ឯកឧត្តមរដ្ឋលេខាធិការ ឱម គឹមស៊ា អញ្ជើញដឹកនាំ វេទិកាសាធារណៈ ស្តីពី «ការត្រួតពិនិត្យ និងគាំទ្រការអនុវត្តយុទ្ធសាស្ត្របញ្ចកោណ ដំណាក់កាលទី១» នៅសាលាបុណ្យភូមិអណ្ដូងច្រុះ

ចេញ​ផ្សាយ​ ២៣ ឧសភា ២០២៦ 4147

នៅថ្ងៃទី២២ ខែឧសភា ឆ្នាំ២០២៦ ឯកឧត្តម ឱម គឹមស៊ា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំរលាប្អៀរ ស្រុករលាប្អៀរ ខេត្តកំពង់ឆ្នាំង បានអញ្ជើញដឹកនាំវេទិកា សាធារណៈ ស្តីពី«ការត្រួតពិនិត្យ និងគាំទ្រការអនុវត្តយុទ្ធសាស្ត្របញ្ចកោណ ដំណាក់កាលទី១» នៅសាលាបុណ្យភូមិអណ្ដូងច្រុះ ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង។
វេទិកានេះប្រព្រឹត្តទៅ ក្នុងគោលបំណងដើម្បីផ្សព្វផ្សាយនូវគោលនយោបាយ កម្មវិធីកំណែទម្រង់ សមិទ្ធផលសំខាន់ៗដែលសម្រេចបាន ព្រមទាំងស្តាប់កង្វល់ និងសំណូមពរ ដោះស្រាយបញ្ហា និងធ្វើការលើកកម្ពស់ការផ្តល់សេវាសាធារណៈ ប្រកបដោយប្រសិទ្ធភាព និងគណនេយ្យភាព។
ជាចុងបញ្ចប់ ឯកឧត្ដម ឱម គឹមស៊ា បានណែនាំឱ្យអាជ្ញាធរមូលដ្ឋានពាក់ព័ន្ធ ធ្វើការដោះស្រាយនូវបញ្ហាប្រឈម សំណើ សំណូមពរនានា ដែលប្រជាពលរដ្ឋបានលើកឡើងតាមរយៈវេទិកាសាធារណៈ ប្រកបដោយប្រសិទ្ធភាព និងការទទួលខុសត្រូវខ្ពស់ ដោយផ្អែកលើច្បាប់ លិខិតបទដ្ឋានគតិយុត្តិ គោលនយោបាយ វិធានការរបស់រាជរដ្ឋាភិបាល និងបន្តយកចិត្តទុកដាក់លើកកម្ពស់នូវគោលនយោបាយភូមិឃុំមានសុវត្ថិភាព៕