ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីក្នុងពិធីប្រគល់ជ័យលាភីសហគមន៍កសិកម្មឆ្នើមឆ្នាំ២០២០ និងពិធីប្រកាសទទួលស្គាល់សម្ព័ន្ឋសហគមន៍កសិកម្មកម្ពុជា

ចេញ​ផ្សាយ​ ២៦ កុម្ភៈ ២០២០ 4915

នៅទីស្តីការក្រសួងកសិកម្មរុក្ខាប្រមាញ់ និងនេសាទ នៅរសៀលថ្ងៃអង្គារ ៣កើត ខែផល្គុន ឆ្នាំកុរ ឯកស័ក ព.ស. ២៥៦៣ ត្រូវនឹងថ្ងៃទី២៥ ខែកុម្ភៈ ឆ្នាំ២០២០ ឯកឧត្តមរដ្ឋមន្រ្តី វេង សាខុន បានអញ្ជើញជាអធិបតីក្នុងពិធីប្រគល់ជ័យលាភីសហគមន៍កសិកម្មឆ្នើមឆ្នាំ២០២០ និងពិធីប្រកាសទទួលស្គាល់សម្ព័ន្ឋសហគមន៍កសិកម្មកម្ពុជា ដែលពិធីនេះក៏មានការអញ្ជើញពីឯកឧត្តម Sascha Reebs លេខាទី១ ស្ថានទូតអាល្លឺម៉ង់ លោក Hardy Schneider នាយកកម្មវិធីសហព័ន្ធសហករណ៍រ៉ៃអៃសិនអាល្លឺម៉ង់ (DGRV) ប្រចាំកម្ពុជា ឯកឧត្តម លោកជំទាវ តំណាងក្រសួង ស្ថាប័ន ពាក់ព័ន្ធ លោក‌ លោកស្រី អ្នកនាងកញ្ញា ភ្ញៀវកិត្តិយសជាតិ-អន្តរជាតិ និងបងប្អូនកសិករតំណាងសហគមន៍កសិកម្មប្រមាណ ៥០០នាក់។

មានចំណាប់អារម្មណ៍ប្រកបដោយខ្លឹមសារ របស់លោក Hardy Schneider និងឯកឧត្តម Sascha Reebs បានបង្ហាញយ៉ាងច្បាស់ពីផ្លែផ្កានៃកិច្ចសហប្រតិបត្តិការ ជំនួយឧបត្ថម្ភគាំទ្រទាំងបច្ចេកទេស និងហិរញ្ញប្បទានឥតសំណងរបស់ប្រទេសអាល្លឺម៉ង់សម្រាប់ធ្វើការអភិវឌ្ឍលើវិស័យអាទិភាពសំខាន់ៗ ក្នុងនោះក៏មានវិស័យកសិកម្មផងដែរ ដែលការអភិវឌ្ឍន៍នេះបានចូល រួមចំណែកប្រកបដោយផ្លែផ្កាក្នុងការជួយជ្រោមជ្រែងដល់កំណើនសេដ្ឋកិច្ច សន្តិសុខស្បៀង និងស្ថិរភាពសង្គមនាពេលបច្ចុប្បន្ន។ បន្ទាប់មក ឯកឧត្តមងិន ឆាយ ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានរាយការណ៍ជូនអង្គពិធីជ្រាបអំពីការ រៀបចំសម្ព័ន្ធសហគមន៍កសិកម្មកម្ពុជា និងដំណើរការនៃការជ្រើសរើសសហគមន៍កសិកម្មឆ្នើមផ្តល់ជ័យលាភី និងវិញ្ញាសារប្រឡងជ្រើសរើស។

មានមតិសំណេះសំណាលនាឱកាសនេះ ឯកឧត្តមរដ្ឋមន្ត្រីបានកោតសរសើរចំពោះសហគមន៍កសិកម្មទាំង៥ ដែលទទួលបានជ័យលាភីនៅឆ្នាំនេះ និងបានវាយតម្លៃខ្ពស់ចំពោះកិច្ចខិតខំប្រឹង ប្រែង យកអស់ស្មារតីទទួលខុសត្រូវពីគ្រប់ភាគីពាក់ព័ន្ធ ជាពិសេសអគ្គនាយកដ្ឋានកសិកម្មដែលបានរួមសហការគ្នាក្នុងការរៀបចំព្រឹត្តិការណ៍ដ៏មានសារសំខាន់នាពេលនេះ។ លោកក៏បានថ្លែង អំណរគុណចំពោះរដ្ឋាភិបាល និងប្រជាជនអាល្លឺម៉ង់ដែលនៅតែបន្តជួយអភិវឌ្ឍវិស័យកសិកម្ម។
លោកបានបញ្ជាក់ថា ក្រសួងបានរៀបចំកម្មវិធីប្រកួតប្រជែងសហគមន៍កសិកម្មឆ្នើមនេះចាប់ តាំងពីឆ្នាំ២០១៥ មកទល់ពេលនេះបានចំនួន០៤ លើកដែលសហគមន៍កសិកម្មត្រូវបានផ្តល់ឱកាសឱ្យចូលរួមកម្មវិធីសន្និបាតកសិករ ដើម្បីប្រកួតប្រជែងក្នុងចំណោមសហគមន៍កសិកម្មឆ្នើមដើម្បីដណ្តើមជ័យលាភីប្រចាំឆ្នាំ។ ឯកឧត្តមរដ្ឋមន្ត្រីបានបញ្ជាក់ថាក្រសួងបានយកចិត្តទុកដាក់លើកទឹកចិត្តដល់កសិករឱ្យចងក្រងសហគមន៍កសិកម្មដើម្បីរក្សានិរន្តរភាពនៃសកម្មភាពនានាក្រោយពេលគម្រោងត្រូវបានបញ្ចប់ ធ្វើការចុះបញ្ជីនៅក្រសួងបានត្រឹមត្រូវ រៀបចំរចនាសម្ព័ន្ធដឹកនាំច្បាស់លាស់ មានសកម្មភាពសេដ្ឋកិច្ចបម្រើដល់កសិករជាសមាជិក និងមានយន្តការគ្រប់ គ្រង ដឹកនាំដោយខ្លួនឯង មានរចនាសម្ព័ន្ធរដ្ឋបាល ហិរញ្ញវត្ថុ ព្រមទាំងមានអង្គភាព ដៃគូ និងស្ថាប័នរដ្ឋគាំទ្រផងដែរ។ ទាក់ទងចំណុចនេះ លោកស្នើឱ្យ DGRV ជួយបន្តផ្តល់កិច្ចសហការជាមួយអគ្គនាយកដ្ឋានកសិកម្ម ដើម្បីរៀបចំសេចក្តីព្រាងគោលនយោបាយជាតិស្តីពីការអភិវឌ្ឍន៍សហគមន៍កសិកម្ម ក៏ដូចជាការជួយគាំទ្រដល់សម្ព័ន្ធសហគមន៍កសិកម្មឱ្យដំណើរការបានល្អសំដៅចូលរួមអភិវឌ្ឍន៍សហគមន៍កសិកម្មឱ្យមានការរីកចម្រើននាពេលអនាគត។

ក្នុងខណ:នេះ ដើម្បីផ្តល់ជាធាតុចូលសម្រាប់សម្ព័ន្ធសហគមន៍កសិកម្មកម្ពុជា និងសហគមន៍កសិកម្មឆ្នើមទាំង០៥ ឯកឧត្តមរដ្ឋមន្ត្រីបានផ្តល់ជាអនុសាសន៍មួយចំនួនសម្រាប់ជាមូលដ្ឋានអនុវត្តបន្តដូចតទៅ៖ ទី១- ថ្នាក់ដឹកនាំសម្ព័ន្ធសហគមន៍កសិកម្ម ត្រូវខិតខំបំពេញភារកិច្ច និងតួនាទីឱ្យបានល្អដើម្បី បម្រើផលប្រយោជន៍ពិតប្រាកដជូនដល់សមាជិក សំដៅធ្វើឱ្យមានការរីកចម្រើនដល់សហគមន៍កសិកម្ម។ ត្រូវខិតខំបន្ថែមទៀត ដើម្បីប្រែក្លាយខ្លួនទៅជាសហគមន៍កសិកម្មគំរូសម្រាប់បម្រើផលប្រយោជន៍ដល់កសិករ។ ទី២- ត្រូវពង្រឹងសមត្ថភាពស្ថាប័ន ការធ្វើសវនកម្មផ្ទៃក្រៅឱ្យបានទៀងទាត់ដើម្បីដំណើរការបានរលូនប្រកបដោយតម្លាភាព គណនេយ្យភាព និរន្តរភាព និងការស្វែងរកដៃគូជំនួញដើម្បីធ្វើកិច្ច សន្យាផលិតកម្មកសិកម្ម។ ត្រូវពង្រឹង និងពង្រីកសមត្ថភាពមុខរបរបន្ថែម ដើម្បីឱ្យក្លាយជាសហគ្រាសកសិ-ធុរកិច្ចរឹងមាំ។ ទី៣- មន្ទីររាជ ធានី-ខេត្ត ត្រូវធ្វើបច្ចុប្បន្នភាពសហគមន៍កសិកម្ម និងធ្វើការតាមដាន វាយតម្លៃ ដើម្បីឱ្យដឹងពិត ប្រាកដថាតើមានសហគមន៍កសិកម្មចំនួនប៉ុន្មានដែលមានដំណើរការល្អ ឬឈប់ដំណើរការ? បើឈប់ដំណើរការត្រូវតែដកវិញ្ញាបនបត្រចុះបញ្ជីវិញ។ ត្រូវលើកទឹកចិត្តដល់សហគមន៍កសិកម្មផ្សេងទៀតឱ្យក្លាយជាសហគមន៍កសិកម្ម និងទទួលបានភាពជោគជ័យក្នុងដំណើរការអភិវឌ្ឍរបស់ខ្លួន។ ទី៤- ត្រូវខិតខំពង្រឹងរចនាសម្ព័ន្ធ និងធុរកិច្ចឱ្យក្លាយជាសហគ្រាសកសិកម្មទំនើប តាមរយៈការបង្កើតយន្តការគ្រប់គ្រង និងបន្តធ្វើទំនាក់ទំនងជាមួយធនាគារអភិវឌ្ឍន៍ជនបទនិងកសិកម្ម និងគ្រឹះស្ថានហិរញ្ញវត្ថុនានាក្នុងការផ្តល់ឥណទាន។ ទី៥- ស្នើដៃគូអភិវឌ្ឍន៍បន្តជួយអភិវឌ្ឍសហគមន៍កសិកម្មបន្ថែមទៀតដោយយកពួកគេធ្វើជាតួអង្គសំខាន់ក្នុងគម្រោងដើម្បីជួយដល់កសិករ តាមរយ:ការផ្ទេរបច្ចេកទេស ផ្សារភ្ជាប់ទំនាក់ទំនងជាមួយគ្រប់ភាគីពាក់ព័ន្ធតាមអភិក្រម “រដ្ឋ-ឯកជន-ដៃគូអភិវឌ្ឍន៍ និងសហគមន៍”។

សូមជម្រាបជូនថា សម្រាប់ឆ្នាំនេះជ័យលាភីលេខ១: បានទៅសហគមន៍កសិកម្មតស៊ូមានជ័យ លេខ២: សហគមន៍កសិកម្មអភិវឌ្ឍន៍ស្រុកយើង លេខ៣: សហគមន៍កសិកម្មបុរីអភិវឌ្ឍន៍ លេខ៤: សហគមន៍កសិកម្មអញ្ញាញរូងសម័យថ្មី និងលេខ៥: សហគមន៍កសិកម្មសម្រស់កំពង់ល្ពៅ។ យោងលើសេចក្តីត្រូវការជាក់ស្តែង ឆ្នាំនេះក្រសួងសម្រេចជូនសហគមន៍កសិកម្មដែលទទួលបានជ័យលាភីទាំង៥ ជាថវិកាវិញ ដើម្បីយកទៅប្រើប្រាស់តាមការចាំបាច់ក្នុងសហគមន៍របស់ខ្លួន ដែលមានតាមលំដាប់លំដោយពីលេខ០១ ដល់លេខ០៥ ដូចតទៅ ១៦លានរៀល ១០លានរៀល ៨លានរៀល ៦លានរៀល និង ៤លានរៀល ព្រមទាំងប័ណ្ណសរសើរផងដែរ។

ព័ត៌មានផ្សេងៗទៀត
ចេញ​ផ្សាយ​ ២២ វិច្ឆិកា ២០២៦ 353

ថ្នាក់ដឹកនាំក្រសួងកសិកម្ម​ ទទួលជួបជាមួយលោក Niu Jian ប្រធានក្រុមហ៊ុន(HLID) ក្នុងជំនួបពិភាក្សាការងារ នៅសាធារណរដ្ឋប្រជាមានិតចិន

នាថ្ងៃទី២១​ ខែវិច្ឆិកា​ ឆ្នាំ២០២៦​ ឯកឧត្តមអនុរដ្ឋលេខាធិការ គី ច័ន្ទរំដួល អ​មដោយ លោក ងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ អញ្ជើញដឹកនាំគណៈប្រតិភូក្រសួងកសិកម្ម...
ចេញ​ផ្សាយ​ ២១ វិច្ឆិកា ២០២៦ 779

«សន្និសីទអភិរក្សថនិកសត្វទឹកសាបនៅអាស៊ី ឆ្នាំ២០២៦» បិទបញ្ចប់ដោយឯកភាពជាគោលការណ៍លើការបង្កើតបណ្តាញអភិរក្សថនិកសត្វទឹកសាបនិងសមុទ្រថ្នាក់តំបន់

សន្និសីទអភិរក្សថនិកសត្វទឹកសាប នៅអាស៊ី ឆ្នាំ២០២៦ ដែលបានរៀបចំឡើងចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០២៦ នៅខេត្តសៀមរាប បានបញ្ចប់ដោយជោគជ័យ ជាមួយនឹងលទ្ធផលដ៏សំខាន់...
ចេញ​ផ្សាយ​ ២១ វិច្ឆិកា ២០២៦ 903

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់ និងទទួលផ្ទះសំណាញ់ចំនួន៨៩ខ្នង ជូនសហគមន៍កសិកម្មចំនួន១៣ ក្នុងខេត្តសៀមរាប

នៅរសៀលថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការ និងជាសហប្រធានគណៈកម្មការតម្រង់ទិសគម្រោង «គុជ» តំណាងដ៏ខ្ពង់ខ្ពស់ឯកឧត្តម ឌិត ទីណា...
ចេញ​ផ្សាយ​ ២១ វិច្ឆិកា ២០២៦ 948

ឯកឧត្តមរដ្ឋលេខាធិការ ហាស់ សារ៉េត អញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពី ជលផល និងនីតិវិធីពាក់ព័ន្ធ ដល់មន្ត្រីសមត្ថកិច្ចជលផល

នៅថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពីជលផល...
ចេញ​ផ្សាយ​ ២១ វិច្ឆិកា ២០២៦ 920

ថ្នាក់ដឹកនាំក្រសួងកសិកម្ម​ អញ្ជើញបំពេញទស្សនកិច្ចសិក្សា​ និងលើកទឹកចិត្តដល់វិនិយោគគិនចិនលើវិស័យកសិកម្ម​ នៅសាធារណរដ្ឋប្រជាមានិតចិន

នាថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមអនុរដ្ឋលេខាធិការ គី ច័ន្ទរំដួល អញ្ជើញដឹកនាំគណៈប្រតិភូក្រសួងកសិកម្ម រុក្ខាប្រមាញ់ និងនេសាទ បំពេញទស្សនកិច្ចសិក្សា ផ្សព្វផ្សាយ...
ចេញ​ផ្សាយ​ ២១ វិច្ឆិកា ២០២៦ 982

«រួមគ្នាជាសហគមន៍ ដើម្បីរីកចម្រើនទាំងអស់គ្នា!»

«រួមគ្នាជាសហគមន៍ ដើម្បីរីកចម្រើនទាំងអស់គ្នា!» ក្រសួងកសិកម្ម រុក្ខាប្រមាញ់ និងនេសាទ ដោយសហការជាមួយអង្គការ FAO ជាដៃគូអនុវត្តគម្រោង «គជ់» (PEARL) បាននាំយកផ្ទះសំណាញ់...
ចេញ​ផ្សាយ​ ២១ វិច្ឆិកា ២០២៦ 966

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់សម្ភារៈប្រើប្រាស់កសិកម្មជូនសហគមន៍ចំនួន៨ ក្នុងខេត្តឧត្តរមានជ័យ

នៅព្រឹកថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម​ និងជាសហប្រធានគណៈកម្មការតម្រង់ទិសគម្រោង «គជ់» ជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី...
ចេញ​ផ្សាយ​ ២១ វិច្ឆិកា ២០២៦ 995

ថ្នាក់ដឹកនាំក្រសួងកសិកម្ម អញ្ជើញចែកគ្រាប់ពូជបន្លែជូនអ្នកភូមិរង់ចាំ ជាង ៣០០គ្រួសារ ដើម្បីលើកកម្ពស់ជីវភាពប្រជាពលរដ្ឋ

នៅព្រឹកថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តមបណ្ឌិត ​យ៉ង សាំងកុមារ បានដឹកនាំសកម្មភាពចែកគ្រាប់ពូជបន្លែជូនអ្នកភូមិរង់ចាំ នៃខេត្តបន្ទាយមានជ័យ ជាង ៣០០ គ្រួសារ ដោយមានការចូលរួមពីតំណាងមន្ទីរកសិកម្ម...
ចេញ​ផ្សាយ​ ២១ វិច្ឆិកា ២០២៦ 982

លោកជំទាវអនុរដ្ឋលេខាធិការ អ៊ឹម រចនា រួមដំណើរគណៈប្រតិភូស្ថាប័នជលផលចិន និង IHB ទស្សនកិច្ចកន្លែងអភិរក្សជលផលកំពង់ភ្លុក នៃខេត្តសៀមរាប

នាថ្ងៃទី១៩ ខែវិច្ឆិកា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញរួមដំណើរជាមួយគណៈប្រតិភូស្ថាប័នជលផលចិន និងវិទ្យាស្ថានជីវសាស្ត្រជលផល...
ចេញ​ផ្សាយ​ ២០ វិច្ឆិកា ២០២៦ 1386

ថ្នាក់ដឹកនាំក្រសួងកសិកម្មអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​” ជាមួយគម្រោង COSTEA

នៅថ្ងៃទី១៧-១៩ ខែវិច្ឆិកា ឆ្នាំ២០២៦ ឯកឧត្ដម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​”...
ចេញ​ផ្សាយ​ ១៩ វិច្ឆិកា ២០២៦ 1488

ឯកឧត្តមរដ្ឋមន្ត្រី ឌិត ទីណា បន្តអញ្ជើញជួបសំណេះសំណាល និងប្រគល់ត្រាក់ទ័រ គោយន្ត ព្រមទាំងម៉ាស៊ីនច្រូតកាត់ ជូនដល់សហគមន៍កសិកម្មនៅខេត្តព្រះវិហារ

នាថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបន្តដំណើរអញ្ជើញចុះជួបសំណេះសំណាល និងប្រគល់គ្រឿងយន្តកសិកម្ម...
ចេញ​ផ្សាយ​ ១៩ វិច្ឆិកា ២០២៦ 1519

លោកជំទាវ អ៊ឹម រចនា ពិភាក្សាជាមួយតំណាងស្ថាប័នជលផលចិន និង វិទ្យាស្ថានជីវសាស្ត្រទឹកនៃបណ្ឌិត្យសភាវិទ្យាសាស្ត្រចិន អំពីការពង្រឹងកិច្ចសហប្រតិបត្តិការអភិរក្សសត្វផ្សោតទន្លេមេគង្គ និងប្រព័ន្ធអេកូឡូស៊ីជលផល

ក្នុងឱកាសនៃ«កិច្ចប្រជុំថ្នាក់តំបន់ស្តីពីការអភិរក្សថនិកសត្វទឹកសាបនៅតំបន់អាស៊ី» លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាការងារជាមួយតំណាងវិទ្យាស្ថានជីវសាស្ត្រទឹក...