ឯកឧត្តមអនុរដ្ឋលេខាធិការ ទឹម បូរក្ស ដឹកនាំសមត្ថកិច្ចចម្រុះ ចុះល្បាត និងបង្រ្កាបបទល្មើសជលផល ក្នុងតំបន់ព្រៃលិចទឹក ស្ថិតនៅភូមិសាស្ត្រក្នុងឃុំចំនួន៣ នៃខេត្តត្បូងឃ្មុំ

ចេញ​ផ្សាយ​ ២១ មីនា ២០២៥ 2555

នៅថ្ងៃទី២០ ខែមីនា ឆ្នាំ២០២៥ ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តាមការចង្អុលបង្ហាញពី ឯកឧត្តមរដ្ឋលេខាធិការ ហាស់ សារ៉េត  បានដឹកនាំសមត្ថកិច្ចចម្រុះ ចុះល្បាតត្រួតពិនិត្យ និងបង្រ្កាបបទល្មើសជលផល នៅក្នុងតំបន់ព្រៃលិចទឹក ស្ថិតនៅភូមិសាស្ត្រ ឃុំព្រែកអាជី ឃុំទួលស្នួល និងឃុំទ្រា ស្រុកក្រូចឆ្មារ ខេត្តត្បូងឃ្មុំ។

ដំណើរចុះល្បាតនេះ មានការចូលរួមពីសំណាក់មន្ត្រីជំនាញខណ្ឌរដ្ឋបាលជលផលត្បូងឃ្មុំ ដឹកនាំដោយ លោក  ជាម ប៉ង នាយរងខណ្ឌរដ្ឋបាលជលផលត្បូងឃ្មុំ ដោយមានការចូលរួមសហការពីសមត្ថកិច្ចអធិការដ្ឋានរដ្ឋបាលជលផលមេគង្គ គណៈបញ្ជាការឯកភាពរដ្ឋបាលស្រុកក្រូចឆ្មារ អភិបាលរង លោក ស៊ុំ រ៉ា  ប្រធានសហគមនាគមន៍នេសាទសំបុកសត្វសែនជ័យ លោក វាន់ ចាន់ និងមន្ត្រីប៉ុស្តិ៍នគរបាលរដ្ឋបាលឃុំព្រែកអាជី កងកម្លាំងយាមគោលដៅទី៣ និងទី៤។

ឯកឧត្តមអនុរដ្ឋលេខាធិការបានគូសបញ្ជាក់ថា ការចុះល្បាតនេះ ក្រុមការងារពិនិត្យឃើញថា មានព្រៃលិចទឹក និងមានវាលស្រែ កំពុងអាស្រ័យផល មិនមានការកាប់ឆ្ការ ឈូសឆាយ និងទន្រ្ទានយកដីព្រៃលិចទឹក និងធ្វើស្រែកន្លែងថ្មីទៀតឡើយ៕