Other News
លោកជំទាវ យ៉ើ អាស៊ីគីន អញ្ជើញដឹកនាំក្រុមការងារចូលរួមកិច្ចប្រជុំអន្តរក្រសួង ដើម្បីពិនិត្យលើរបៀបវារៈស្តីពី «កិច្ចប្រជុំគណៈកម្មាធិការពាណិជ្ជកម្មចម្រុះកម្ពុជា-ប៉ាគីស្ថាន លើកទី២ »
ចេញផ្សាយ ៣០ មករា ២០២៦ 80
នាព្រឹកថ្ងៃទី៣០ ខែមករា ឆ្នាំ២០២៦ លោកជំទាវ យ៉ើ អាស៊ីគីន អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដោយលោក កើត កិត្តិនាថ អគ្គលេខាធិការរងក្រសួងកសិកម្ម បានចូលរួមកិច្ចប្រជុំពិគ្រោះយោបល់ អន្តរក្រសួង-ស្ថាប័ន ដើម្បីពិនិត្យលើរបៀបវារៈកម្មវិធីក្នុងការត្រៀមចូលរួម «កិច្ចប្រជុំគណៈកម្មាធិការពាណិជ្ជកម្មចម្រុះកម្ពុជា-ប៉ាគីស្ថាន លើកទី២» នៅសាធារណៈរដ្ឋអ៊ីស្លាម ប៉ាគីស្ថាន នាថ្ងៃទី១០-១១ ខែកុម្ភៈ ឆ្នាំ២០២៦ ខាងមុខនេះ។
កិច្ចប្រជុំធ្វើនៅទីស្ដីការក្រសួងពាណិជ្ជកម្ម ក្រោមអធិបតីភាព ឯកឧត្ដម ពេជ ឫទ្ធី រដ្ឋលេខាធិការក្រសួងពាណិជ្ជកម្ម ក្នុងគោលបំណងពិនិត្យលើវឌ្ឍនភាព និងពិភាក្សាលើតារាងម៉ាទ្រីស អនុវត្តសកម្មភាពនៃកិច្ចប្រជុំគណៈកម្មាធិការចម្រុះកម្ពុជា-ប៉ាគីស្ថាន លើកទី១ សម្រាប់ពង្រឹងកិច្ចសហប្រតិបត្តិការពាណិជ្ជកម្មរវាងកម្ពុជា-ប៉ាគីស្ថាន តាមអនុវិស័យនៃស្ថាប័នពាក់ព័ន្ធ។
នៅក្នុងកិច្ចប្រជុំ លោកជំទាវ យ៉ើ អាស៊ីគីន បានធ្វើការចែករំលែកទាក់ទងវិស័យកសិកម្ម និងកិច្ចសហប្រតិបត្តិការកន្លងមករវាងកម្ពុជា-ប៉ាគីស្ថាន លើជីកសិកម្ម។ លោកជំទាវក៏បានស្នើសុំអង្គប្រជុំ ពិនិត្យ និងកែសម្រួលវឌ្ឍនភាព និងកិច្ចពិភាក្សាលើតារាងម៉ាទ្រីសនូវចំណុច ៤.៦ ស្ដីពីកិច្ចសហប្រតិបត្តិការវិស័យកសិកម្ម លើការរួមបញ្ចូលតែមួយជាមួយចំណុច ៤.៤ ស្ដីពីកិច្ចសហប្រតិបត្តិការវិស័យកសិកម្ម និងការផ្លាស់ប្ដូរព័ត៌មានស្ដង់ដារ លើវិធានការអនាម័យ ភូតគាមអនាម័យ (SPS) នេះផងដែរ៕
