ឯកឧត្តមរដ្ឋលេខាធិការ ហ៊ាន វណ្ណហន អញ្ជើញដឹកនាំកិច្ចប្រជុំអង្គភាពជំនាញពាក់ព័ន្ធ ដើម្បីពិនិត្យបូកសរុបលទ្ធផលប្រចាំឆ្នាំ នៃកាអនុវត្តកម្មវិធីទី១ (ការអភិវឌ្ឍខ្សែច្រវាក់ផលិតកម្មកសិកម្ម)

ចេញ​ផ្សាយ​ ៣ មីនា ២០២៦ 1655

នៅរសៀលថ្ងៃទី៣ ខែមីនា ឆ្នាំ២០២៦ ឯកឧត្តម ហ៊ាន វណ្ណហន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំកិច្ចប្រជុំពិនិត្យលទ្ធផលនៃការអនុវត្តកម្មវិធីទី១ សម្រាប់កម្មវិធីសន្និបាតបូកសរុបការងារកសិកម្ម រុក្ខាប្រមាញ់ និងនេសាទប្រចាំឆ្នាំ២០២៥ និងលើកទិសដៅបន្តឆ្នាំ២០២៦។ 
កិច្ចប្រជុំមានការអញ្ជើញចូលរួមពីតំណាងអង្គភាព នាយកដ្ឋាន និងមន្រ្ដីពាក់ព័ន្ធក្រោមឱវាទក្រសួងកសិកម្ម ដោយបានពិភាក្សា បូកសរុប និងរៀបចំបទបង្ហាញលើលទ្ធផលសម្រេចបានឆ្នាំ២០២៥ និងលើកទិសដៅអនុវត្តបន្ដឆ្នាំ២០២៦ នៃកម្មវិធីទី១ លើការអភិវឌ្ឍខ្សែច្រវាក់ផលិតកម្មកសិកម្ម។ ធាតុចូលសំខាន់ៗ ត្រូវបានផ្ដល់បំពេញបន្ថែម ដូចជា សូចនាករ សមិទ្ធកម្ម លទ្ធផលសម្រេចបាន បញ្ហាប្រឈម និងការលើកទិសដៅបន្តនៃការអនុវត្តថវិកាកម្មវិធីទី១៕