Other News
លោកជំទាវអនុរដ្ឋលេខាធិការ យ៉ើ អាស៊ីគីន អញ្ជើញដឹកនាំក្រុមការងារចូលរួមកិច្ចប្រជុំ «គណៈកម្មាធិការពាណិជ្ជកម្មចម្រុះកម្ពុជា-ប៉ាគីស្ថានលើកទី២» នៅសាធារណៈរដ្ឋអ៊ីស្លាម ប៉ាគីស្ថាន តាមរយៈប្រព័ន្ធអនឡាញ
ចេញផ្សាយ ១២ កុម្ភៈ ២០២៦ 2876
នាព្រឹកថ្ងៃទី១១ ខែកុម្ភៈ ឆ្នាំ២០២៦ លោកជំទាវ យ៉ើ អាស៊ីគីន អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំក្រុមការងារជំនាញក្រសួងកសិកម្មចូលរួមកិច្ចប្រជុំ «គណៈកម្មាធិការពាណិជ្ជកម្មចម្រុះកម្ពុជា-ប៉ាគីស្ថាន លើកទី២» តាមរយៈប្រព័ន្ធវីដេអូពីចម្ងាយ (Online)។
កិច្ចប្រជុំដែលបានរៀបចំឡើង នៅសាធារណរដ្ឋអ៊ីស្លាមប៉ាគីស្ថាន ប្រព្រឹត្តទៅក្រោមអធិបតីភាពដ៏ខ្ពង់ខ្ពស់ពី លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ធ្វើឡើងក្នុងគោលបំណងសំខាន់ ដើម្បីពិនិត្យឡើងវិញនូវវឌ្ឍនភាពការងារ និងពិភាក្សាលើតារាងម៉ាទ្រីស (Action Matrix) នៃកិច្ចប្រជុំលើកទី១ ពង្រឹងកិច្ចសហប្រតិបត្តិការពាណិជ្ជកម្មរវាងប្រទេសទាំងពីរ តាមបណ្តាអនុវិស័យនៃស្ថាប័នពាក់ព័ន្ធ។
តាមរយៈកិច្ចពិភាក្សាតាមប្រព័ន្ធវីដេអូពីចម្ងាយ លោកជំទាវ យ៉ើ អាស៊ីគីន ក៏បានលើកឡើងនូវការបញ្ជាក់ជាថ្មីពីការប្តេជ្ញាចិត្តក្នុងកិច្ចសហការយ៉ាងជិតស្និទ្ធជាមួយភាគីប៉ាគីស្ថាន ដើម្បីធានាឱ្យបាននូវជោគជ័យនៃការកែទម្រង់ពាណិជ្ជកម្ម ប្រកបដោយប្រសិទ្ធភាព និងនិរន្តរភាព៕
