ឯកឧត្តមរដ្ឋលេខាធិការ​ប្រចាំការ​ អ៊ឹម​ ស៊ីថុល អញ្ជើញទទួលអំណោយសប្បុរសធម៌សម្រាប់ផ្គត់ផ្គង់​ និងរៀបចំស្បៀងអាហារជូនប្រជាពលរដ្ឋភៀសសឹក នៅខេត្តបន្ទាយមានជ័យ

ចេញ​ផ្សាយ​ ១២ មករា ២០២៦ 2588

នាព្រឹកថ្ងៃទី១២ ខែមករា ឆ្នាំ២០២៦ ឯកឧត្តម​ អ៊ឹម​ ស៊ីថុល រដ្ឋលេខាធិការប្រចាំការ តំណាងដ៏ខ្ពង់ខ្ពស់ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បានអញ្ជើញទទួលអំណោយសប្បុរសធម៌ពី សិប្បកម្ម​ បាយដំណេីបបំពង​ ម៉ាក់អូនឌី​ ដែលបានឧបត្ថម្ភអង្ករ​ ៧០បាវ(៥គ.ក្រ)​ បាយក្តាំង​ ៤០០កញ្ចប់​ មី​ ១០កេស​ នំចង្កិះ​ ៥០ថង់​ ទឹកសុទ្ធ​ ៥០យួរ​ និងថវិកា​ ៤០មុឺនរៀល​ សម្រាប់ផ្គត់ផ្គង់​ និងរៀបចំស្បៀងអាហារ​ជូនប្រជាពលរដ្ឋភៀសសឹក​ នៅខេត្តបន្ទាយមានជ័យ។
តាងនាមក្រុមការងារ​រាជរដ្ឋាភិបាលចុះមូលដ្ឋានខេត្តបន្ទាយមានជ័យ និងអាជ្ញាធរខេត្ត​ ឯកឧត្តមរដ្ឋលេខាធិការ​ប្រចាំការ បានថ្លែងអំណរគុណនូវទឹកចិត្តដ៏សប្បុរស សបញ្ជាក់អំពីមនសិការស្នេហាជាតិ​ដ៏ឧត្តុង្គឧត្តម​ និងធ្លុងមហាសាមគ្គីគ្រួសារខ្មែរ​ ដើម្បីរួមគ្នាជួយសង្គ្រោះប្រជាពលរដ្ឋជនភៀសសឹក ដែលកំពុងស្នាក់នៅក្នុងខេត្តបន្ទាយមានជ័យ​ ព្រមទាំងចាត់ចែងអំណោយដ៏ថ្លៃថ្លានេះឱ្យបានដល់ប្រជាពលរដ្ឋជនភៀសសឹកគ្រប់ៗគ្នា​ និងជូនពរដល់ថ្នាក់ដឹកនាំ​ និងបុគ្គលិកនៃ សិប្បកម្ម​ បាយដំណេីបបំពង​ ម៉ាក់អូនឌី​​​ ទទួលបានជោគជ័យគ្រប់ភារកិច្ច៕