ឯកឧត្តមអនុរដ្ឋលេខាធិការ ស្រី វុឌ្ឍី អញ្ជើញដឹកនាំកិច្ចប្រជុំពិនិត្យវឌ្ឍនភាព នៃការរៀបចំរបាយការណ៍ស្ដីពី ការអនុវត្តអនុសាសន៍របស់គណៈកម្មាធិការអចិន្ត្រៃយ៍នៃអនុសញ្ញាសាយតេស

ចេញ​ផ្សាយ​ ៤ មេសា ២០២៦ 3393

នៅថ្ងៃទី៣ ខែមេសា ឆ្នាំ២០២៦ ឯកឧត្តមស្រី វុឌ្ឍី អនុរដ្ឋលេខាធិការ​ក្រសួងកសិកម្ម រុក្ខាប្រមាញ់ និងនេសាទ និងជាប្រធានសមត្ថកិច្ចគ្រប់គ្រងសាយតេសកម្ពុជា បានដឹកនាំកិច្ចប្រជុំដើម្បីពិនិត្យអំពី
វឌ្ឍនភាពនៃការរៀបចំរបាយការណ៍ស្ដីពីការអនុវត្តអនុសាសន៍របស់គណៈកម្មាធិការអចិន្ត្រៃយ៍នៃអនុសញ្ញាសាយតេស ដោយមានការចូលរួមពីថ្នាក់ដឹកនាំ និងមន្ត្រីជំនាញនៃអគ្គនាយកដ្ឋានព្រៃឈើនិងសត្វព្រៃ និងនាយកដ្ឋានគ្រប់គ្រងសាយតេសកម្ពុជា។
ជាលទ្ធផល អង្គប្រជុំបានពិនិត្យយ៉ាងល្អិតល្អន់លើអនុសាសន៍របស់គណៈកម្មាធិការចិន្ត្រៃយ៍នៃអនុសញ្ញាសាយតេស និងបានរៀបចំជាសេចក្តីព្រាងឆ្លើយតបទៅនឹងអនុសាសន៍ទាំងនោះ។ ឯកឧត្តមអនុរដ្ឋលេខាធិការ បានណែនាំដល់អង្គភាពជំនាញឱ្យបន្តខិតខំបំពេញតួនាទី ភារកិច្ចឱ្យបានកាន់តែល្អប្រសើរថែមទៀត លើការគ្រប់គ្រងកសិដ្ឋានចិញ្ចឹម និងបង្កាត់ពូជសត្វ និងពង្រឹងការគ្រប់គ្រងការធ្វើពាណិជ្ជកម្មលើប្រភេទសត្វ និងរុក្ខជាតិដែលមានចែងក្នុងអនុសញ្ញាសាយតេស៕