នាយខណ្ឌរដ្ឋបាលជលផលខេត្តត្បូងឃ្មុំ ដឹកនាំកងកម្លាំង សមត្ថកិច្ចខណ្ឌ សហការជាមួយកម្លាំងគណៈកម្មការ និងសហគមន៍នេសាទ ចុះត្រួតពិនិត្យ និងបង្ក្រាបបទល្មើសជលផល នៅស្រុកចំនួន២ ក្នុងខេត្តត្បូងឃ្មុំ

ចេញ​ផ្សាយ​ ១ មីនា ២០២៤ 2596

នៅថ្ងៃទី២៩ ខែកុម្ភៈ ឆ្នាំ ២០២៤ នាយខណ្ឌរដ្ឋបាលជលផលខេត្តត្បូងឃ្មុំ បានដឹកនាំកងកម្លាំងសមត្ថកិច្ច ខណ្ឌជលផលត្បូងឃ្មុំ សហការជាមួយកម្លាំងគណៈកម្មការ សហគមន៍នេសាទ ចុះត្រួតពិនិត្យនិងបង្ក្រាបបទល្មើសជលផលនៅស្រុកចំនួន២ក្នុងខេត្តត្បូងឃ្មុំ។

ប្រតិបត្តិការបង្ក្រាបនេះ ដឹកនាំដោយលោក អៀម ម៉ាយ៉ុងរី នាយខណ្ឌរដ្ឋបាលជលផលខេត្តត្បូងឃ្មុំ មានកងកម្លាំងចំនួន៣រូប សហការជាមួយកម្លាំងគណៈកម្មការសហគមន៍នេសាទបឹងយាយស ឃុំសេដា ស្រុកតំបែរ បានត្រួតពិនិត្យ និងបង្ក្រាបបទល្មើសជលផល និងបទល្មើសព្រៃលិចទឹក នៅជុំវិញបឹងយាយស (បឹងជីធាង) ឃុំសេដា ស្រុកតំបែរ។

ចំណែកលោក សយ ស៊ាងហុង នាយផ្នែករដ្ឋបាលជលផលត្បូងឃ្មុំ បានដឹកនាំសមត្ថកិច្ចខណ្ឌរដ្ឋបាលជលផលខេត្តត្បូងឃ្មុំ ចំនួន២រូប សហការជាមួយសមត្ថកិច្ចរដ្ឋបាលឃុំមៀន និងមានការចូលរួមពីកម្លាំងគណៈកម្មការសហគមន៍ នេសាទបឹងក្រពិត ចុះប្រតិបត្តិការ ល្បាត ត្រួតពិនិត្យ និងបង្រ្កាបបទល្មើសជលផល នៅចំណុចរាំងជ្រុំ ចំណុចផ្លូវលោក ចំណុចបឹងក្រពិត ចំណុចកន្លែងចក ចំណុចបឹងកាង ស្ថិតនៅឃុំមៀន និងឃុំព្រះធាតុ ស្រុកអូររាំងឪ។

ជាលទ្ធផល កងកម្លាំងជំនាញ និងសមត្ថកិច្ច បានរុះរើ បំផ្លាញចោលវត្ថុតាងរួមមាន៖ លូស្បៃមុង ចំនួន ២៧មាត់ របាំងស្បៃមុង ប្រវែង ១០៨០ម៉ែត្រ និងបង្គោលចម្រឹងចំនួន ៩១៨ ដើម៕