សេចក្តីថ្លែងការណ៍របស់ប្រទេសកម្ពុជា៖ ការអំពាវនាវរកសន្តិភាព ការវិនិ​​យោគ និងសកម្មភាពអាកាសធាតុ ដើម្បីការពារសន្តិសុខ​ស្បៀងក្នុងតំបន់

ចេញ​ផ្សាយ​ ២៣ មេសា ២០២៦ 248

នៅថ្ងៃទី២៣ ខែមេសា ឆ្នាំ២០២៦ លោកជំទាវ យ៉ើ អាស៊ីគីន អនុរដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ឌិត ទីណា រដ្ឋមន្ត្រីក្រសួង កសិកម្ម រុក្ខាប្រមាញ់ និង​នេសាទ បានលើកឡើងពីសេចក្តីថ្លែងការណ៍របស់ប្រទេសកម្ពុជា៖ ក្នុងការ​អំពាវនា​វរកសន្តិភាព ការវិនិយោគ និងសកម្មភាពអាកាសធាតុ ដើម្បីការពារ​សន្តិសុខ​ស្បៀងក្នុងតំបន់។ ការលើកឡើងនេះ នៅក្នុងសម័យប្រជុំថ្នាក់រដ្ឋមន្ត្រីនៃ​សន្និសីទ​តំបន់អាស៊ី និងប៉ាស៊ីហ្វិក លើកទី៣៨ របស់អង្គការFAO (APRC38) ដែលជាកិច្ចប្រជុំកម្រិតខ្ពស់បំផុតក្នុងតំបន់ស្តីពីស្បៀងអាហារ កសិកម្ម និងការ​អភិវឌ្ឍន៍ជនបទ។
ទន្ទឹមនឹងនេះ កម្ពុជាក៏បានអំពាវនាវឱ្យមានការគាំទ្រជាបន្ទាន់ដល់កសិករ ដែល​កំពុង​ប្រឈមនឹងការឡើងថ្លៃនៃធាតុចូលកសិកម្ម ការបង្កើនការវិនិយោគ​តាម​រយៈ​ភាពជាដៃគូរវាងរដ្ឋ និងឯកជន ព្រមទាំងការជំរុញសកម្មភាពឱ្យកាន់តែខ្លាំង​ក្លា​ដើម្បីពង្រឹងវិស័យជលផលទឹកសាប និងវារីវប្បកម្មប្រកបដោយនិរន្តរភាព។
កម្ពុជាបានបញ្ជាក់សារជាថ្មីនូវការប្តេជ្ញាចិត្តរបស់ខ្លួន ចំពោះកិច្ចសហប្រតិបត្តិការ​ក្នុងតំបន់ ដើម្បីកសាងប្រព័ន្ធស្បៀងកសិកម្មដែលមានភាពធន់ និងសម្រេច​ឱ្យបាននូវគោលដៅអភិវឌ្ឍន៍ ប្រកបដោយនិរន្តរភាពត្រឹមឆ្នាំ២០៣០៕