ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ តំណាងដ៏ខ្ពង់ខ្ពស់សម្តេចតេជោ បាននាំយកឧបករណ៍ដាំគ្រាប់ស្រូវចំនួន ១៣០គ្រឿង ដែលជាអំណោយដ៏ថ្លៃថ្លារបស់សម្តេចតេជោ មកចែកជូនប្រជាកសិករនៅស្រុកព្រៃកប្បាស

ចេញ​ផ្សាយ​ ១៥ កញ្ញា ២០២០ 4235

កាលពីថ្ងៃទី២១ ខែកក្កដា កន្លងមក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី បានអញ្ចើញមកចូលរួមភ្ជួររាស់ សាបព្រោះ និងប្រមូលផលស្រូវវស្សាដើមរដូវ និងអញ្ជើញជាអធិបតីដ៏ខ្ពង់ខ្ពស់ក្នុងពិធីសំណេះសំណាលជាមួយសមាជិកសហគមន៍កសិករប្រើប្រាស់ទឹកប្រឡាយមេតាស៊ូង ក្នុងភូមិពន្ទង ឃុំបានកាម ស្រុកព្រៃកប្បាស ខេត្តតាកែវ។ ក្នុងឱកាសនោះ សម្តេចបានសន្យាជាមួយប្រជាកសិករថាជួយឧបត្ថម្ភជាឧបករណ៍ដាំគ្រាប់ស្រូវដើម្បីជួយពន្លឿន ការងារបង្កបង្កើនផល កាត់បន្ថយកំលាំងពលកម្ម ចំណេញពេលវេលា និងជាពិសេសចូលរួមអភិវឌ្ឍន៍វិស័យផលិតកម្មស្រូវតាមរយ:ការប្រើគ្រឿងចក្រទំនើបទាន់សម័យ មានលក្ខណ:ងាយស្រួលសម្រាប់កសិករ។

ដូចដែលបានសន្យា នាព្រឹកថ្ងៃអាទិត្យ ១១រោច ខែភទ្របទ ឆ្នាំជូត ទោស័ក ព.ស. ២៥៦៤ ត្រូវ នឹងថ្ងៃទី១៣ ខែកញ្ញា ឆ្នាំ២០២០ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ តំណាងដ៏ខ្ពង់ខ្ពស់សម្តេចតេជោ បាននាំយកឧបករណ៍ដាំគ្រាប់ស្រូវចំនួន ១៣០គ្រឿង ដែលជាអំណោយដ៏ថ្លៃថ្លារបស់សម្តេចតេជោ មកចែកជូនប្រជាកសិករចំនួន ១៣០នាក់ ដែលពិធីនេះបានរៀបចំនៅក្នុងសាលាស្រុកព្រៃកប្បាស។ ក្នុងពិធីនេះក៏មានការអញ្ជើញចូលរួមផងដែរពី សំណាក់ឯកឧត្តម ថាន់ សុខា អភិបាលរងខេត្ត ឯកឧត្តមរដ្ឋ និងអនុរដ្ឋលេខាធិការ ឯកឧត្តមប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម នាយកគម្រោងស្តីពី "កម្មវិធីខ្សែសង្វាក់តម្លៃកសិកម្មកម្ពុជា ហៅថា CAVAC" មន្រ្តីជំនាញ និងអាជ្ញាធរមូលដ្ឋានយ៉ាងច្រើនកុះករ។ ជាសង្ខេប លោកប្រធានមន្ទីរកសិកម្ម រុក្ខាប្រមាញ់ និងនេសាទ បានរាយការណ៍ជូនជ្រាបអំពីល្បឿនបង្កបង្កើនផល និងបញ្ហាប្រឈមសំខាន់ៗមួយចំនួនដែលប្រជាកសិករនៅទូទាំងខេត្តតាកែវកំពុងជួបប្រទះ។ បន្ទាប់មក ឆ្លៀតយកឱកាសនេះ ឯកឧត្តមរដ្ឋមន្រ្តីបានធ្វើការសំណេះសំណាលដោយបានពាំនាំនូវការផ្តាំផ្ញើសាកសួរសុខទុក្ខពីសម្តេចតេជោ ហ៊ុន សែន នាយករដ្ឋមន្រ្តី សម្តេចកិត្តិព្រឹត្តបណ្ឌិត មកជូន ព្រមទាំងជូនពរឲ្យបង ប្អូនប្រជាពលរដ្ឋគ្រប់ៗក្រុមគ្រួសារឲ្យជួបតែពុទ្ធពរទាំង ៤ប្រការ។ ទាក់ទងនឹងកម្មវិធីនាព្រឹកនេះ ឯកឧត្តមរដ្ឋមន្រ្តីជម្រាបជូនអង្គពិធីថា ឧបករណ៍នេះគឺជាធាតុចូលមួយផ្នែកយ៉ាងសំខាន់សម្រាប់ជួយជំរុញល្បឿនបង្កបង្កើន ផលស្រូវឲ្យបានទាន់ពេលវេលា ស្របទៅនឹងអនុសាសន៍ដ៏ខ្ពង់ខ្ពស់របស់សម្តេចតេជោ ដែលបានជំរុញឲ្យប្រជាកសិករ ពិសេសក្រសួងឲ្យខិតខំយកចិត្តទុកដាក់ក្នុងការផលិតស្បៀងដើម្បីធានាឲ្យបាននូវសន្តិសុខស្បៀងក្នុងគ្រួសារ ឈានជាជំហានៗទៅបង្កើនបរិមាណផ្គត់ផ្គង់ឲ្យសេចក្តីត្រូវការទីផ្សារ ក្នុងខណ:ដែលវិស័យមួយចំនួនបាននិងកំពុងមានវិបត្តិដោយសារជំងឺឆ្លងកូវីដ- ១៩។ ជាងនេះទៅទៀត អំណោយដ៏ថ្លៃថ្លានេះ វានឹងចូលរួមអភិវឌ្ឍន៍វិស័យផលិតកម្មស្រូវ តាមរយ:ការប្រើប្រាស់គ្រឿងចក្រសមស្រប តម្លៃសមរម្យ ងាយស្រួលប្រើ កាត់បន្ថយកំលាំងពលកម្ម និងចំណេញពេល មិនតែប៉ុណ្ណោះគឺចូលរួមប្រកួតប្រជែងតាមរយ:ការកាត់បន្ថយថ្លៃដើមផលិត។

មានមតិណែនាំបន្ថែម ឯកឧត្តមរដ្ឋមន្ត្រីបានណែនាំឲ្យអ្នកទទួលជំនួយទាំង ១៣០នាក់ថា បើយកទៅប្រើប្រាស់ឲ្យបានសមស្រប ហើយត្រូវចាត់ទុកថានេះជាកម្មសិទ្ធិរបស់កសិករម្នាក់ៗ ហើយត្រូវចូលរួមថែរក្សាឲ្យបានគង់វង្សល្អ។ ទន្ទឹមនឹងកសិករដែលទទួលបានឧបករណ៍ដាំស្រូវនាថ្ងៃនេះ ប្រសិនជាមានលទ្ធភាព គួរជួយចែករំលែកឲ្យអ្នកភូមិផងរបងជាមួយប្រើប្រាស់ផងដើម្បីបង្កើតភាពសុខដុមរមនាក្នុងសង្គម និងជាពិសេសជួយជំរុញល្បឿនបង្កបង្កើនផលព្រមគ្នា។ ចំពោះក្រុមហ៊ុន កសិកម្មឈ្លាសវៃ (Agri-Smart) ដែលបានចុះកុងត្រាការផលិតឧបករណ៍នេះ ឯកឧត្តមរដ្ឋមន្ត្រីបានណែនាំឲ្យក្រុមហ៊ុនត្រូវធ្វើការសិក្សាស្រាវជ្រាវបន្ថែមទៅលើគុណភាព ប្រសិទ្ធភាព និងសុវត្ថិភាពក្នុងពេលប្រើប្រាស់ និយាយរួមគឺត្រូវធ្វើទំនើបកម្មឧបករណ៍នេះជាជំហានៗឲ្យបានសមស្របតាមការវិវឌ្ឍន៍រីកចម្រើននៃវិស័យគ្រឿងយន្តកសិកម្ម ប្រកបដោយការប្រកួតប្រជែង បរិយាប័ន្ន ធន់និងការប្រែប្រួលអាកាសធាតុ និងនវានុវត្តន៍។ គួរបង្កើតក្រុមជំនាញបច្ចេកទេសចុះតាមដាន និងទទួលយកនូវ រាល់បញ្ហារបស់កសិករដែលប្រើឧបករណ៍ រួចយកមកដោះស្រាយជូនពួកគាត់ឲ្យបានទាន់ពេលវេលា។ ជាថ្មីម្តងទៀត ឯកឧត្តមរដ្ឋមន្ត្រីបានថ្លែងអំណរគុណយ៉ាងជ្រាលជ្រៅបំផុតចំពោះសម្តេចតេជោ ដែលតែងតែយកចិត្តទុកដាក់ខ្ពស់ដល់វិស័យកសិកម្ម ជាពិសេស លោកតែងតែបានជួយដោះស្រាយជូនរបស់ប្រជាជនជនទាន់ពេលវេលា និងគ្រប់កាលទេសៈ ហើយក្នុងឱកាសដ៏វិសេសវិសាលនេះ ឯកឧត្តមបានបួងសួងដ៏គុណបុណ្យព្រះបារមីថែរក្សាព្រះរាជាណាចក្រកម្ពុជា សូមតាមជួយជ្រោមជ្រែងសម្តេចឲ្យទទួលបានសុខភាពបរិបូណ៍ ឈ្នះមាសត្រូវគ្រប់ទិសទី និងបន្តដឹកនាំប្រទេសទទួលជោគជ័យថ្មីៗថែមទៀត។

សូមជម្រាប់ជូនថា ឧបករណ៍នេះគឺជាការគិតគូច្នៃប្រឌិតផលិតឡើងដោយសមាគមកសិកម្មឈ្លាសវៃ និងសហការផលិតដោយកម្ពុជា។ លក្ខណ:សម្បត្តិរបស់វាគឺជាឧបករណ៍ផលិតក្នុងស្រុក ងាយស្រួលប្រើ ប្រើបានគ្រប់ស្ថានភាពដីស្រែ សាម័ញ្ញ ប្រើគ្រាប់ពូជតិច និងតម្លៃ ១១៤០ដុល្លារ។

ព័ត៌មានផ្សេងៗទៀត
ចេញ​ផ្សាយ​ ២២ វិច្ឆិកា ២០២៦ 337

ថ្នាក់ដឹកនាំក្រសួងកសិកម្ម​ ទទួលជួបជាមួយលោក Niu Jian ប្រធានក្រុមហ៊ុន(HLID) ក្នុងជំនួបពិភាក្សាការងារ នៅសាធារណរដ្ឋប្រជាមានិតចិន

នាថ្ងៃទី២១​ ខែវិច្ឆិកា​ ឆ្នាំ២០២៦​ ឯកឧត្តមអនុរដ្ឋលេខាធិការ គី ច័ន្ទរំដួល អ​មដោយ លោក ងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ អញ្ជើញដឹកនាំគណៈប្រតិភូក្រសួងកសិកម្ម...
ចេញ​ផ្សាយ​ ២១ វិច្ឆិកា ២០២៦ 761

«សន្និសីទអភិរក្សថនិកសត្វទឹកសាបនៅអាស៊ី ឆ្នាំ២០២៦» បិទបញ្ចប់ដោយឯកភាពជាគោលការណ៍លើការបង្កើតបណ្តាញអភិរក្សថនិកសត្វទឹកសាបនិងសមុទ្រថ្នាក់តំបន់

សន្និសីទអភិរក្សថនិកសត្វទឹកសាប នៅអាស៊ី ឆ្នាំ២០២៦ ដែលបានរៀបចំឡើងចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០២៦ នៅខេត្តសៀមរាប បានបញ្ចប់ដោយជោគជ័យ ជាមួយនឹងលទ្ធផលដ៏សំខាន់...
ចេញ​ផ្សាយ​ ២១ វិច្ឆិកា ២០២៦ 888

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់ និងទទួលផ្ទះសំណាញ់ចំនួន៨៩ខ្នង ជូនសហគមន៍កសិកម្មចំនួន១៣ ក្នុងខេត្តសៀមរាប

នៅរសៀលថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការ និងជាសហប្រធានគណៈកម្មការតម្រង់ទិសគម្រោង «គុជ» តំណាងដ៏ខ្ពង់ខ្ពស់ឯកឧត្តម ឌិត ទីណា...
ចេញ​ផ្សាយ​ ២១ វិច្ឆិកា ២០២៦ 935

ឯកឧត្តមរដ្ឋលេខាធិការ ហាស់ សារ៉េត អញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពី ជលផល និងនីតិវិធីពាក់ព័ន្ធ ដល់មន្ត្រីសមត្ថកិច្ចជលផល

នៅថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពីជលផល...
ចេញ​ផ្សាយ​ ២១ វិច្ឆិកា ២០២៦ 902

ថ្នាក់ដឹកនាំក្រសួងកសិកម្ម​ អញ្ជើញបំពេញទស្សនកិច្ចសិក្សា​ និងលើកទឹកចិត្តដល់វិនិយោគគិនចិនលើវិស័យកសិកម្ម​ នៅសាធារណរដ្ឋប្រជាមានិតចិន

នាថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមអនុរដ្ឋលេខាធិការ គី ច័ន្ទរំដួល អញ្ជើញដឹកនាំគណៈប្រតិភូក្រសួងកសិកម្ម រុក្ខាប្រមាញ់ និងនេសាទ បំពេញទស្សនកិច្ចសិក្សា ផ្សព្វផ្សាយ...
ចេញ​ផ្សាយ​ ២១ វិច្ឆិកា ២០២៦ 965

«រួមគ្នាជាសហគមន៍ ដើម្បីរីកចម្រើនទាំងអស់គ្នា!»

«រួមគ្នាជាសហគមន៍ ដើម្បីរីកចម្រើនទាំងអស់គ្នា!» ក្រសួងកសិកម្ម រុក្ខាប្រមាញ់ និងនេសាទ ដោយសហការជាមួយអង្គការ FAO ជាដៃគូអនុវត្តគម្រោង «គជ់» (PEARL) បាននាំយកផ្ទះសំណាញ់...
ចេញ​ផ្សាយ​ ២១ វិច្ឆិកា ២០២៦ 955

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់សម្ភារៈប្រើប្រាស់កសិកម្មជូនសហគមន៍ចំនួន៨ ក្នុងខេត្តឧត្តរមានជ័យ

នៅព្រឹកថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម​ និងជាសហប្រធានគណៈកម្មការតម្រង់ទិសគម្រោង «គជ់» ជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី...
ចេញ​ផ្សាយ​ ២១ វិច្ឆិកា ២០២៦ 982

ថ្នាក់ដឹកនាំក្រសួងកសិកម្ម អញ្ជើញចែកគ្រាប់ពូជបន្លែជូនអ្នកភូមិរង់ចាំ ជាង ៣០០គ្រួសារ ដើម្បីលើកកម្ពស់ជីវភាពប្រជាពលរដ្ឋ

នៅព្រឹកថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តមបណ្ឌិត ​យ៉ង សាំងកុមារ បានដឹកនាំសកម្មភាពចែកគ្រាប់ពូជបន្លែជូនអ្នកភូមិរង់ចាំ នៃខេត្តបន្ទាយមានជ័យ ជាង ៣០០ គ្រួសារ ដោយមានការចូលរួមពីតំណាងមន្ទីរកសិកម្ម...
ចេញ​ផ្សាយ​ ២១ វិច្ឆិកា ២០២៦ 971

លោកជំទាវអនុរដ្ឋលេខាធិការ អ៊ឹម រចនា រួមដំណើរគណៈប្រតិភូស្ថាប័នជលផលចិន និង IHB ទស្សនកិច្ចកន្លែងអភិរក្សជលផលកំពង់ភ្លុក នៃខេត្តសៀមរាប

នាថ្ងៃទី១៩ ខែវិច្ឆិកា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញរួមដំណើរជាមួយគណៈប្រតិភូស្ថាប័នជលផលចិន និងវិទ្យាស្ថានជីវសាស្ត្រជលផល...
ចេញ​ផ្សាយ​ ២០ វិច្ឆិកា ២០២៦ 1378

ថ្នាក់ដឹកនាំក្រសួងកសិកម្មអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​” ជាមួយគម្រោង COSTEA

នៅថ្ងៃទី១៧-១៩ ខែវិច្ឆិកា ឆ្នាំ២០២៦ ឯកឧត្ដម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​”...
ចេញ​ផ្សាយ​ ១៩ វិច្ឆិកា ២០២៦ 1486

ឯកឧត្តមរដ្ឋមន្ត្រី ឌិត ទីណា បន្តអញ្ជើញជួបសំណេះសំណាល និងប្រគល់ត្រាក់ទ័រ គោយន្ត ព្រមទាំងម៉ាស៊ីនច្រូតកាត់ ជូនដល់សហគមន៍កសិកម្មនៅខេត្តព្រះវិហារ

នាថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបន្តដំណើរអញ្ជើញចុះជួបសំណេះសំណាល និងប្រគល់គ្រឿងយន្តកសិកម្ម...
ចេញ​ផ្សាយ​ ១៩ វិច្ឆិកា ២០២៦ 1510

លោកជំទាវ អ៊ឹម រចនា ពិភាក្សាជាមួយតំណាងស្ថាប័នជលផលចិន និង វិទ្យាស្ថានជីវសាស្ត្រទឹកនៃបណ្ឌិត្យសភាវិទ្យាសាស្ត្រចិន អំពីការពង្រឹងកិច្ចសហប្រតិបត្តិការអភិរក្សសត្វផ្សោតទន្លេមេគង្គ និងប្រព័ន្ធអេកូឡូស៊ីជលផល

ក្នុងឱកាសនៃ«កិច្ចប្រជុំថ្នាក់តំបន់ស្តីពីការអភិរក្សថនិកសត្វទឹកសាបនៅតំបន់អាស៊ី» លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាការងារជាមួយតំណាងវិទ្យាស្ថានជីវសាស្ត្រទឹក...