ឯកឧត្តមអនុរដ្ឋលេខាធិការ ទឹម បូរក្ស អញ្ជើញដឹកនាំកម្លាំងជំនាញ ចុះបង្ក្រាប​បទល្មើសជលផល និងពង្រឹងការអនុវត្តច្បាប់ និងការគ្រប់គ្រង និងអភិរក្សធនធានជលផល នៅសង្កាត់ជើងទឹក ក្រុងព្រៃវែង ខេត្តព្រៃវែង

ចេញ​ផ្សាយ​ ២០ វិច្ឆិកា ២០២៥ 2567

នៅថ្ងៃទី២០ ខែវិច្ឆិកា ឆ្នាំ២០២៥ ឯកឧត្តម ទឹម បូរក្ស អនុរដ្ឋលេខា​ធិការក្រសួងកសិកម្ម រុក្ខាប្រមាញ់ និងនេសាទ តាមការណែនាំ​ពីឯកឧត្តម​រដ្ឋលេខាធិការ ហាស់ សារ៉េត បានអញ្ជើញដឹកនាំកម្លាំងនាយរង​ខណ្ឌ​ជលផល លោក ងិន សុខ និងមន្ត្រីក្រោមឱវាទខណ្ឌរដ្ឋបាលជលផលព្រៃវែង បានចុះស្រាវជ្រាវ ត្រួតពិនិត្យទប់ស្កាត់ និងបង្រ្កាបបទល្មើសជលផល (ពង្រឹងការអនុវត្តច្បាប់ និងការគ្រប់គ្រង និងអភិរក្សធនធានជលផល) នៅចំណុចទួលកំពង់គ្រោះ ស្ថិតនៅភូមិស្វាយសុខោ សង្កាត់ជើងទឹក ក្រុងព្រៃវែង ។
ជាលទ្ធផលនៃប្រតិបត្តិការបង្រ្កាបនោះ បាន១ករណី ពីបទនេសាទ​ដោយ​ឧបករណ៍ស្បៃមុង ។ ឧបករណ៍ស្បៃមុងខុសច្បាប់ ត្រូវបានរុះរើ​បំផ្លាញ​ចោលនៅនឹងកន្លែងនេសាទរួមមាន ៖ លូស្បៃមុងចំនួន២៧មាត់ របាំង​ស្បៃមុងប្រវែង១៥៣០ម៉ែត្រ បង្គោលចម្រឹងឬស្សីចំនួន៤៥០ដើម និង​បាន​ចាក់លែងត្រីចម្រុះទម្ងន់២០គីឡូក្រាមចូលទៅក្នុងដែនទឹកធម្មជាតិវិញ។
ទន្ទឹមនឹងនោះដែរ ក្រុមការងារពាក់ព័ន្ធទាំងអស់ នឹងបន្តត្រួតពិនិត្យ និង​បង្ក្រាបបទល្មើសដែល​ប្រើប្រាស់ដោយឧបករណ៍ខុសច្បាប់​ក្នុងភូមិ​សាស្ត្រទន្លេ បឹង ព្រែកក្នុងខេត្តព្រៃវែង រួមទាំងបន្តផ្សព្វផ្សាយដល់ប្រជា​នេសាទ​ឱ្យបញ្ឈប់ការនេសាទដោយប្រើឧបករណ៍ល្មើសច្បាប់ជាដើម៕