ព័ត៌មានផ្សេងៗទៀត
ផ្តល់អង្ករពលកម្មជាង៥តោនដល់អ្នកជីកស្រះទឹក
ចេញផ្សាយ ១៧ មករា ២០១៨ 4924
អង្ករជាង៥តោន ត្រូវបានប្រគល់ជូនប្រជាពលករជីកស្រះសហគមន៏ នៅភូមិឫស្សីស្រុក ឃុំញ៉ែងញ៉ង ស្រុកត្រាំកក់ កាលពីថ្មីៗនេះ ដោយឯកឧត្ដមបណ្ឌិតច័ន្ទ សារុនរដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទដែលម្ចាស់អំណោយ។
ស្រះទឹកធំបង្គួរនេះ នឹងបានក្លាយជាប្រភពទឹកថ្មីមួយ នៅក្នុងភូមិដ្ឋាននេះ ខណៈដែលនាពេលដែលកន្លងទៅ តែងតែជួបប្រទះក្នុងការខ្វះទឹកសម្រាប់ប្រើប្រាស់ ការធ្វើកសិកម្មការនចិញ្ចឹមសត្វជាដើម ។
ឯកឧត្ដមរដ្ឋមន្ដ្រី បានថ្លែងប្រាប់អ្នកភូមិ និងពលករជាច្រើនរយនាក់នាពេលនោះថា នេះជាសមិទ្ធថ្មីថ្មោងមួយទៀត របស់ប្រជាជនឃុំញ៉ែងញ៉ង ហើយឯកឧត្ដមសំណូមពរ ឱ្យកសិករនៅទីនោះ ប្រើប្រាស់សមិទ្ធិនេះ ឱ្យចំគោលដៅនិងប្រកបដោយការថែទាំ ។
ឯកឧត្ដម បានរំលឹកនប្រាប់ទៀតថា ឱ្យប្រជាពលរដ្ឋនៅទីនោះបន្ដស្វែងរកដីទំនេរ ដើម្បីជីកស្រះបន្ដទៀត ជាមួយនិងការរួបរួមគ្នាស្ដារស្រះ ត្រពាំង បឹងធម្មជាតិដែលមានស្រាប់ ហើយកំពុងតែគោករាក់ដើម្បីតម្កល់ទឹកទុក។
ការធ្វើបែបនេះ គឺជាការធ្វើម្ចាស់ការ លើធម្មជាតិជាបណ្ដើរ ដែលមិនរំពឹងលើទឹកភ្លៀងតែមួយមុខ។ ឯកឧត្ដម បានរំលឹកទៀតថាទោះជាពេលនេះ កន្លែងខ្លះស្ទូងរួច ហើយក្ដីតែត្រូវតែទៅពិនិត្យមើលស្រូវជាប្រចាំ រហូតដល់ពេលប្រមូលផល។ ក្រោយការប្រមូលផលរួចក៏ត្រូវពិនិត្យការបង្វែរផ្ទៃដីដដែលនោះ ទៅដាំអ្វីផ្សេងទៀតដែលត្រូវការទឹកតិចនិងឆាប់ទទួលបានផល ។ ធ្វើដូចនេះទើបជីវភាពបានកាន់តែប្រសើរថែមទៀតពីព្រោះចំណូលកាន់តែកើនឡើង ៕
