ឯកឧត្តមអនុរដ្ឋលេខាធិការ ទឹម បូរក្ស អញ្ជើញចូលរួម "ពិធីដាក់ឱ្យប្រើប្រាស់ផែនការយុទ្ធសាស្រ្តជាតិកតិកាសញ្ញាពិភពលោកស្តីពី ទេសន្តរប្រវេសន៍ដោយសុវត្ថិភាពរៀបរយនិងស្របច្បាប់"

ចេញ​ផ្សាយ​ ៣១ តុលា ២០២៥ 3675

នៅថ្ងៃទី៣០ ខែតុលា ឆ្នាំ២០២៥ ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តំណាងដ៏ខ្ពង់ខ្ពស់ពីឯកឧត្តមរដ្ឋលេខាធិការ ហាស់ សារ៉េត និងលោក អ៊ុយ ជីង អនុប្រធាននាយកដ្ឋានកិច្ចការជលផល បានអញ្ជើញចូលរួម "ពិធីដាក់ឱ្យប្រើប្រាស់ផែនការយុទ្ធសាស្រ្តជាតិកតិកាសញ្ញាពិភពលោកស្តីពី ទេសន្តរប្រវេសន៍ដោយសុវត្ថិភាពរៀបរយនិងស្របច្បាប់" ក្រោមអធិបតីភាពលោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃនិងជាអនុប្រធានអចិន្ត្រៃយ៍ (គជបជ)។ 
អង្គពិធីនេះ ក៏មានការអញ្ជើញចូលរួមពីឯកឧត្តម លោក លោកស្រី តំណាងក្រសួងដែលជាសមាជិកគណៈកម្មាធិការជាតិ (គជបជ) ស្ថាប័នពាក់ព័ន្ធ និងអង្គការដៃគូ។ 
ឯកឧត្តមអនុរដ្ឋលេខាធិការ បានគូសបញ្ជាក់ថា ក្នុងពិធីនេះ ក៏មានធ្វើបទបង្ហាញស្តីពី "កតិកាសញ្ញាពិភពលោក ស្តីពីទេសន្តរប្រវេសន៍ដោយសុវត្ថិភាពរៀបរយនិងស្របច្បាប់" Global Compact For Migration (GCM)។ GCM អនុម័ត ១៩ ធ្នូ ២០១៨ ដោយក្នុងនោះកម្ពុជា បានរៀបចំផែនការអនុវត្តជាតិ National Implementation Plan (NIP) មាន២៣គោលបំណង ដែលមានសារសំខាន់រួមមាន ការប្រមូលទន្នន័យពលករទេសន្តរប្រវេសន៍ ការគ្រប់គ្រងព្រំដែន និងកិច្ចសហប្រតិបត្តិជាមួយអន្តរជាតិ។ 
ជាមួយគ្នានេះ ឯកឧត្តមអនុរដ្ឋលេខាធិការបានឱ្យដឹងទៀតថា កិច្ចការបន្តចូលរួមពិនិត្យឡើងវិញអំពីទេសន្តរប្រវេសន៍២០២៦ ដោយមានការគាំទ្របច្ចេកទេសពី International Organization for Migration (IOM) ដែលក្នុងនោះ កម្ពុជារៀបចំពិនិត្យកែសម្រួលដោយស្ម័គ្រចិត្ត៕