ព័ត៌មានផ្សេងៗទៀត
ឯកឧត្តមរដ្ឋលេខាធិការ គង់ ច័ន្ទវាសនា ដឹកនាំកិច្ចប្រជុំបូកសរុបលទ្ធផលការងារឆ្នាំ២០២៥ និងទិសដៅឆ្នាំ២០២៦ របស់ក្រុមការងាររាជរដ្ឋាភិបាលចុះមូលដ្ឋានស្រុកព្រះនេត្រព្រះ ខេត្តបន្ទាយមានជ័យ
ចេញផ្សាយ ២៥ មករា ២០២៦ 2829
នាព្រឹកថ្ងៃទី២៤ ខែមករា ឆ្នាំ២០២៦ ឯកឧត្តម គង់ ច័ន្ទវាសនា រដ្ឋលខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកព្រះនេត្រព្រះ បានដឹកនាំកិច្ចប្រជុំបូកសរុបលទ្ធផលការងារឆ្នាំ២០២៥ និងលេីកទិសដៅការងារឆ្នាំ២០២៦ របស់ក្រុមការងាររាជរដ្ឋាភិបាលចុះមូលដ្ឋានស្រុកព្រះនេត្រព្រះ ខេត្តបន្ទាយមានជ័យ ដោយមានវត្តមានចូលរួមពីថ្នាក់ដឹកនាំ និងសមាជិក-សមាជិកាក្រុមការងារជាង ១០០នាក់។
ក្នុងនាម ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ឯកឧត្តម គង់ ច័ន្ទវាសនា បានថ្លែងនូវការកោតសរសេីរ និងវាយតម្លៃខ្ពស់ចំពោះសមិទ្ធផលជាច្រេីនដែលក្រុមការងារ រដ្ឋបាលស្រុក រដ្ឋបាលឃុំ និងអាជ្ញាធរមូលដ្ឋាន បានរួមគ្នាខិតខំសម្រេចបាន ក្នុងឆ្នាំ២០២៥កន្លងទៅ តាមរយៈការបំពេញតួនាទីភារកិច្ចយ៉ាងសកម្មផុលផុស ក្នុងស្មារតីទទួលខុសត្រូវខ្ពស់។
ទន្ទឹមនេះ ឯកឧត្តមក៏បានផ្តល់អនុសាសន៍លេីទិសដៅការងារដែលត្រូវអនុវត្តបន្តក្នុងឆ្នាំ២០២៦ ដោយផ្តោតលេីការបន្តលេីកកម្ពស់ការអនុវត្តគោលនយោបាយភូមិឃុំមានសុវត្ថិភាព ជាពិសេសការបន្តផ្តល់សេវាសាធារណៈកាន់តែឆាប់រហ័ស ល្អប្រសេីរ និងប្រកបដោយស្នាមញញឹម និងការដោះស្រាយបញ្ហាប្រឈម និងសំណូមពរនានាជូនប្រជាពលរដ្ឋ ដេីម្បីចូលរួមប្រែក្លាយខេត្តបន្ទាយមានជ័យ ទៅជាខេត្តដែលផ្តល់សេវាសាធារណៈល្អជាងគេ តាមអនុសាសន៍ដ៏ថ្លៃថ្លារបស់ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ។
ឯកឧត្តមបានប្រគល់លិខិតសរសេីររបស់ក្រុមការងារជូនដល់ក្រុមប្រឹក្សាស្រុក រដ្ឋបាលស្រុក និងអង្គភាពពាក់ព័ន្ធ ហេីយក្រុមការងារក៏បានផ្តល់កុំព្យូទ័រលេីតុចំនួន ១០គ្រឿងបន្ថែមទៀត ជូនដល់រដ្ឋបាលស្រុក និងមណ្ឌលសុខភាពឃុំទាំង៩ ដេីម្បីលេីកកម្ពស់សេវាសាធារណៈជូនប្រជាពលរដ្ឋ បន្ថែមពីលេីកុំព្យូទ័រចំនួន ១២៨គ្រឿង ដែលក្រុមការងារបានប្រគល់ជូនកាលពីឆ្នាំ២០២៥កន្លងទៅ។
មុននឹងបញ្ចប់ រដ្ឋបាលស្រុក និងអង្គភាពពាក់ព័ន្ធក៏បានជូនលិខិតថ្លែងអំណរគុណដល់ក្រុមការងារវិញផងដែរ ដែលកន្លងមកតែងយកចិត្តទុកដាក់ខ្ពស់ជួយឧបត្ថម្ភគាំទ្រមូលដ្ឋានលេីគ្រប់វិស័យ៕
