ឯកឧត្តមអនុរដ្ឋលេខាធិការ វ៉ា ពិសី អញ្ជើញដឹកនាំកិច្ចប្រជុំពិនិត្យលើរបាយការណ៍ស្តីពីការវាយតម្លៃលើផលប៉ះពាល់នៃសេចក្តីព្រាងអនុក្រឹត្យស្តីពីការពិន័យអន្តរការណ៍ចំពោះបទល្មើសនឹងច្បាប់ស្តីពីជលផល

ចេញ​ផ្សាយ​ ៩ តុលា ២០២៥ 923

នៅថ្ងៃទី៨ ខែតុលា ឆ្នាំ២០២៥ ឯកឧត្តម វ៉ា ពិសី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងារ RIA បានអញ្ជើញដឹកនាំកិច្ចប្រជុំនៅក្រសួងកសិកម្ម រុក្ខាប្រមាញ់ និងនេសាទ ដើម្បីពិនិត្យលើរបាយការណ៍ស្តីពីការវាយតម្លៃលើផលប៉ះពាល់នៃសេចក្តីព្រាងអនុក្រឹត្យស្តីពីការពិន័យអន្តរការណ៍ចំពោះបទល្មើសនឹងច្បាប់ស្តីពីជលផល។
កិច្ចប្រជុំនេះ ក៏មានការចូលរួមពីលោក ម៉ឹក គឹមស្រូយ  អគ្គលេខាធិការរង លោក ខូវ គួង អនុប្រធានរដ្ឋបាលជលផល លោក នី វុទ្ធី អគ្គនាយករងនៃអគ្គនាយកដ្ឋានកសិកម្ម លោក នូ យុត្តិកា អគ្គនាយករងនៃអគ្គនាយកដ្ឋានសុខភាពសត្វ និងផលិតកម្មសត្វ  លោក ប៉ែន វុទ្ធី ប្រធាននាយកដ្ឋាននីតិកម្មកសិកម្ម លោកលឹម ប៉ូលីន អនុប្រធាននាយកដ្ឋាននីតិកម្មកសិកម្ម និងជាប្រធានក្រុមប្រតិបត្តិRIA លោកស្រី ឡាង មណ្ឌល អនុប្រធាននាយកដ្ឋានគណនេយ្យ ហិរញ្ញវត្ថុ  លោក វ៉ានី វីរៈ អនុប្រធាននាយកដ្ឋានសហប្រតិបត្តិការអន្តរជាតិ  និងលោក-លោកស្រីសហការីនៃនាយកដ្ឋាននីតិកម្មកសិកម្ម។
ឯកឧត្តមអនុរដ្ឋលេខាធិការ បានគូសបញ្ជាក់ថា កិច្ចប្រជុំនេះធ្វើឡើងក្នុងគោលបំណង ពិនិត្យនិងកែសម្រួលខ្លឹមសាររបាយការណ៍ វាយតម្លៃលើផលប៉ះពាល់នៃសេចក្តីព្រាងអនុក្រឹត្យស្តីពីការពិន័យអន្តរការណ៍តាមច្បាប់ស្តីពីជលផល ដើម្បីដាក់បញ្ជូន ភ្ជាប់ជាមួយសេចក្ដីព្រាងអនុក្រឹត្យស្តីពីការពិន័យអន្តរកាណ៍ទៅទីស្តីការគណ:រដ្ឋមន្ត្រី៕