ពិធីបិទកិច្ចប្រជុំបូកសរុបលទ្ធផលការងារឆ្នាំ២០១៨ និងលើកទិសដៅអនុវត្តការងារបន្តឆ្នាំ២០១៩ ក្រោមអធិបតីភាពឯកឧត្តមរដ្ឋមន្រ្តី វេង សាខុន

ចេញ​ផ្សាយ​ ២៥ កុម្ភៈ ២០១៩ 5165

នៅអគ្គនាយកដ្ឋានផលិតកម្មសត្វ និងសុខភាពសត្វ នារសៀលថ្ងៃសុក្រ ៣រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២២ ខែកុម្ភៈ ឆ្នាំ២០១៩ បានរៀបចំពិធីបិទកិច្ចប្រជុំបូកសរុបលទ្ធផលការងារឆ្នាំ២០១៨ និងលើកទិសដៅអនុវត្តការងារបន្តឆ្នាំ២០១៩ ក្រោមអធិបតីភាពឯកឧត្តមរដ្ឋមន្រ្តី វេង សាខុន។ ក្នុងពិធីនេះ ក៏មានការអញ្ជើញចូលរួមពីណាក់ឯកឧត្តមជាថ្នាក់ដឹកនាំក្រសួង លោកឧកញ៉ា លោក លោកស្រី នាងកញ្ញា តំណាងស្ថាប័នពាក់ព័ន្ឋ និងមន្ទីរកសិកម្មរាជធានី-ខេត្ត ដៃគូអភិវឌ្ឍយ៉ាងច្រើនកុះករផងដែរ។ ឯកឧត្តមតាន់ ផាន់ណារា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានផលិតកម្មសត្វ និងសុខភាពសត្វ បានអានរបាយការណ៍បូកសរុបលទ្ធផលការងារដែលសម្រេចបានក្នុងឆ្នាំ២០១៨ ជូនអង្គពិធីជ្រាប ដោយសង្ខេបដែលបានបង្ហាញពីរីកចម្រើនលើផ្នែកផលិតកម្មសត្វ សុខភាពសត្វ បញ្ហាប្រឈមនានាដែលបានជួបប្រទះ ផែនការសកម្មភាព និងទិសដៅដែលអគ្គនាយកដ្ឋានត្រូវអនុវត្តបន្ត។

ថ្លែងទៅកាន់អង្គពិធី ឯកឧត្តមរដ្ឋមន្រ្តីបានធ្វើការកោតសរសើរ និងវាយតម្លៃខ្ពស់ដល់ថ្នាក់ដឹកនាំនិងមន្រ្តីគ្រប់ជាន់ថ្នាក់នៃអគ្គនាយកដ្ឋានផលិតកម្មសត្វ និងសុខភាពសត្វដែលបានខិតខំប្រឹងប្រែងអនុវត្តការងារក្នុងរយៈកន្លងមក ទទួលបានលទ្ធផលគួរជាទីមោទនៈ ហើយលោកក៏បានថ្លែងអំណរគុណជូនចំពោះសមាជិកនៃអង្គពិធីដែលបានពិភាក្សា ផ្លាស់ប្តូរគំនិត យោបល់ និងចែករំលែកបទពិសោធន៍ជាក់ស្តែងដែលជាធាតុចូលដ៏សំខាន់មួយសម្រាប់យកមកធ្វើជាពុទ្ធិ ឬត្រីវិស័យក្នុងការចងក្រងគោលនយោបាយ និងផែនការយុទ្ធសាស្រ្តអភិវឌ្ឍវិស័យផលិតកម្មសត្វ និងសុខភាពសត្វឲ្យមានការអភិវឌ្ឍប្រកប ដោយចីរភាពនិងនិរន្តរភាព។ ឯកឧត្តមរដ្ឋមន្រ្តីបានបញ្ជាក់បន្ថែមថាសមិទ្ធផលនេះ គឺជាលទ្ធផលនៃកិច្ចខិតខំប្រឹងប្រែង ចូលរួមចំណែកពីគ្រប់ភាគីពាក់ព័ន្ធដើម្បីបន្តអភិវឌ្ឍវិស័យផលិតកម្មសត្វ និងសុខភាពសត្វឲ្យមានការរីកចម្រើនបន្ថែមទៀត ធា នាកំណើនផលិតកម្មសត្វ សាច់ ស៊ុត អនាម័យ គុណភាព និងសុវត្ថិភាពសាច់ ផលិតផលមានដើមកំណើតពីសត្វ ធានាតុល្យ ភាព នៃកំណើនសេដ្ឋកិច្ច ប្រជាជន ទេសចរណ៍ និងតាមឲ្យទាន់សភាពការណ៍ប្រែប្រួលផ្នែកបច្ចេកទេស សេដ្ឋកិច្ច និងនយោបាយនៅក្នុងតំបន់ និងលើពិភពលោក ទាញយកផលប្រយោជន៍ជាអតិបរមាពីការរីកចម្រើនផ្នែកបច្ចេកវិទ្យា និងឌីជីថលូបនីយកម្ម ជាពិសេសក្នុងបរិការណ៍នៃបដិវត្តន៍ឧស្សាហកម្មទី៤។ ហេតុផលនេះ ឯកឧត្តមរដ្ឋមន្រ្តី បានផ្តល់នូវចក្ខុវិស័យ និងអនុសាសន៍មួយចំនួនជូនអគ្គនាយកដ្ឋានយកទៅពិចារណា និងអនុវត្តឲ្យទទួលបានជោគជ័យក្នុងនោះមានដូចតទៅ៖

ទី១-ជំរុញអនុវត្តផែនការសកម្មភាព ដែលចែងក្នុងផែនការយុទ្ធសាស្ត្រអភិវឌ្ឍន៍វិស័យកសិកម្មឆ្នាំ២០១៩-២០២៣ ដើម្បីរួមចំណែកសម្រេចគោលដៅជាអាទិភាព ស្របតាមយុទ្ធសាស្ត្រចតុកោណដំណាក់កាលទី៤។ ត្រូវពង្រីកការចិញ្ចឹមសត្វជា ពិសេសការចិញ្ចឹមគោពូជល្អៗដែលមានតម្លៃទីផ្សារខ្ពស់ និងជំរុញការបង្កាត់សិប្បនិម្មិតឲ្យបានកាន់តែទូលំទូលាយ។
ទី២-ជំរុញការផលិតចំណីសត្វ ការដាំដំណាំចំណីសត្វ ដោយប្រើប្រាស់វត្ថុធាតុដើមក្នុងស្រុកមានតម្លៃសមរម្យ កាត់បន្ថយការនាំចូលវត្ថុធាតុដើមដែលមិនចាំបាច់។ ត្រូវសហការជាមួយអង្គភាព ដៃគូអភិវឌ្ឍ វិស័យឯកជន និងស្ថាប័នស្រាវជ្រាវធ្វើ ការសិក្សាឲ្យបានល្អិតល្អន់នូវចំណីផ្សំស្រេច ថ្នាំ ឬផលិតផលផ្សេងៗដើម្បីដឹងអំពីសមាធាតុផ្សំ ការប្រើប្រាស់ រក្សាទុកដាក់និងហានីភ័យរបស់វា។
ទី៣- ត្រូវពង្រឹងការអនុវត្តនីតិវិធីនៃការដឹកជញ្ជូនសត្វ ការធ្វើចរាចរណ៍សត្វ និងផលិតផលសត្វ ការតាំងលក់ និងដឹកជញ្ជូនផ្ទាំងសាច់ ឲ្យបានត្រឹមត្រូវតាមបច្ចេកទេស ដើម្បីលើកកម្ពស់អនាម័យសត្វ ផលិតផលសត្វ គុណភាព និងអនាម័យចំណីសត្វ និងបសុឱសថ ក្នុងគោលបំណងធានាគុណភាព សុវត្ថិភាពសាច់និងផលិតផលសត្វ និងបង្កើនប្រសិទ្ធភាពលើការបង្ការ ទប់ស្កាត់ និងការពារជំងឺឆ្លងសត្វ ជំងឺស៊ូណូស ដើម្បីលើកកម្ពស់សុខភាពសាធារណៈ។ ត្រូវបន្តយកចិត្តទុកខ្ពស់ដល់ការគ្រប់គ្រង កាកសំណល់ពីសត្វ បញ្ហាអនាម័យនៅតាមបណ្តាសត្តឃាតដ្ឋាន កសិដ្ឋាន កន្លែងចិញ្ចឹមសត្វ តាមរយៈការអប់រំ ផ្សព្វផ្សាយការអនុវត្តល្អ ប្រសើរលើការចិញ្ចឹមសត្វ ការសាងសង់ឡជីវឧស្ម័ននៅកសិដ្ឋានចិញ្ចឹមសត្វ និងគ្រួសារ។
ទី៤-ត្រូវចាត់វិធានការទប់ស្កាត់នូវរាល់បទល្មើសដូចជាការនាំចូលសត្វ សាច់សត្វ ចំណីសត្វ វត្ថុធាតុដើមផ្សំចំណីសត្វថ្នាំការពារ និងព្យាបាលសត្វខុស ច្បាប់តាមច្រករបៀងនាបណ្តាខេត្តនៅជាប់ព្រំដែនដោយត្រូវសហការជាមួយសមត្ថកិច្ចពាក់ព័ន្ធទាំងអស់ប្រយោជន៍ដើម្បីការពារជំងឺឆ្លងសត្វ គ្រប់គ្រងស្ថិតិសត្វ ចលនាសត្វ និងផលិតផលសត្វឲ្យបានសុក្រឹត្យ។
ទី៥-ពង្រឹងសាមគ្គីភាពផ្ទៃក្នុង យកចិត្តទុកដាក់អនុវត្តភារកិច្ចក្នុងស្មារតីទទួលខុសត្រូវ ធានាបានប្រសិទ្ធភាពខ្ពស់។ ពង្រឹងការគ្រប់គ្រងមន្រ្តីរាជការ រៀបចំតួនាទី និងភារកិច្ចជូនមន្រ្តីឲ្យបានសមរម្យ សាកសមតាមសមត្ថភាព និងបទពិសោធន៍ការងារ។ យកចិត្តទុកដាក់ផ្តល់សេវាកម្ម បសុព្យាបាល ដើម្បីជំរុញផលិតកម្មសត្វ ការធ្វើពាណិជ្ជកម្មសត្វ និងផលិតផលសត្វ។
ទី៦-បង្កើននិងពង្រឹងកិច្ចសហប្រតិបត្ដិការភាពជាដៃគូ និងបច្ចេកទេសនៅថ្នាក់ជាតិ អាស៊ាន និងអន្ដរជាតិ អង្គការ ស្ថាប័នទ្វេភាគី និងពហុភាគីជុំវិញបញ្ហានានាដែលពាក់ព័ន្ធជាមួយនឹងសុខភាពសត្វនិងផលិតកម្មសត្វ។ បន្តកិច្ចសហប្រតិបត្តិការជា មួយអន្តរស្ថាប័នពាក់ព័ន្ធ រដ្ឋ-បាលរាជធានី-ខេត្ត វិស័យឯកជន និងគ្រប់តួអង្គពាក់ព័ន្ធទាំងអស់ក្នុងស្មារតីទទួលខុសត្រូវខ្ពស់តាមអភិ-ក្រម “រដ្ឋ-ឯកជន-ដៃគូអភិវឌ្ឍន៍ និងសហគមន៍” ។
ទី៧-បន្តខិតខំរៀបចំកសាងលិខិតបទដ្ឋានគតិយុត្តក្រោមច្បាប់ស្តីពីសុខភាពសត្វ និងផលិតកម្មសត្វ និងត្រូវជំរុញការផ្សព្វ ផ្សាយច្បាប់ និងបទដ្ឋានគតិយុត្តក្រោមច្បាប់នេះឲ្យបានទូលំទូលាយ។ អនុវត្តឲ្យបានខ្ជាប់ខ្ជួននូវគោលការណ៍ និងនីតិវិធីទាំងឡាយដែលរាជរដ្ឋាភិបាល ក៏ដូចជាក្រសួងបានចង្អុលបង្ហាញ និងត្រូវរៀបចំនីតិវិធីក្នុងការផ្ដល់វិញ្ញាបនបត្រ និងផ្ដល់ការគាំទ្រដល់ការបង្កើតគណៈបសុពេទ្យដោយមានការអភិវឌ្ឍវិស័យចិញ្ចឹមសត្វ។
 

ព័ត៌មានផ្សេងៗទៀត
ចេញ​ផ្សាយ​ ២២ វិច្ឆិកា ២០២៦ 372

ថ្នាក់ដឹកនាំក្រសួងកសិកម្ម​ ទទួលជួបជាមួយលោក Niu Jian ប្រធានក្រុមហ៊ុន(HLID) ក្នុងជំនួបពិភាក្សាការងារ នៅសាធារណរដ្ឋប្រជាមានិតចិន

នាថ្ងៃទី២១​ ខែវិច្ឆិកា​ ឆ្នាំ២០២៦​ ឯកឧត្តមអនុរដ្ឋលេខាធិការ គី ច័ន្ទរំដួល អ​មដោយ លោក ងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ អញ្ជើញដឹកនាំគណៈប្រតិភូក្រសួងកសិកម្ម...
ចេញ​ផ្សាយ​ ២១ វិច្ឆិកា ២០២៦ 802

«សន្និសីទអភិរក្សថនិកសត្វទឹកសាបនៅអាស៊ី ឆ្នាំ២០២៦» បិទបញ្ចប់ដោយឯកភាពជាគោលការណ៍លើការបង្កើតបណ្តាញអភិរក្សថនិកសត្វទឹកសាបនិងសមុទ្រថ្នាក់តំបន់

សន្និសីទអភិរក្សថនិកសត្វទឹកសាប នៅអាស៊ី ឆ្នាំ២០២៦ ដែលបានរៀបចំឡើងចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០២៦ នៅខេត្តសៀមរាប បានបញ្ចប់ដោយជោគជ័យ ជាមួយនឹងលទ្ធផលដ៏សំខាន់...
ចេញ​ផ្សាយ​ ២១ វិច្ឆិកា ២០២៦ 921

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់ និងទទួលផ្ទះសំណាញ់ចំនួន៨៩ខ្នង ជូនសហគមន៍កសិកម្មចំនួន១៣ ក្នុងខេត្តសៀមរាប

នៅរសៀលថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការ និងជាសហប្រធានគណៈកម្មការតម្រង់ទិសគម្រោង «គុជ» តំណាងដ៏ខ្ពង់ខ្ពស់ឯកឧត្តម ឌិត ទីណា...
ចេញ​ផ្សាយ​ ២១ វិច្ឆិកា ២០២៦ 965

ឯកឧត្តមរដ្ឋលេខាធិការ ហាស់ សារ៉េត អញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពី ជលផល និងនីតិវិធីពាក់ព័ន្ធ ដល់មន្ត្រីសមត្ថកិច្ចជលផល

នៅថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពីជលផល...
ចេញ​ផ្សាយ​ ២១ វិច្ឆិកា ២០២៦ 936

ថ្នាក់ដឹកនាំក្រសួងកសិកម្ម​ អញ្ជើញបំពេញទស្សនកិច្ចសិក្សា​ និងលើកទឹកចិត្តដល់វិនិយោគគិនចិនលើវិស័យកសិកម្ម​ នៅសាធារណរដ្ឋប្រជាមានិតចិន

នាថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមអនុរដ្ឋលេខាធិការ គី ច័ន្ទរំដួល អញ្ជើញដឹកនាំគណៈប្រតិភូក្រសួងកសិកម្ម រុក្ខាប្រមាញ់ និងនេសាទ បំពេញទស្សនកិច្ចសិក្សា ផ្សព្វផ្សាយ...
ចេញ​ផ្សាយ​ ២១ វិច្ឆិកា ២០២៦ 997

«រួមគ្នាជាសហគមន៍ ដើម្បីរីកចម្រើនទាំងអស់គ្នា!»

«រួមគ្នាជាសហគមន៍ ដើម្បីរីកចម្រើនទាំងអស់គ្នា!» ក្រសួងកសិកម្ម រុក្ខាប្រមាញ់ និងនេសាទ ដោយសហការជាមួយអង្គការ FAO ជាដៃគូអនុវត្តគម្រោង «គជ់» (PEARL) បាននាំយកផ្ទះសំណាញ់...
ចេញ​ផ្សាយ​ ២១ វិច្ឆិកា ២០២៦ 984

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់សម្ភារៈប្រើប្រាស់កសិកម្មជូនសហគមន៍ចំនួន៨ ក្នុងខេត្តឧត្តរមានជ័យ

នៅព្រឹកថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម​ និងជាសហប្រធានគណៈកម្មការតម្រង់ទិសគម្រោង «គជ់» ជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី...
ចេញ​ផ្សាយ​ ២១ វិច្ឆិកា ២០២៦ 1014

ថ្នាក់ដឹកនាំក្រសួងកសិកម្ម អញ្ជើញចែកគ្រាប់ពូជបន្លែជូនអ្នកភូមិរង់ចាំ ជាង ៣០០គ្រួសារ ដើម្បីលើកកម្ពស់ជីវភាពប្រជាពលរដ្ឋ

នៅព្រឹកថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តមបណ្ឌិត ​យ៉ង សាំងកុមារ បានដឹកនាំសកម្មភាពចែកគ្រាប់ពូជបន្លែជូនអ្នកភូមិរង់ចាំ នៃខេត្តបន្ទាយមានជ័យ ជាង ៣០០ គ្រួសារ ដោយមានការចូលរួមពីតំណាងមន្ទីរកសិកម្ម...
ចេញ​ផ្សាយ​ ២១ វិច្ឆិកា ២០២៦ 1001

លោកជំទាវអនុរដ្ឋលេខាធិការ អ៊ឹម រចនា រួមដំណើរគណៈប្រតិភូស្ថាប័នជលផលចិន និង IHB ទស្សនកិច្ចកន្លែងអភិរក្សជលផលកំពង់ភ្លុក នៃខេត្តសៀមរាប

នាថ្ងៃទី១៩ ខែវិច្ឆិកា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញរួមដំណើរជាមួយគណៈប្រតិភូស្ថាប័នជលផលចិន និងវិទ្យាស្ថានជីវសាស្ត្រជលផល...
ចេញ​ផ្សាយ​ ២០ វិច្ឆិកា ២០២៦ 1400

ថ្នាក់ដឹកនាំក្រសួងកសិកម្មអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​” ជាមួយគម្រោង COSTEA

នៅថ្ងៃទី១៧-១៩ ខែវិច្ឆិកា ឆ្នាំ២០២៦ ឯកឧត្ដម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​”...
ចេញ​ផ្សាយ​ ១៩ វិច្ឆិកា ២០២៦ 1489

ឯកឧត្តមរដ្ឋមន្ត្រី ឌិត ទីណា បន្តអញ្ជើញជួបសំណេះសំណាល និងប្រគល់ត្រាក់ទ័រ គោយន្ត ព្រមទាំងម៉ាស៊ីនច្រូតកាត់ ជូនដល់សហគមន៍កសិកម្មនៅខេត្តព្រះវិហារ

នាថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបន្តដំណើរអញ្ជើញចុះជួបសំណេះសំណាល និងប្រគល់គ្រឿងយន្តកសិកម្ម...
ចេញ​ផ្សាយ​ ១៩ វិច្ឆិកា ២០២៦ 1537

លោកជំទាវ អ៊ឹម រចនា ពិភាក្សាជាមួយតំណាងស្ថាប័នជលផលចិន និង វិទ្យាស្ថានជីវសាស្ត្រទឹកនៃបណ្ឌិត្យសភាវិទ្យាសាស្ត្រចិន អំពីការពង្រឹងកិច្ចសហប្រតិបត្តិការអភិរក្សសត្វផ្សោតទន្លេមេគង្គ និងប្រព័ន្ធអេកូឡូស៊ីជលផល

ក្នុងឱកាសនៃ«កិច្ចប្រជុំថ្នាក់តំបន់ស្តីពីការអភិរក្សថនិកសត្វទឹកសាបនៅតំបន់អាស៊ី» លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាការងារជាមួយតំណាងវិទ្យាស្ថានជីវសាស្ត្រទឹក...