ឯកឧត្តមរដ្ឋមន្រ្តី វេង សាខុន បានអនុញ្ញាតឯកឧត្តមឯកអគ្គរដ្ឋទូតកូរ៉េ ប្រចាំព្រះរាជាណាចក្រកម្ពុជា ចូលជួបសម្តែងការគួរសម

ចេញ​ផ្សាយ​ ៩ កក្កដា ២០១៨ 3987

នារសៀលថ្ងៃព្រហស្បតិ៍ ៨រោច ខែបឋមាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៥ ខែកក្កដា ឆ្នាំ២០១៨ នៅទីស្តីការក្រសួងឯកឧត្តមវេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអនុញ្ញាតឯកឧត្តមឯកអគ្គរដ្ឋទូតកូរ៉េ ប្រចាំព្រះរាជាណាចក្រកម្ពុជា ចូលជួបសម្តែងការគួរសមនិងពិភាក្សាការងារក្នុងគោលបំណងពង្រឹងនិងពង្រីកកិច្ចសហប្រតិបត្តិការរវាងប្រទេសទាំងពីរ លើវិស័យកសិកម្ម ។ មានប្រសាសន៍នាឱកាសនេះ ឯកឧត្តមរដ្ឋមន្រ្តីបានសម្តែងនូវអំណរគុណយ៉ាងជ្រាលជ្រៅជូនចំពោះរដ្ឋាភិបាលកូរ៉េ ដែលកន្លងមកបានជួយគាំទ្រនិងផ្តល់កិច្ចសហប្រតិបត្តិការលើវិស័យកសិកម្មតាមរយៈអង្គការ KOICA និងអង្គការ KOPIA និងជាពិសេសគាំទ្រដល់ការស្តារ និងការអភិវឌ្ឍប្រទេសកម្ពុជានាពេលកន្លងមក ហើយឯកឧត្តមសង្ឃឹមនិងជឿជាក់ថារដ្ឋាភិបាលកូរ៉េនឹងបន្តការគាំទ្រ ផ្តល់កិច្ចសហប្រតិបត្តិការឲ្យកាន់តែរឺងមាំ និងល្អប្រសើរថែមទៀត ពិសេសលើការកែច្នៃកសិផលកម្ពុជា និងការធ្វើពាណិជ្ជកម្មផលិផលកសិកម្មនាពេលអនាគត។
មានចំណាប់អារម្មណ៍នាពេលនេះ ឯកឧត្តមឯកអគ្គរដ្ឋទូតបានកោតសរសើរពីការរីកចម្រើនរបស់ប្រទេសកម្ពុជា ដែលក្នុងនោះវិស័យហេដ្ឋារចនាសម្ព័ន្ធគ្រប់បែបយ៉ាង ដែលជាចលករមួយដ៏សំខាន់ជួយជំរុញកំណើនសេដ្ឋកិច្ចរបស់កម្ពុជាតាមរយៈការនាំចេញផលិតផល និងកសិផលទៅកាន់ទីផ្សារអន្តរជាតិ។ ឯកឧត្តមឯកអគ្គរដ្ឋទូតបានវាយតម្លៃខ្ពស់លើកិច្ចសហប្រតិបត្តិការរវាងប្រទេសទាំងពីរនាពេលកន្លងមក ពិសេសលើវិស័យកសិកម្ម ហើយឯកឧត្តមឯកអគ្គរដ្ឋទូតបានសម្តែងនូវអំណរគុណយ៉ាងជ្រាលជ្រៅជូនចំពោះឯកឧត្តមរដ្ឋមន្រ្តី ឯកឧត្តមថ្នាក់ដឹងនាំក្រសួងគ្រប់ជាន់ថ្នាក់ ដែលបានផ្តល់កិច្ចសហប្រតិបត្តិការជាមួយរដ្ឋាភិបាលកូរ៉េ ជាពិសេសជាមួយភ្នាក់ងារ KOICA, KOPIA និងវិនិយោគិនកូរ៉េបានយ៉ាងល្អប្រសើរ។ ក្នុងឱកាសនេះ ឯកឧត្តមឯកអគ្គរដ្ឋទូតបានជម្រាបជូនឯកឧត្តមរដ្ឋមន្រ្តីផងដែរថា បច្ចុប្បន្នមានក្រុមហ៊ុននិងសហគ្រាសកូរ៉េចំនួន៥៩ ក្នុងនោះមាន ១០ បាននិងកំពុងវិនិយោគលើវិស័យកសិកម្ម ក្រៅពីនោះកំពុងតែសិក្សាស្រាវជ្រាវពីសក្តានុពលលើវិស័យកសិកម្មដើម្បីដាក់ទុនវិនិយោគ និងខ្លះទៀតកំពុងតែចុះបញ្ជិកាឲ្យបានត្រឹមត្រូវតាមច្បាប់នៃព្រះរាជាណាចក្រកម្ពុជា។ កន្លងមកក្រុមហ៊ុន ហ៊ុនដាយរបស់កូរ៉េបាននាំផលិផលស្វាយកែវរមៀតរបស់កម្ពុជាទៅកាន់ទីក្រុងហុងកុង ហើយអនាគតដ៏ខ្លីនឹងធ្វើការនាំចេញទៅប្រទេសកូរ៉េ។ ក្រៅពីនេះនៅមានក្រុមហ៊ុនផ្សេងទៀតកំពុងតែដាំដំឡូងមីសម្រាប់ផលិតអេតាណុល ឬបិតស្រា។ កម្ពុជានៅមានកសិផលសំខាន់ៗមួយចំនួនទៀតដែលមានសក្តានុពលដល់ការវិនិយោគក្នុងនោះមានសណ្តែកបាយ ល្ងនិងម្រេច។ល។ ជាការពិត កម្ពុជាជាប្រទេសផលិតវត្ថុធាតុដើមកសិកម្ម ប៉ុន្តែវិស័យឧស្សាហកម្មកែច្នៃកសិផលនៅមានកំរិត បញ្ហានេះដូចប្រទេសកូរ៉េកាលពីអតីតកាល។ ទន្ទឹមនិងសមិទ្ធផលល្អៗទាំងអស់នេះ ឯកឧត្តមឯកអគ្គរដ្ឋទូតបានលើកឡើងពីបញ្ហាប្រឈមមួយចំនួនដែលក្រុមហ៊ុន និងសហគ្រាសកូរ៉េកំពុងជួបប្រទះ ហើយចាំចាប់ត្រូវការរួមគ្នាដោះស្រាយដើម្បីសម្រេចបាននូវយុទ្ធសាស្រ្តឈ្នះ ឈ្នះ រវាងវិនិយោគិន និងប្រជាកសិករដែលជាអ្នកផលិត។ បញ្ហាទាំងនោះរួមមានទី១.ការផ្តល់វិញ្ញាបនបត្រភូតភាមអនាម័យ ទី២. កិច្ចសហប្រតិបត្តិការលើការនាំចេញរវាងស្ថាប័នរដ្ឋ និងវិស័យឯកជននៅមិនមានកម្រិត ទី៣. បញ្ហាតម្លៃអគ្គិសនី និងសេវាដឹកជញ្ជូននៅមានកំរិតខ្ពស់បើធៀបជាមួយប្រទេសជិតខាង ទី៤.ពន្ធលើគ្រឿងបន្លាស់គ្រឿងយន្តកសិកម្មនិងនៅជាប់វ៉ាត់ (VAT) នៅខ្ពស់ដែលជាហេតុធ្វើឲ្យប៉ះពាល់ដល់តម្លៃបន្ថែមលើផលិតផលកសិកម្ម។ ឯកឧត្តមឯកអគ្គរដ្ឋទូតបានបញ្ជាក់បន្ថែមថា ប្រសិនបើបញ្ហាដែលបានលើកឡើងត្រូវបានដោះស្រាយនោះបរិយាកាសនៃការវិនិយោគកាន់តែមានភាពល្អប្រសើរនាពេលអនាគត ស្របពេលដែលពលករទៅបម្រើការនៅកូរ៉េផ្នែកវិស័យកសិកម្មនឹងត្រឡប់មកកម្ពុជាវិញដែលពួកគេអាចមានឱកាសបម្រើការឲ្យក្រុមហ៊ុនកូរ៉េកំពុងដំណើរវិនិយោគក្នុងប្រទេសកម្ពុជា ព្រោះពួកគាត់មានលក្ខណៈសម្បត្តិគ្រប់គ្រាន់ពីរសំខាន់ គឺជំនាញ និងភាសារ ជាពិសេសតាមរយៈការវិនិយោគនេះក៏ជាចំណែកមួយយ៉ាងសំខាន់ក្នុងការជួយឲ្យសម្រេចនូវមហិច្ឆិតារបស់ សម្តេចដែលចង់ប្រែក្លាយប្រទេសកម្ពុជាជាប្រទេសមានចំណូលមធ្យមកំរិតខ្ពស់នាឆ្នាំ២០៣០។
មានមតិនាជំនួបនេះ ឯកឧត្តមរដ្ឋមន្រ្តីបានឯកភាព និងទទួលយកនូវរាល់បញ្ហាដែលឯកឧត្តមឯកអគ្គរដ្ឋទូតបានលើក ឡើង។ កន្លងមកជំនួបរបៀបនេះមិនធ្លាប់មានពីមុនមក ដែលធ្វើឲ្យភាគីទាំងពីរមិនអាចឈានទៅរកដំណោះស្រាយជាគោលការណ៍ច្បាស់លាស់ណាមួយបាន តែជំនួបរយៈពេល២ម៉ោងកន្លះនេះបាន ធ្វើឲ្យភាគីទាំងពីរបានយល់ បានដឹងបញ្ហាជាច្រើនដែលជាឧបសគ្គ ឬជារបាំងក្នុងការដំណើរការអាជីវកម្ម ឬវិនិយោគវិស័យកសិកម្មរបស់ក្រុមហ៊ុន។ ដើម្បីឈានទៅសម្រេចបាននូវគោលនយោបាយឈ្នះ ឈ្នះ ឯកឧត្តមរដ្ឋមន្រ្តីបានស្នើឲ្យភាគីកូរ៉េរៀបចំកម្មវិធីពិភាក្សារវាងអ្នកវិនិយោគកូរ៉េ ជាមួយថ្នាក់ដឹកនាំ ឬមន្រ្តីជំនាញ ដើម្បីលើកយកចំណុចខ្លាំង ចំណុចខ្សោយ បញ្ហាប្រឈម ស្វែងរកគន្លឹះដោះស្រាយត្រឹមត្រូវជាក់លាក់មួយ ហើយកម្មវិធីនេះគួរធ្វើឲ្យ បាន២ដងក្នុង១ឆ្នាំ ឯកឧត្តមឯកអគ្គរដ្ឋទូតបានសម្តែងនូវអំណរសាទរទទួលយកសំណើនេះ។ ឯកឧត្តមរដ្ឋមន្រ្តីទទួលស្គាល់ថាកម្ពុជាជាប្រទេសផលិតវត្ថុធាតុដើមកសិកម្មយ៉ាងច្រើន តែការកែច្នៃវត្ថុធាតុដើមទាំងនោះដើម្បីប្រើប្រាស់ ឬនាំចេញគឺនៅមានកំរិត បង្ខំឲ្យកសិករលក់ផលិតផលឲ្យឈ្នួញនាំចេញជាវត្ថុធាតុដើម ដែលនេះជាកត្តានាំឲ្យបាត់បង់តម្លៃបន្ថែម យ៉ាងច្រើន។ ហេតុផលនេះ ក្នុងនាមឲ្យរាជរដ្ឋាភិបាល ក៏ដូចជាខ្លួនលោកផ្ទាល់សន្យាថានឹងផ្តល់កិច្ចសហការ គ្រប់បែបយ៉ាងដើម្បីបង្កលក្ខណៈងាយស្រួលដល់វិនិយោគិនកូរ៉េក្នុងការអភិវឌ្ឍវិស័យឧស្សាហកម្មកែច្នៃ រួចនាំចេញនាពេលអនាគត ស្របពេលដែលរាជរដ្ឋាភិបាលកម្ពុជាមានផែនការពង្រីកព្រលានយន្តហោះ កសាងកំពង់ផែរទឹកជ្រៅ កសាងហេដ្ឋារចនាសម្ព័ន្ធសំខាន់ៗ និងបញ្ចុះតម្លៃអគ្គិសនីផងដែរ។
ក្នុងជំនួបនេះ ឯកឧត្តមឯកអគ្គរដ្ឋទូតបានសន្យាថានឹងជួយគាំទ្រ និងឧបត្ថម្ភឲ្យក្រសួងបង្កើតមជ្ឈមណ្ឌលព័ត៌មានបច្ចេកទេសកសិកម្មជួយកសិករ នៅក្នុងទីស្តីការក្រសួង ប្រយោជន៍ជួយដោះស្រាយនូវរាល់បញ្ហាទាំងបច្ចេកទេសនិងទីផ្សារដល់កសិករ និងជួយរៀបចំផែនទីកសិកម្ម ជាពិសេសតំបន់កសិកម្មដែលមានក្រុមហ៊ុននិងសហគ្រាសកូរ៉េកំពុងតែប្រតិបត្តិ ហើយចំណុចនេះ គឺជាចេតនាដ៏ល្អមួយរបស់ឯកឧត្តមរដ្ឋមន្រ្តីក្នុងការរៀបចំផែនទីកសិកម្មដើម្បីកំណត់តំបន់ដាំដុះផងដែរ។
ជំនួបពិភាក្សាត្រូវបានបញ្ចប់ក្នុងបរិយាកាសយោគយល់គ្នាខ្ពស់ និងបានដឹងពីហេតុផលនៃបញ្ហាជាច្រើនទាក់ទងនិងការវិនិយោគវិស័យ កសិកម្ម ហើយភាគីទាំងពីរសន្យាថានឹងបន្តសហការដោះស្រាយបញ្ហាទាំងអស់នេះជាជំហានៗ បន្ទាប់ពីអាណត្តិទី៦នៃរដ្ឋសភា ធ្វើយ៉ាងណាឲ្យក្រុមហ៊ុន ក៏ដូចកសិករកម្ពុជាមានឱកាសនាំផលិតផលរបស់ខ្លួនចេញទៅកាន់ទីផ្សារកូរ៉េនាពេលអនាគត ហើយពិតណាស់ថានេះគឺជាគោលដៅ និងឆន្ទះរួម របស់ភាគីយើងទាំងពីរ។

ព័ត៌មានផ្សេងៗទៀត
ចេញ​ផ្សាយ​ ២២ វិច្ឆិកា ២០២៦ 381

ថ្នាក់ដឹកនាំក្រសួងកសិកម្ម​ ទទួលជួបជាមួយលោក Niu Jian ប្រធានក្រុមហ៊ុន(HLID) ក្នុងជំនួបពិភាក្សាការងារ នៅសាធារណរដ្ឋប្រជាមានិតចិន

នាថ្ងៃទី២១​ ខែវិច្ឆិកា​ ឆ្នាំ២០២៦​ ឯកឧត្តមអនុរដ្ឋលេខាធិការ គី ច័ន្ទរំដួល អ​មដោយ លោក ងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ អញ្ជើញដឹកនាំគណៈប្រតិភូក្រសួងកសិកម្ម...
ចេញ​ផ្សាយ​ ២១ វិច្ឆិកា ២០២៦ 822

«សន្និសីទអភិរក្សថនិកសត្វទឹកសាបនៅអាស៊ី ឆ្នាំ២០២៦» បិទបញ្ចប់ដោយឯកភាពជាគោលការណ៍លើការបង្កើតបណ្តាញអភិរក្សថនិកសត្វទឹកសាបនិងសមុទ្រថ្នាក់តំបន់

សន្និសីទអភិរក្សថនិកសត្វទឹកសាប នៅអាស៊ី ឆ្នាំ២០២៦ ដែលបានរៀបចំឡើងចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០២៦ នៅខេត្តសៀមរាប បានបញ្ចប់ដោយជោគជ័យ ជាមួយនឹងលទ្ធផលដ៏សំខាន់...
ចេញ​ផ្សាយ​ ២១ វិច្ឆិកា ២០២៦ 935

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់ និងទទួលផ្ទះសំណាញ់ចំនួន៨៩ខ្នង ជូនសហគមន៍កសិកម្មចំនួន១៣ ក្នុងខេត្តសៀមរាប

នៅរសៀលថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការ និងជាសហប្រធានគណៈកម្មការតម្រង់ទិសគម្រោង «គុជ» តំណាងដ៏ខ្ពង់ខ្ពស់ឯកឧត្តម ឌិត ទីណា...
ចេញ​ផ្សាយ​ ២១ វិច្ឆិកា ២០២៦ 973

ឯកឧត្តមរដ្ឋលេខាធិការ ហាស់ សារ៉េត អញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពី ជលផល និងនីតិវិធីពាក់ព័ន្ធ ដល់មន្ត្រីសមត្ថកិច្ចជលផល

នៅថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពីជលផល...
ចេញ​ផ្សាយ​ ២១ វិច្ឆិកា ២០២៦ 948

ថ្នាក់ដឹកនាំក្រសួងកសិកម្ម​ អញ្ជើញបំពេញទស្សនកិច្ចសិក្សា​ និងលើកទឹកចិត្តដល់វិនិយោគគិនចិនលើវិស័យកសិកម្ម​ នៅសាធារណរដ្ឋប្រជាមានិតចិន

នាថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមអនុរដ្ឋលេខាធិការ គី ច័ន្ទរំដួល អញ្ជើញដឹកនាំគណៈប្រតិភូក្រសួងកសិកម្ម រុក្ខាប្រមាញ់ និងនេសាទ បំពេញទស្សនកិច្ចសិក្សា ផ្សព្វផ្សាយ...
ចេញ​ផ្សាយ​ ២១ វិច្ឆិកា ២០២៦ 1011

«រួមគ្នាជាសហគមន៍ ដើម្បីរីកចម្រើនទាំងអស់គ្នា!»

«រួមគ្នាជាសហគមន៍ ដើម្បីរីកចម្រើនទាំងអស់គ្នា!» ក្រសួងកសិកម្ម រុក្ខាប្រមាញ់ និងនេសាទ ដោយសហការជាមួយអង្គការ FAO ជាដៃគូអនុវត្តគម្រោង «គជ់» (PEARL) បាននាំយកផ្ទះសំណាញ់...
ចេញ​ផ្សាយ​ ២១ វិច្ឆិកា ២០២៦ 993

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់សម្ភារៈប្រើប្រាស់កសិកម្មជូនសហគមន៍ចំនួន៨ ក្នុងខេត្តឧត្តរមានជ័យ

នៅព្រឹកថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម​ និងជាសហប្រធានគណៈកម្មការតម្រង់ទិសគម្រោង «គជ់» ជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី...
ចេញ​ផ្សាយ​ ២១ វិច្ឆិកា ២០២៦ 1024

ថ្នាក់ដឹកនាំក្រសួងកសិកម្ម អញ្ជើញចែកគ្រាប់ពូជបន្លែជូនអ្នកភូមិរង់ចាំ ជាង ៣០០គ្រួសារ ដើម្បីលើកកម្ពស់ជីវភាពប្រជាពលរដ្ឋ

នៅព្រឹកថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តមបណ្ឌិត ​យ៉ង សាំងកុមារ បានដឹកនាំសកម្មភាពចែកគ្រាប់ពូជបន្លែជូនអ្នកភូមិរង់ចាំ នៃខេត្តបន្ទាយមានជ័យ ជាង ៣០០ គ្រួសារ ដោយមានការចូលរួមពីតំណាងមន្ទីរកសិកម្ម...
ចេញ​ផ្សាយ​ ២១ វិច្ឆិកា ២០២៦ 1014

លោកជំទាវអនុរដ្ឋលេខាធិការ អ៊ឹម រចនា រួមដំណើរគណៈប្រតិភូស្ថាប័នជលផលចិន និង IHB ទស្សនកិច្ចកន្លែងអភិរក្សជលផលកំពង់ភ្លុក នៃខេត្តសៀមរាប

នាថ្ងៃទី១៩ ខែវិច្ឆិកា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញរួមដំណើរជាមួយគណៈប្រតិភូស្ថាប័នជលផលចិន និងវិទ្យាស្ថានជីវសាស្ត្រជលផល...
ចេញ​ផ្សាយ​ ២០ វិច្ឆិកា ២០២៦ 1409

ថ្នាក់ដឹកនាំក្រសួងកសិកម្មអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​” ជាមួយគម្រោង COSTEA

នៅថ្ងៃទី១៧-១៩ ខែវិច្ឆិកា ឆ្នាំ២០២៦ ឯកឧត្ដម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​”...
ចេញ​ផ្សាយ​ ១៩ វិច្ឆិកា ២០២៦ 1490

ឯកឧត្តមរដ្ឋមន្ត្រី ឌិត ទីណា បន្តអញ្ជើញជួបសំណេះសំណាល និងប្រគល់ត្រាក់ទ័រ គោយន្ត ព្រមទាំងម៉ាស៊ីនច្រូតកាត់ ជូនដល់សហគមន៍កសិកម្មនៅខេត្តព្រះវិហារ

នាថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបន្តដំណើរអញ្ជើញចុះជួបសំណេះសំណាល និងប្រគល់គ្រឿងយន្តកសិកម្ម...
ចេញ​ផ្សាយ​ ១៩ វិច្ឆិកា ២០២៦ 1547

លោកជំទាវ អ៊ឹម រចនា ពិភាក្សាជាមួយតំណាងស្ថាប័នជលផលចិន និង វិទ្យាស្ថានជីវសាស្ត្រទឹកនៃបណ្ឌិត្យសភាវិទ្យាសាស្ត្រចិន អំពីការពង្រឹងកិច្ចសហប្រតិបត្តិការអភិរក្សសត្វផ្សោតទន្លេមេគង្គ និងប្រព័ន្ធអេកូឡូស៊ីជលផល

ក្នុងឱកាសនៃ«កិច្ចប្រជុំថ្នាក់តំបន់ស្តីពីការអភិរក្សថនិកសត្វទឹកសាបនៅតំបន់អាស៊ី» លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាការងារជាមួយតំណាងវិទ្យាស្ថានជីវសាស្ត្រទឹក...