧសភា ឆ្នាំ២០២៦ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអញ្ជើញទទួលជួប ឯកឧត្តមបណ្ឌិត ជេ. អាឡិចសាន់ឌ័រ នូអែតា (J.Alexander Nuetah) រដ្ឋមន្ត្រីក្រសួងកសិកម្ម នៃប្រទេសលីបេរីយ៉ា (Liberia) ក្នុងជំនួបសម្តែងការគួរសម និងពិភាក្សាការងារ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។
នាឱកាសនៃជំនួប ភាគីទាំងពីរ បានពិភាក្សាការងារស្តីពីការពង្រីកកិច្ចសហប្រតិបត្តិការលើវិស័យកសិកម្ម ការជំរុញកសិ-ពាណិជ្ជកម្មដំណាំស្រូវ-អង្ករ និងទំនាក់ទំនងវិស័យឯកជន ជាពិសេសពិនិត្យលទ្ធភាពក្នុងការនាំចេញអង្ករកម្ពុជាទៅកាន់ទីផ្សារប្រទេសលីបេរីយ៉ា សំដៅធានាបាននូវសន្តិសុខស្បៀងអាហារ៕