លោកជំទាវអនុរដ្ឋលេខាធិការ យ៉ើ អាស៊ីគីន អញ្ជើញដឹកនាំក្រុមការងារ​ចូលរួមសិក្ខាសាលាអន្តរជាតិ ស្តីពី «ការផ្លាស់ប្តូរទៅកាន់កសិកម្មអេកូឡូស៊ី និងកសិកម្មស្តារឡើងវិញ៖ ការរួមចំណែកចំពោះការវិវត្តន៍​នៃអាហារ​សុវត្ថិភាព» (TARASA25) នៅសាធារណរដ្ឋប្រជាមានិតឡាវ

ចេញ​ផ្សាយ​ ២៥ វិច្ឆិកា ២០២៥ 2293

លោកជំទាវ យ៉ើ អាស៊ីគីន អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាអនុប្រធានគណកម្មការតម្រង់ទិសសម្ព័ន្ធកសិកម្មអភិរក្ស និងប្រពលវប្បកម្មនិរន្តរភាពកម្ពុជា (CASIC) អមដោយថ្នាក់ដឹកនាំ និងមន្រ្តី​អគ្គ​នាយក​ដ្ឋានកសិកម្ម ក្រុមការងារកាស៊ីក សាកលវិទ្យាល័យភូមិន្ទកសិកម្ម អង្គការស្វីសខាន់ថាក់ ALiSEA និង CIRAD ប្រចាំកម្ពុជា ចំនួន១៧នាក់ (ស្រ្តី៧នាក់) បានចូលរួមសិក្ខាសាលាអន្តរជាតិ ស្តីពី «ការផ្លាស់ប្តូរ​ទៅ​កាន់​កសិកម្មអេកូឡូស៊ី និងកសិកម្មស្តារឡើងវិញ៖ ការរួមចំណែកចំពោះ​ការវិវត្តន៍នៃអាហារសុវត្ថិភាព» (TARASA25) នៅសាធារណរដ្ឋប្រជា​មានិតឡាវ។ សិក្ខាសាលាប្រព្រឹត្តទៅចាប់ពីថ្ងៃទី២៤–២៧ ខែវិច្ឆិកា ឆ្នាំ២០២៥ ដែលមានតំណាងចូលរួមមកពី២៤ប្រទេស អ្នកចូលរួមសរុប ១២៧នាក់(ស្រ្តី៥៥នាក់)។
សិក្ខាសាលា TARASA25 ធ្វើឡើងក្នុងគោលបំណងសំខាន់ៗរួមមាន ៖១.ចែករំលែកបទពិសោធន៍ និងបញ្ហាប្រឈមទាក់ទងនឹងកសិកម្មអេកូឡូស៊ី និងកសិកម្មស្តារឡើងវិញ ២.ពង្រឹងការយល់ដឹងអំពីគោលការណ៍ណែនាំ និងគោលនយោបាយកសិអេកូឡូស៊ីសម្រាប់អាស៊ាន ៣.ពិនិត្យវឌ្ឍនភាព និងស្វែងយល់អំពីឱកាសសហការរដ្ឋ–ឯកជន និងដៃគូអភិវឌ្ឍន៍ ៤.កំណត់​មធ្យោបាយ​រួមគ្នាដើម្បីបង្កើនកិច្ចសហការតំបន់សម្រាប់ការផ្លាស់ប្តូរកសិកម្ម និងប្រព័ន្ធអាហារ។
ជាលទ្ធផលសកម្មភាពរបស់កម្ពុជា តាមការសម្របសម្រួលរបស់ CASIC និងក្រោមការដឹកនាំក្រសួងកសិកម្ម រុក្ខាប្រមាញ់ និងនេសាទ៖១. ចូលរួម​រៀបចំ និងសម្របសម្រួលសិក្ខាសាលាអន្តរជាតិ TARASA25 នៅប្រទេស​ឡាវ ២.សម្របសម្រួល និងពង្រឹងកិច្ចសហការជាមួយដៃគូជាតិ និងអន្តរជាតិសម្រាប់សកម្មភាពពាក់ព័ន្ធនឹងកសិអេកូឡូស៊ី ៣.អភិវឌ្ឍសមត្ថ​ភាពជនបង្គោល សិស្សនិស្សិត និងកសិករ តាមកម្មវិធី InGuider របស់សាកលវិទ្យាល័យភូមិន្ទកសិកម្ម ៣.ការអនុវត្តគំរូ MetKasekor ដើម្បីផ្តល់ជំនួយបច្ចេកទេស និងបង្ហាញការអនុវត្តកសិកម្មអភិរក្ស (ដំណាំគម្របដី) សម្រាប់ស្តារបង្កើនគុណភាពដី និងទិន្នផលកសិករ៕