លោកបណ្ឌិត សរ ចិត្រា ជួបពិភាក្សាការងារជាមួយក្រុមការងារនៃធនាគារពិភពលោក (WB)| Dr. Sar Chetra, led a meeting meeting with the World Bank Team

ចេញ​ផ្សាយ​ ៣០ កញ្ញា ២០២៣ 6339

នៅព្រឹកថ្ងៃទី២៨ ខែកញ្ញា ឆ្នាំ២០២៣ ក្នុងនាមការិយាល័យសម្របសម្រួលគម្រោងពិពិធកម្មកសិកម្មកម្ពុជា (CASDP -PCO) លោក បណ្ឌិត សរ ចិត្រា បានដឹកនាំកិច្ចប្រជុំពិភាក្សាជាមួយក្រុមការងារធនាគារពិភពលោក ដឹកនាំដោយ លោក Paavo Eliste ទទួលបន្ទុកគ្រប់គ្រងការអនុវត្តកម្មវិធីកសិកម្ម និងស្បៀងប្រចាំតំបន់អាស៊ី និងប៉ាស៊ីភិក នៅទីស្តីការក្រសួងកសិកម្ម រុក្ខាប្រមាញ់ និងនេសាទ ដោយអញ្ជើញចូលរួមក្នុងកិច្ចប្រជុំនោះដែររួមមាន លោកស្រី ចំរើន មុទិតា ប្រធានគម្រោងពិពិធកម្មកសិកម្មកម្ពុជានៃធនាគារពិភពលោក លោក ចាន់ វីរៈ សហប្រធានគម្រោងពិពិធកម្មកសិកម្មកម្ពុជា លោក ហុក គឹមធួន ប្រធានគម្រោងពិពិធកម្មកសិកម្មកម្ពុជា និងថ្នាក់ដឹកនាំគម្រោងនៅតាមស្ថាប័នអន្តរក្រសួង (ក្រសួងសេដ្ឋកិច្ច និងហិរញ្ញវត្ថុ ក្រសួងអភិវឌ្ឍន៌ជនបទ ក្រសួងធនធានទឹក និងឧត្តុនិយម) មន្រ្តី និងទីប្រឹក្សាក្រុមការងារគម្រោង មានប្រមាណ២៥នាក់។

កិច្ចប្រជុំមានគោលបំណងស្វែងយល់ពីស្ថានភាពនៃការអភិវឌ្ឍន៍វិស័យកសិកម្មកម្ពុជា សកម្មភាពអាទិភាព និងបញ្ហាប្រឈមនានាពាក់ព័ន្ធវិស័យកសិកម្ម និងស្បៀង និងពិនិត្យថាតើធនាគារពិភពលោក ត្រូវបន្តគាំទ្រអ្វីខ្លះ ទៀត។

ក្នុងជំនួបនេះ លោកបណ្ឌិត សរ ចិត្រា បានសម្តែងនូវសេចក្តីរីករាយ និងស្វាគមន៍យ៉ាងកក់ក្តៅចំពោះដំណើរទស្សនកិច្ចរបស់លោក Paa Eliste និងក្រុមការងារ ជាពិសេសការគាំទ្ររបស់ធនាគារពិភពលោកលើរាល់ដំណើរការអនុវត្តគម្រោងពិពិធកម្មកសិកម្មកម្ពុជាកន្លងមក។ លោក បណ្ឌិតនាយកគម្រោង ក៏បានជម្រាបជូនគណៈប្រតិភូពីវឌ្ឍនភាពនៃការអនុវត្តគម្រោងពិពិធកម្មកសិកម្មកម្ពុជា និងទទួលយកបទពិសោធន៍ និងអានុសាសន៍មួយចំនួនសំដៅបន្តអនុវត្តគម្រោងឱ្យទទួលបានជោគជ័យ។

ក្រោយពីបានស្តាប់បទបង្ហាញរួចមក គណៈប្រតិភូធនាគារពិភពលោកបានវាយតម្លៃខ្ពស់ចំពោះលទ្ធផលដែលបានអនុវត្តកន្លងមក ហើយបានបញ្ចាក់ថាទោះបីជាវឌ្ឍនភាពគម្រោងមានភាពយឺតយ៉ាវបន្តិចក្តី ដោយសារកត្តាជំងឺកូវីដ-១៩ ម្យ៉ាងទៀតយន្នការអនុវត្តគម្រោង មានលក្ខណៈថ្មីសម្រាប់បរិបទកម្ពុជា តែគម្រោងនេះបានគិតគូរល្អិតល្អន់មានគោលដៅជួយផ្ទាល់ដល់សហគមន៍កសិកម្ម និងសហគ្រាសខ្នាតតូច និងមធ្យម លើការកសាងសមត្ថភាពក្នុងការរៀបចំផែនការនិងការគ្រប់គ្រងអាជីវកម្ម ផែនការលទ្ធកម្ម និងការតភ្ជាប់ទីផ្សារផលិតផលកសិកម្ម ព្រមទាំងបានគិតគូរដល់ការផ្តល់ហិរញ្ញប្បទាន និងការគាំទ្រហេដ្ឋារចនាសម្ព័ន្ធផ្លូវថ្នល់ និងការស្រោចស្រព សម្រាប់ផលិតកម្មរបស់សហគមន៌។ តំណាងធនាគារពិភពលោកបានសង្កត់ធ្ងន់ពីការអនុវត្តរបស់គម្រោងពិពិធកម្មកសិកម្មកម្ពុជាថា បានដើរលើផ្លូវត្រូវ ហើយក្រុមការងារធនាគារពិភពលោកមានជំនឿថាក្នុងពេលដ៌ខ្លីខាងមុខ គម្រោងនឹងអាចសម្រេចបានលទ្ធផលល្អ ហើយនឹងក្លាយជាគម្រោងគំរូសម្រាប់ចូលរួមចំណែកជួយដល់វិស័យកសិកម្មនៅកម្ពុជា។ សម្រាប់ព័ត៌មានបន្ថែម សូមចូលទៅកាន់គេហទំព័រគម្រោងពិពិធកម្មកសិកម្មកម្ពុជា តាមរយៈតំណរភ្ជាប់ដូចខាងក្រោម៖ https://casdp.maff.gov.kh/

-----------------------

On September 28, 2023, Dr. Sar Chetra, Director of the Cambodian Agricultural Sector Diversification Project (CASDP), led a meeting with the World Bank team led by Mr. Paavo Eliste, Practice Manager, Agriculture and Global Practice for East Asia and Pacific Region at the Ministry of Agriculture, Forestry and Fisheries. Also, about 25 participants presented at the meeting were Ms. Chamroeun Mudita, team leader of the World Bank's CASDP, Mr. Chan Vireak, Co-team leader of WB-CASDP, Mr. Hok Kimthuon, CASDP Manager, representatives from IAs (Ministry of Economic and Finance, Ministry of Rural Development, and Ministry of Water Resources and Meteorology), officials, and consultants of about 25.

The meeting aims to discuss Cambodia's development priorities and challenges in agriculture and food and hear the view of the CASDP management team on how the World Bank could continue to support the Cambodian Government.

In this meeting, Dr. Sar Chetra expressed his pleasure and warm welcome to the visit of Mr. Paa Eliste and his team, primarily to support the implementation of the project. Dr. Sar Chetra briefed the delegation on the progress of the performance of the Cambodian Agricultural Sector Diversification Project and highly appreciated some experiences shared by the WB team and recommendations for the successful implementation of the project.

After listening to the presentation, the World Bank delegation praised the results of the project implementation. He stated that although the project faced some challenges due to COVID-19, the project's progress could have been faster. On the other hand, implementing the project is new to the Cambodian context. Still, this project has been carefully planned to benefit agricultural cooperatives and small and medium enterprises (SMEs), capacity building for cooperatives to develop agricultural diversification plans, procurement, market linkage, accessing matching grants, and irrigation systems for agricultural production. The World Bank Representative emphasized that implementing the Cambodian Agricultural Sector Diversification Project was on the right track for the agricultural sector in Cambodia. The WB team believes that with the team's commitment, in a short time, the project will achieve its goals and become an agricultural diversification model for similar implementation elsewhere.

For more information, please visit: https://casdp.maff.gov.kh/

ព័ត៌មានផ្សេងៗទៀត
ចេញ​ផ្សាយ​ ២២ វិច្ឆិកា ២០២៦ 375

ថ្នាក់ដឹកនាំក្រសួងកសិកម្ម​ ទទួលជួបជាមួយលោក Niu Jian ប្រធានក្រុមហ៊ុន(HLID) ក្នុងជំនួបពិភាក្សាការងារ នៅសាធារណរដ្ឋប្រជាមានិតចិន

នាថ្ងៃទី២១​ ខែវិច្ឆិកា​ ឆ្នាំ២០២៦​ ឯកឧត្តមអនុរដ្ឋលេខាធិការ គី ច័ន្ទរំដួល អ​មដោយ លោក ងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ អញ្ជើញដឹកនាំគណៈប្រតិភូក្រសួងកសិកម្ម...
ចេញ​ផ្សាយ​ ២១ វិច្ឆិកា ២០២៦ 811

«សន្និសីទអភិរក្សថនិកសត្វទឹកសាបនៅអាស៊ី ឆ្នាំ២០២៦» បិទបញ្ចប់ដោយឯកភាពជាគោលការណ៍លើការបង្កើតបណ្តាញអភិរក្សថនិកសត្វទឹកសាបនិងសមុទ្រថ្នាក់តំបន់

សន្និសីទអភិរក្សថនិកសត្វទឹកសាប នៅអាស៊ី ឆ្នាំ២០២៦ ដែលបានរៀបចំឡើងចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០២៦ នៅខេត្តសៀមរាប បានបញ្ចប់ដោយជោគជ័យ ជាមួយនឹងលទ្ធផលដ៏សំខាន់...
ចេញ​ផ្សាយ​ ២១ វិច្ឆិកា ២០២៦ 926

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់ និងទទួលផ្ទះសំណាញ់ចំនួន៨៩ខ្នង ជូនសហគមន៍កសិកម្មចំនួន១៣ ក្នុងខេត្តសៀមរាប

នៅរសៀលថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការ និងជាសហប្រធានគណៈកម្មការតម្រង់ទិសគម្រោង «គុជ» តំណាងដ៏ខ្ពង់ខ្ពស់ឯកឧត្តម ឌិត ទីណា...
ចេញ​ផ្សាយ​ ២១ វិច្ឆិកា ២០២៦ 968

ឯកឧត្តមរដ្ឋលេខាធិការ ហាស់ សារ៉េត អញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពី ជលផល និងនីតិវិធីពាក់ព័ន្ធ ដល់មន្ត្រីសមត្ថកិច្ចជលផល

នៅថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពីជលផល...
ចេញ​ផ្សាយ​ ២១ វិច្ឆិកា ២០២៦ 941

ថ្នាក់ដឹកនាំក្រសួងកសិកម្ម​ អញ្ជើញបំពេញទស្សនកិច្ចសិក្សា​ និងលើកទឹកចិត្តដល់វិនិយោគគិនចិនលើវិស័យកសិកម្ម​ នៅសាធារណរដ្ឋប្រជាមានិតចិន

នាថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមអនុរដ្ឋលេខាធិការ គី ច័ន្ទរំដួល អញ្ជើញដឹកនាំគណៈប្រតិភូក្រសួងកសិកម្ម រុក្ខាប្រមាញ់ និងនេសាទ បំពេញទស្សនកិច្ចសិក្សា ផ្សព្វផ្សាយ...
ចេញ​ផ្សាយ​ ២១ វិច្ឆិកា ២០២៦ 1002

«រួមគ្នាជាសហគមន៍ ដើម្បីរីកចម្រើនទាំងអស់គ្នា!»

«រួមគ្នាជាសហគមន៍ ដើម្បីរីកចម្រើនទាំងអស់គ្នា!» ក្រសួងកសិកម្ម រុក្ខាប្រមាញ់ និងនេសាទ ដោយសហការជាមួយអង្គការ FAO ជាដៃគូអនុវត្តគម្រោង «គជ់» (PEARL) បាននាំយកផ្ទះសំណាញ់...
ចេញ​ផ្សាយ​ ២១ វិច្ឆិកា ២០២៦ 988

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់សម្ភារៈប្រើប្រាស់កសិកម្មជូនសហគមន៍ចំនួន៨ ក្នុងខេត្តឧត្តរមានជ័យ

នៅព្រឹកថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម​ និងជាសហប្រធានគណៈកម្មការតម្រង់ទិសគម្រោង «គជ់» ជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី...
ចេញ​ផ្សាយ​ ២១ វិច្ឆិកា ២០២៦ 1017

ថ្នាក់ដឹកនាំក្រសួងកសិកម្ម អញ្ជើញចែកគ្រាប់ពូជបន្លែជូនអ្នកភូមិរង់ចាំ ជាង ៣០០គ្រួសារ ដើម្បីលើកកម្ពស់ជីវភាពប្រជាពលរដ្ឋ

នៅព្រឹកថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តមបណ្ឌិត ​យ៉ង សាំងកុមារ បានដឹកនាំសកម្មភាពចែកគ្រាប់ពូជបន្លែជូនអ្នកភូមិរង់ចាំ នៃខេត្តបន្ទាយមានជ័យ ជាង ៣០០ គ្រួសារ ដោយមានការចូលរួមពីតំណាងមន្ទីរកសិកម្ម...
ចេញ​ផ្សាយ​ ២១ វិច្ឆិកា ២០២៦ 1006

លោកជំទាវអនុរដ្ឋលេខាធិការ អ៊ឹម រចនា រួមដំណើរគណៈប្រតិភូស្ថាប័នជលផលចិន និង IHB ទស្សនកិច្ចកន្លែងអភិរក្សជលផលកំពង់ភ្លុក នៃខេត្តសៀមរាប

នាថ្ងៃទី១៩ ខែវិច្ឆិកា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញរួមដំណើរជាមួយគណៈប្រតិភូស្ថាប័នជលផលចិន និងវិទ្យាស្ថានជីវសាស្ត្រជលផល...
ចេញ​ផ្សាយ​ ២០ វិច្ឆិកា ២០២៦ 1403

ថ្នាក់ដឹកនាំក្រសួងកសិកម្មអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​” ជាមួយគម្រោង COSTEA

នៅថ្ងៃទី១៧-១៩ ខែវិច្ឆិកា ឆ្នាំ២០២៦ ឯកឧត្ដម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​”...
ចេញ​ផ្សាយ​ ១៩ វិច្ឆិកា ២០២៦ 1490

ឯកឧត្តមរដ្ឋមន្ត្រី ឌិត ទីណា បន្តអញ្ជើញជួបសំណេះសំណាល និងប្រគល់ត្រាក់ទ័រ គោយន្ត ព្រមទាំងម៉ាស៊ីនច្រូតកាត់ ជូនដល់សហគមន៍កសិកម្មនៅខេត្តព្រះវិហារ

នាថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបន្តដំណើរអញ្ជើញចុះជួបសំណេះសំណាល និងប្រគល់គ្រឿងយន្តកសិកម្ម...
ចេញ​ផ្សាយ​ ១៩ វិច្ឆិកា ២០២៦ 1541

លោកជំទាវ អ៊ឹម រចនា ពិភាក្សាជាមួយតំណាងស្ថាប័នជលផលចិន និង វិទ្យាស្ថានជីវសាស្ត្រទឹកនៃបណ្ឌិត្យសភាវិទ្យាសាស្ត្រចិន អំពីការពង្រឹងកិច្ចសហប្រតិបត្តិការអភិរក្សសត្វផ្សោតទន្លេមេគង្គ និងប្រព័ន្ធអេកូឡូស៊ីជលផល

ក្នុងឱកាសនៃ«កិច្ចប្រជុំថ្នាក់តំបន់ស្តីពីការអភិរក្សថនិកសត្វទឹកសាបនៅតំបន់អាស៊ី» លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាការងារជាមួយតំណាងវិទ្យាស្ថានជីវសាស្ត្រទឹក...