ព័ត៌មានផ្សេងៗទៀត
កម្មសិទ្ធីដីធ្លីគឺជាទ្រព្យសម្បត្តិ និងជាអាយុជីវិតរបស់ប្រជាពលរដ្ឋ
ចេញផ្សាយ ២២ មករា ២០១៨ 4028
កម្មសិទ្ធីដីធ្លីគឺជាទ្រព្យសម្បត្តិ និងជាអាយុជីវិតរបស់ប្រជាពលរដ្ឋ នេះគឺជាប្រសាសន៍របស់ឯកឧត្តមរដ្ឋមន្ត្រី កាលពីថ្ងៃទី០៨ ខែវិច្ឆិកា ក្នុងឱកាសដែលលោកបានអញ្ជើញចុះសាកសួរសុខទុក្ខវីរៈយុវជនស្ម័គ្រចិត្ត សម្តេចតេជោ ដែលកំពុងចុះវាស់ដីធ្លីជូនប្រជាពលរដ្ឋទាំង ៥ ក្រុម (ក្រុមទី ១៣ ១៤ ១៥ ១៦ និង ១៧) នៅស្រុកពេជ្រដា អមដំណើរជាមួយឯកឧត្តមអនុរដ្ឋលេខាធិការ ឯកឧត្តមសាកលវិទ្យាអិការ ទីប្រឹក្សាប្រសួង និងថ្នាកដឹកនាំនាយកដ្ឋានបច្ចេកទេសមួយចំនួនទៀត។
ក្រោយពីបានស្តាប់របាយការណ៍ពីឯកឧត្តម ចាន់ សុវុឌ្ឍ អនុរដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ និងជាប្រធានសហព័ន្ធនិស្សិតបញ្ញវន្តកម្ពុជា និងឯកឧត្តមង៉ោ ប៊ុនថាន សាកលវិទ្យាទិធការនៃសាកលវិទ្យល័យភូមិន្ទកសិកម្មរយចមក ឯកឧត្ដមរដ្ឋមន្ដ្រីបានផ្ញើជូនយុវជននូវការផ្តាំផ្ញើសាកសួរសុខទុក្ខពីសម្តេចតេជោ ហ៊ុន សែន និងលោកជំទាវព្រឹកិត្តិបណ្ឌិត ដែលតែងតែខ្វល់ខ្វាយពីសុខទុក្ខរបស់ក្មួយនិស្សិតគ្រប់ពេលវេលា។
លោកបានបញ្ជាក់បន្ថែមថា បេសកកម្មនេះគឺមានសារប្រយោជន៍សម្រាប់ប្រទេសជាតិ ហើយក៏ជាប្រវត្តិសាស្ត្រសម្រាប់ប្រទេសយើង ជាបទពិសោធន៍ដ៏ល្អក្នុងជីវិតជាយុវជន យុវនារីបានលះបង់កម្លាំងពលកម្ម ពេលវេលា ក្រុមគ្រួសារ ដើម្បីជាតិ មាតុភូមិ និងប្រជាជន។ ការរៀនក្នុងថ្នាក់គឺជាទ្រឹស្តី ប៉ុន្តែការអនុវត្តជាក់ស្តែងគឺជាលទ្ធផលនៃទ្រឹស្តី បេសកកម្មដ៏ធំធេងនេះជាឱកាសសម្រាប់ឲ្យក្មួយៗបានស្គាល់ពីភូមិសាស្ត្រជនបទស្រុកយើង បានឃើញជាក់ស្តែងពីការអភិវឌ្ឍន៍ពិតប្រាកដសម័យតេជោសេន បានឃើញជីវភាព ការរស់នៅរបស់ពុកម៉ែ បងប្អូននៅជនបទតើខុសគ្នាយ៉ាងដូចម្តេចបើធៀបជាមួយអ្នកក្រុង។
ជាងនេះទៀតក្មួយៗអាចយកឱកាសនេះ បញ្ហាដែលបានជួបប្រទះនេះ ទៅធ្វើជាបទពិសោធន៍ក្នុងជីវិតនាពេលអនាគត។ គោលបំណងរបស់ រាជរដ្ឋាភិបាលក្នុងការបែងចែកដីធ្លីជូនប្រជាពលរដ្ឋគឺបំណងឲ្យពួកគាត់មានដីធ្លីជាកម្មសិទ្ធិផ្ទាល់ខ្លួន អាស្រ័យផលលើដីនោះ កាលណាពួកគាត់មានកម្មសិទ្ធិដី នោះពួកគាត់រស់នៅយ៉ាងសុខសាន្ត គ្មានការចំណាកស្រុក មានឆន្ទះចង់អភិវឌ្ឍលើដីនោះពិតប្រាកដ អាចបង្កើតបានជាភូមិ ឃុំ ស្រុក ពេលនោះសេវាសាធារណៈ (សាលារៀន មណ្ឌលសុខភាព មន្ទីរពេទ្យ ទីផ្សារ) ហេដ្ឋារចនាសម្ព័ន្ធផ្សេងៗចាប់ផ្តើមរីកលូតលាស់ទៅតាមសេចក្តីត្រូវការ។ ភូមិ ឃុំ ស្រុក មានការអភុវឌ្ឍន៍ ពេលនោះសន្តិសុខ ស្ថេរភាពសង្គមត្រូវបានធានា ហើយសមិទ្ធផលទាំងអស់នេះគឺជាជោគជ័យនៃការអនុវត្តគោលនយោបាយរបស់រាជរដ្ឋាភិបាល ក្នុងការអភិវឌ្ឍប្រទេសជាតិក្រោមការដឹកនាំដ៍ឈ្លាសវៃរបស់សម្តេចតេជោ។ លោកក៏បានណែនាំឲ្យក្មួយៗត្រូវប្រយ័ត្នលើចំណុច ០៥ សំខាន់គឺទី១ ត្រូវរក្សាដីសម្រាប់ប្រើប្រាស់ជាប្រយោជន៍សាធារណៈ ទី២ ត្រូវរក្សាឆ្មេសមុទ្រ បឹង ស្ទឹង ទន្លេ ព្រែកដែលជាដីសាធារណៈរបស់រដ្ឋ ទី៣ ត្រូវរក្សាដីបំរុងទុកសម្រាប់ការកសាងសាលារៀន មណ្ឌលសុខភាព វត្តអារាម ទីសក្ការៈរបស់ជនជាតិដើមភាគតិច សួមកំសាន្ត ។ល។ ទី៤ ត្រូវរក្សាព្រៃអភិរក្ស និងដីព្រៃសហគមន៍ដែលបងប្អូនពឹងអាស្រ័យលើផល និងអនុផលព្រៃឈើ។និងទី ៥ ផ្ទៃដីព្រៃដែលកាប់ទន្ទ្រានក្រោយថ្ងៃទី ០៧ ខែឧសភា មិនអនុញ្ញាតឲ្យវាស់ជូនប្រជាពលរដ្ឋបានឡើង។ ក្នុងឱកាសនោះលោកបានពាំនាំនូវគ្រឿងឧបភោគបរិភោគមួយចំនួនធំ និងថវិកាចំនួន ១ លានរៀនសម្រាប់ ១ ក្រុម ក្នុងនោះមន្ត្រីសូរិយោដី ពេទ្យ និងអ្នកបើកបរក្នុងក្រុមនីមួយៗបានទទួលថវិកា ៥០ ម៉ឺនរៀលផងដែរ។
