ព័ត៌មានផ្សេងៗទៀត
កិច្ចប្រជុំក្រុមការងារស្រូវអង្ករនៃវេទិការរាជរដ្ឋាភិបាល-ផ្នែកឯកជន
ចេញផ្សាយ ២២ មករា ២០១៨ 3708
កាលពីថ្ងៃទី៤ ខែកក្កដា ឆ្នាំ២០១២ នៅទីស្តីការក្រសួងកសិកម្ម រុក្ខាប្រមាញ់ និងនេសាទ មានរៀបចំកិច្ចប្រជុំរបស់ក្រុមការងារផ្នែកស្រូវអង្ករ នៃវេទិការរាជរដ្ឋាភិបាល-ផ្នែកឯកជន ក្រោមអធិបតីភាពឯកឧត្តមរដ្ឋមន្ត្រី ច័ន្ទ សារុន ជាសហប្រធានក្រុមការងារ។
កិច្ចប្រជុំបានផ្តោតជាសំខាន់់ លើការពិភាក្សាពីស្ថានភាព នៃការនាំចេញអង្កររបស់វិស័យឯកជន បញ្ហាប្រឈមនានា ក្នុងការនាំចេញនិងសំណើរវិធានការដោះស្រាយ។ ជាលទ្ធផលអង្គប្រជុំបានឯកភាព:
១. ស្នើអគ្គនាយកដ្ឋានកសិកម្ម និងCARDIជំរុញការងារផលិត និងចែកចាយពូជសុទ្ធល្អ ដែលមានគុណភាពខ្ពស់ឆ្លើយតបតម្រូវការទីផ្សារ អោយបានខ្លាំងខ្លាថែមទៀត សំដៅធានាគុណអង្ករសម្រាប់នាំចេញ។
២. ក្រុមហ៊ុននាំចេញអង្ករ ត្រូវជៀសវាងនូវការដាក់ផ្លាកបន្លំឈ្មោះអង្ករ របស់ប្រទេសគេ ដើម្បីកុំឱ្យមានបញ្ហាផ្នែកកម្មសិទ្ធិបញ្ញាទៅថៃ្ងក្រោយ។
៣. ស្នើធនាគារបង្កើនទុនកម្ចីបន្លែបន្ថែមទៀត ដល់សមាគមម៉ាស៊ីនកិនស្រូវ ដើម្បីគាំទ្រដល់គម្រោងវិនិយោគពង្រីកសមត្ថភាពកែច្នៃការប្រមូលទិញ និងការនាំចេញអង្ករទៅទីផ្សាអន្តរជាតិ នៅលើមូលដ្ឋាននៃអចលនវត្ថុដាក់បញ្ចាំដែលមានស្រាប់។
៤. ក្រុមប្រឹក្សាអភិវឌ្ឍន៍កម្ពុជា (CDC) ត្រូវកោះប្រជុំបន្ទាន់ ដើម្បីពិនិត្យពិភាក្សា លើដំណើរការប្រតិបតិ្តរបស់ “one stop shop” សម្រាប់ការនាំចេញអង្ករ ធ្វើយ៉ាងណាឱ្យរយ:ពេលកាន់តែខ្លី និងរហ័សជាងមុន និងមានប្រសិទ្ធភាពភាពខ្ពស់។
៥. ស្នើឱ្យផ្នែកឯកជន ជំរុញកិច្ចសហការផ្ទៃក្នុង រួមកម្លាំងគ្នាអោយបានខ្លាំងក្លាបន្ថែមទៀត ក្នុងការប្រមូលទិញស្រូវពីក្នុងប្រទេស និងអាចជាកម្លាំងធំ ដើម្បីចុះកិច្ចសន្យាផ្គត់ផ្គងអង្ករ ទៅទីផ្សារអន្តរជាតិក្នុងកម្រិតទ្រង់ទ្រាយធំ។
