ពិធីចុះហត្ថលេខាលើអនុស្សរណៈនៃការយោគយល់គ្នា រវាងរដ្ឋបាលខេត្តស្ទឹងត្រែង និងក្រុមហ៊ុន ហ៊ុន ទី

ចេញ​ផ្សាយ​ ២៥ វិច្ឆិកា ២០២០ 24997

ស្ទឹងត្រែង, ថ្ងៃច័ន្ទ  ០៨កើត ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៣ ខែវិច្ឆិកា ឆ្នាំ២០២០ លោក លៀង សេង ប្រធានមន្ទីរកសិកម្ម រុក្ខាប្រមាញ់ និងនេសាទខេត្តស្ទឹងត្រែង  រួមជាមួយសហការី ជាប្រធាន/អនុប្រធានការិយាល័យ  និងមន្ត្រីការិយាល័យជំនាញ បានចូលរួមពិធីចុះហត្ថលេខាលើអនុស្សរណៈនៃការយោគយល់គ្នា រវាងរដ្ឋបាលខេត្តស្ទឹងត្រែង  និងក្រុមហ៊ុន ហ៊ុន ទី  ដឹកនាំដោយលោក WANG ANTONY ជាប្រធាន ក្រុមប្រឹក្សាភិបាល នៃក្រុមហ៊ុនប្រមូលទិញផ្លែស្វាយកែវរមៀតនាំទៅប្រទេសចិន ក្រោម អធិបតីភាពឯកឧត្ដម ម៉ុម សារឿន  អភិបាលនៃគណៈអភិបាលខេត្តស្ទឹងត្រែង។ ក្នុងពិធីនេះដែរមានការអញ្ជើញចូលរួមពីប្រធាន និងសមាជិកក្រុមប្រឹក្សាខេត្ត គណៈអភិបាលខេត្ត ប្រធានមន្ទីរជុំវិញខេត្ត អភិបាលក្រុង ស្រុក ទីចាត់ការចំណុះសាលាខេត្តដៃគូរអភិវឌ្ឍន៍តំណាងសហគមន៍កសិកម្មសរុបមានអ្នកចូលរួមចំនួន៨៧នាក់ ក្នុងនោះស្រី ២៥នាក់។ នៅក្នុងពិធីចុះអនុស្សាណៈនៃការយោគយល់ខាងលើគឺក្នុងគោលបំណងផ្តោតលើការពង្រឹងពង្រីកកិច្ចសហប្រតិបត្តិការដើម្បីវិស័យវិនិយោគកសិកម្ម ដែលមានកសិកែច្នៃ និងកសិវប្បកម្ម ដោយឈរលើ មូលដ្ឋានស្មើគ្នា និងផលប្រយោជន៍ទៅវិញ ទៅមកសម្រាប់ ការរួមចំណែកក្នុងការអភិវឌ្ឍសេដ្ឋកិច្ចពិធីចុះហត្ថលេខាខាងលើបានបញ្ចប់ក្រោមបរិយាកាសរីករាយស្និទ្ធស្នាល និងមានការថតរូបជាអនុស្សារីយ៍ផងដែរ។