ព័ត៌មានផ្សេងៗទៀត
ឯកឧត្តមរដ្ឋលេខាធិការ ប្រាក់ ដាវីដ អញ្ជើញជួបជាមួយលោកស្រី Yasmin Siddiqi ក្នុងជំនួបសម្តែងការគួរសម និងពិភាក្សាការងារ
ចេញផ្សាយ ១៣ មករា ២០២៦ 2590
នាព្រឹកថ្ងៃទី១៣ ខែមករា ឆ្នាំ២០២៦ ឯកឧត្តម ប្រាក់ ដាវីដ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជួបជាមួយលោកស្រី Yasmin Siddiqi នាយិកាថ្មីនៃធនាគារអភិវឌ្ឍន៍អាសុីប្រចាំព្រះរាជាណាចក្រកម្ពុជា (ADB) ក្នុងជំនួបសម្តែងការគួរសម និងពិភាក្សាការងារ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។
នាឱកាសនៃជំនួប ឯកឧត្តមរដ្ឋលេខាធិការ បានសម្តែងក្តីសោមនស្សរីករាយក្នុងការពង្រឹងកិច្ចសហប្រតិបត្តិការ និងការផ្សារភ្ជាប់ទំនាក់ទំនងបេសកកម្មថ្មីៗបន្ថែមទៀតជាមួយនឹងធនាគារ (ADB) ជាពិសេសការពិភាក្សាលម្អិតអំពីកម្មវិធីគម្រោងដែលមានស្រាប់ និងគម្រោងថ្មីៗកំពុងស្ថិតក្នុងការពិភាក្សាផងដែរ។
ជាមួយគ្នានេះ ឯកឧត្តមរដ្ឋលេខាធិការ លើកទឹកចិត្តដល់ ធនាគារ (ADB) ពិចារណាក្នុងការជួយគាំទ្រដល់សហគមន៍កសិកម្ម ក៏ដូចជាសហគមន៍កសិកម្មទំនេីប ឱ្យមានភាពរឹងមាំ មានផែនការផលិតកម្មផ្សារភ្ជាប់ទីផ្សារទុកជាមុន បង្កេីនសមត្ថភាពកែច្នៃដេីម្បីទទួលបានតម្លៃបន្ថែមខ្ពស់ តភ្ជាប់ខ្សែច្រវាក់តម្លៃ និងនាំចេញទៅទីផ្សារបានពិតប្រាកដ ដែលជាគម្រូនៃការវិនិយោគជាមួយនឹងកសិផលសក្តានុពលកម្ពុជាជាច្រើនប្រភេទ។
កិច្ចប្រជុំបញ្ចប់ទៅដោយលទ្ធផលផ្លែផ្កា ដោយក្រសួងកសិកម្ម និងលោកស្រីនាយិកាថ្មីនៃធនាគារ (ADB) ប្តេជ្ញាចិត្តក្នុងអនុវត្តកម្មវិធីគម្រោងរួមគ្នា ជំរុញការអភិវឌ្ឍន៍វិស័យកសិកម្ម ផ្តល់ផលប្រយោជន៍និងលេីកកម្ពស់ជីវភាពប្រជាពលរដ្ឋ ជាពិសេសសម្រេចនូវលទ្ធផលថ្មីៗបន្ថែមទៀត ប្រកបដោយប្រសិទ្ធភាព និងប្រសិទ្ធផលខ្ពស់៕
