ឯកឧត្តមរដ្ឋមន្ត្រី វេង សាខុន និងសហការីបានបន្តដំណើរមកពិនិត្យ និងស្វែងយល់អំពីដំណើរការកែច្នៃផ្លែឈើមានដូចជាផ្លែស្វាយ ម្នាស់ តាង៉ែន និងល្ហុងរបស់ក្រុមហ៊ុនា (Misota Co. Fruit Processing Factory)

ចេញ​ផ្សាយ​ ២០ មីនា ២០១៩ 4876

កម្មវិធីទី២:
ឯកឧត្តមរដ្ឋមន្ត្រី និងសហការីបានបន្តដំណើរមកពិនិត្យ និងស្វែងយល់អំពីដំណើរការកែច្នៃផ្លែឈើមានដូចជាផ្លែស្វាយ ម្នាស់ តាង៉ែន និងល្ហុងរបស់ក្រុមហ៊ុនា (Misota Co. Fruit Processing Factory)។ ក្នុងឱកាសបានជួបសំណេះសំណាលជាមួយម្ចាស់ក្រុមហ៊ុន កម្មករ តំណាងកសិករអ្នកផ្គត់ផ្គង់ និងសហការីអង្គការ USAID ឯកឧត្តមរដ្ឋមន្ត្រីបានសម្តែងនូវទឹកចិត្តសប្បាយរីករាយ វាយតម្លៃខ្ពស់ និងអបអរសាទរចំពោះក្រុមហ៊ុនក្នុងស្រុកដែលបានជឿជាក់ ទុកចិត្តលើស្ថិរភាពនយោបាយ និងសេដ្ឋកិច្ច ដាក់ទុនវិនិយោគធ្វើការកែច្នៃផលិតផលផ្លែឈើខ្មែរដែលមានសក្តានុពលផ្នែកសេដ្ឋកិច្ចយ៉ាងធំធេងសម្រាប់ទីផ្សារក្នុងស្រុក និងអន្តរជាតិទាំងក្នុងពេលបច្ចប្បន្ន និងពេលអនាគត ដោយបានការគាំទ្រទាំងផ្នែកបច្ចេកទេស និងហិរញ្ញវត្ថុពីអង្គការ USAID។ លោកបញ្ជាក់បន្ថែមថាសកម្មភាពនេះគឺសមស្របតាមគោលនយោបាយនិងយុទ្ធសាស្ត្រអភិវឌ្ឍន៍វិស័យកសិកម្មឆ្នាំ ២០១៩- ២០៣០ និងជាពិសេសអាចឈានទៅសម្រេចបាននូវចក្ខុវិស័យរបស់រាជរដ្ឋាភិបាលនាឆ្នាំ២០៣០ ដោយសារកំណើនចំណូលក្នុងគ្រួសារ ជាក់ស្តែងក្នុង ១ហត ដាំស្វាយបាន ៣០០ដើម ក្នុង ១ដើមអាចទទួលផលបានជា មធ្យម ២០០kg ក្នុង ១kg ក្រុមហ៊ុនទទួលទិញក្នុងតម្លៃ ១៣៥០-១៤០០រៀល ដូច្នេះ ក្នុង ១ហតទទួលបាន ចំណូល ៨៤លានរៀល/ឆ្នាំ (រួមទាំងថ្លៃដើម)។ មានរោងចក្រកែច្នៃ មានការទទួលទិញច្បាស់លាស់ ធានាតម្លៃនោះកសិផលមានទីផ្សារ មិនសល់ទុកចោល កសិផលមានទីផ្សារ អ្នកដាំមានកម្លាំងចិត្ត កក់ក្តៅក្នុងការផលិតសម្រាប់ផ្គត់ផ្គង់ បង្កើតការងារ និងរស់នៅជួបជុំគ្រួសារនិងមានសុភមង្គល។ ទាំងអស់នេះគឺអ្វីដែលរាជរដ្ឋាភិបាលកម្ពុជា ដែលមានសម្តេចតេជោជានាយករដ្ឋមន្រ្តីប្រាថ្នាចង់បាន ហើយពិតណាស់ទាំងក្រសួង ក៏ដូចរាជរដ្ឋាភិបាល បានខិតខំពុះពារគ្រប់ឧបសគ្គដើម្បីស្វែងរកនូវអ្វីដែលប្រជាជនចង់បានពិតប្រាកដនោះគឺសុខសន្តិភាព និងសេដ្ឋកិច្ចគ្រួសាររីកចម្រើន។
 
ទាក់ទងរឿងការងារបច្ចេកទេស ឯកឧត្តមរដ្ឋមន្ត្រីបានណែនាំឲ្យក្រុមហ៊ុនខិតខំសិក្សាស្រាវជ្រាវបន្ថែមលើការផលិតពូជ ដែលសមស្របតាមលក្ខណភូមិសាស្រ្ត សណ្ឋាន និងគុណភាពដី ពិសេសតម្រូវការទីផ្សារ សំខាន់ជាងនេះគឺដើម្បីកាត់បន្ថយការនាំចូលពីបរទេសដែលគ្មានប្រភពច្បាស់លាស់។ គួររៀបចំចងក្រងសហគមន៍ផលិតទៅតាមមុខដាំណាំចៀសវាងផលិតជាន់គ្នា ខ្វះការទទួលខុសត្រូវ ដូច្នេះត្រូវអនុវត្តតាមផលិតកម្មកសិកម្មតាមកិច្ចសន្យា រួចបញ្រ្ជាបចូលនូវផែនការ ឬកម្មវិធីដាំដុះឲ្យបានច្បាស់លាស់ដើម្បីធានាបរិមាណផ្គត់ផ្គង់តាមតម្រូវការជាក់ស្តែងរបស់រោងចក្រ ធានាតម្លៃ និងគុណភាពកសិផលតាមស្តង់ដារត្រឹមត្រូវ។ អគ្គនាយកដ្ឋានកសិកម្ម សហការជាមួយ មន្ទីរកសិកម្ម រុក្ខាប្រមាញ់ និងនេសាទខេត្តគោលដៅ ត្រូវជួយបណ្តុះបណ្តាលបច្ចេកទេសដាំដុះ ការជ្រើសរើស និងថែរក្សាទុកដាក់គ្រាប់ពូជ ជំងឺ និងការធ្វើអនាម័យ និងភូតគាមអនាម័យជូនដល់សហគមន៍។
 
ជាថ្មីម្តងទៀត ឯកឧត្តមរដ្ឋមន្ត្រី បានសម្តែងនូវបីតិសោមនស្សរីករាយ ដោយបានឃើញសមិទ្ធផលជាផ្លែផ្កានាថ្ងៃនេះ ហើយនេះគឺជាសក្ខីភាពបញ្ជាក់យ៉ាងច្បាស់ពីការខិតខំប្រឹងប្រែង យកអស់កម្លាំងកាយចិត្តគំនិតស្មារតីទទួលខុសត្រូវអនុវត្តផែនការ និងគោលនយោបាលអភិវឌ្ឍវិស័យកសិកម្ម ដែលក្រុមហ៊ុនក្នុងស្រុកបាននិងកំពុង អនុវត្តផ្ទាល់ ដោយទទួលបានកិច្ចសហការយ៉ាងពេញលេញពីគ្រប់ភាគីពាក់ព័ន្ធ ពិសេសដៃគូអភិវឌ្ឍន៍អង្គការ USAID និងក្រសួងកសិកម្ម រុក្ខាប្រមាញ់ និងនេសាទ។ ជាការពិត លទ្ធផលនេះគឺបានឆ្លើយតបទៅនឹងគោល នយោបាយរបស់ក្រសួងស្តីពីការជំរុញផលិតកម្មក្នុងស្រុក បង្កើនតម្លៃបន្ថែម បង្កើតការងារ បង្កើនប្រាក់ចំណូល កាត់បន្ថយភាពក្រីក្រ និងចំណាកស្រុក តាមរយ:ការអភិវឌ្ឍខ្សែច្រវាក់ផលិតកម្មកសិកម្មពី A ដល់ Z ។
 
សូមអនុញ្ញាតបញ្ជាក់ជូនថាតាមការរាយការណ៍របស់ប្រធានគម្រោងហាវែស ជំហាន២ បានឲ្យដឹងពីគោលចំបងនៃគម្រោងថាដើម្បីពន្លឿនកំណើនវិស័យសាកវប្បកម្មនៅក្នុងខេត្តពោធិ៍សាត់ បាត់ដំបង សៀមរាប និងកំពង់ធំ ដែលផ្តោតជាសំខាន់លើទី១. ការធ្វើឲ្យសមត្ថភាពតួអង្គទីផ្សារមានភាពល្អប្រសើរឡើងលើផ្នែកហិរញ្ញវត្ថុ អាជីវកម្ម និងបច្ចេកទេស។ ទី២. ធ្វើទំនាក់ទំនងទីផ្សារមានភាពល្អប្រសើរឡើង និងទី៣. កែលម្អអភិបាលកិច្ច និងសម្រួលធុរកិច្ច និងប្រែក្លាយពីកសិករ ទៅជាកសិពាណិជ្ជករក្នុងពេលអនាគត។

ព័ត៌មានផ្សេងៗទៀត
ចេញ​ផ្សាយ​ ២២ វិច្ឆិកា ២០២៦ 372

ថ្នាក់ដឹកនាំក្រសួងកសិកម្ម​ ទទួលជួបជាមួយលោក Niu Jian ប្រធានក្រុមហ៊ុន(HLID) ក្នុងជំនួបពិភាក្សាការងារ នៅសាធារណរដ្ឋប្រជាមានិតចិន

នាថ្ងៃទី២១​ ខែវិច្ឆិកា​ ឆ្នាំ២០២៦​ ឯកឧត្តមអនុរដ្ឋលេខាធិការ គី ច័ន្ទរំដួល អ​មដោយ លោក ងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ អញ្ជើញដឹកនាំគណៈប្រតិភូក្រសួងកសិកម្ម...
ចេញ​ផ្សាយ​ ២១ វិច្ឆិកា ២០២៦ 802

«សន្និសីទអភិរក្សថនិកសត្វទឹកសាបនៅអាស៊ី ឆ្នាំ២០២៦» បិទបញ្ចប់ដោយឯកភាពជាគោលការណ៍លើការបង្កើតបណ្តាញអភិរក្សថនិកសត្វទឹកសាបនិងសមុទ្រថ្នាក់តំបន់

សន្និសីទអភិរក្សថនិកសត្វទឹកសាប នៅអាស៊ី ឆ្នាំ២០២៦ ដែលបានរៀបចំឡើងចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០២៦ នៅខេត្តសៀមរាប បានបញ្ចប់ដោយជោគជ័យ ជាមួយនឹងលទ្ធផលដ៏សំខាន់...
ចេញ​ផ្សាយ​ ២១ វិច្ឆិកា ២០២៦ 921

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់ និងទទួលផ្ទះសំណាញ់ចំនួន៨៩ខ្នង ជូនសហគមន៍កសិកម្មចំនួន១៣ ក្នុងខេត្តសៀមរាប

នៅរសៀលថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការ និងជាសហប្រធានគណៈកម្មការតម្រង់ទិសគម្រោង «គុជ» តំណាងដ៏ខ្ពង់ខ្ពស់ឯកឧត្តម ឌិត ទីណា...
ចេញ​ផ្សាយ​ ២១ វិច្ឆិកា ២០២៦ 965

ឯកឧត្តមរដ្ឋលេខាធិការ ហាស់ សារ៉េត អញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពី ជលផល និងនីតិវិធីពាក់ព័ន្ធ ដល់មន្ត្រីសមត្ថកិច្ចជលផល

នៅថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពីជលផល...
ចេញ​ផ្សាយ​ ២១ វិច្ឆិកា ២០២៦ 936

ថ្នាក់ដឹកនាំក្រសួងកសិកម្ម​ អញ្ជើញបំពេញទស្សនកិច្ចសិក្សា​ និងលើកទឹកចិត្តដល់វិនិយោគគិនចិនលើវិស័យកសិកម្ម​ នៅសាធារណរដ្ឋប្រជាមានិតចិន

នាថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមអនុរដ្ឋលេខាធិការ គី ច័ន្ទរំដួល អញ្ជើញដឹកនាំគណៈប្រតិភូក្រសួងកសិកម្ម រុក្ខាប្រមាញ់ និងនេសាទ បំពេញទស្សនកិច្ចសិក្សា ផ្សព្វផ្សាយ...
ចេញ​ផ្សាយ​ ២១ វិច្ឆិកា ២០២៦ 997

«រួមគ្នាជាសហគមន៍ ដើម្បីរីកចម្រើនទាំងអស់គ្នា!»

«រួមគ្នាជាសហគមន៍ ដើម្បីរីកចម្រើនទាំងអស់គ្នា!» ក្រសួងកសិកម្ម រុក្ខាប្រមាញ់ និងនេសាទ ដោយសហការជាមួយអង្គការ FAO ជាដៃគូអនុវត្តគម្រោង «គជ់» (PEARL) បាននាំយកផ្ទះសំណាញ់...
ចេញ​ផ្សាយ​ ២១ វិច្ឆិកា ២០២៦ 984

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់សម្ភារៈប្រើប្រាស់កសិកម្មជូនសហគមន៍ចំនួន៨ ក្នុងខេត្តឧត្តរមានជ័យ

នៅព្រឹកថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម​ និងជាសហប្រធានគណៈកម្មការតម្រង់ទិសគម្រោង «គជ់» ជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី...
ចេញ​ផ្សាយ​ ២១ វិច្ឆិកា ២០២៦ 1015

ថ្នាក់ដឹកនាំក្រសួងកសិកម្ម អញ្ជើញចែកគ្រាប់ពូជបន្លែជូនអ្នកភូមិរង់ចាំ ជាង ៣០០គ្រួសារ ដើម្បីលើកកម្ពស់ជីវភាពប្រជាពលរដ្ឋ

នៅព្រឹកថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តមបណ្ឌិត ​យ៉ង សាំងកុមារ បានដឹកនាំសកម្មភាពចែកគ្រាប់ពូជបន្លែជូនអ្នកភូមិរង់ចាំ នៃខេត្តបន្ទាយមានជ័យ ជាង ៣០០ គ្រួសារ ដោយមានការចូលរួមពីតំណាងមន្ទីរកសិកម្ម...
ចេញ​ផ្សាយ​ ២១ វិច្ឆិកា ២០២៦ 1001

លោកជំទាវអនុរដ្ឋលេខាធិការ អ៊ឹម រចនា រួមដំណើរគណៈប្រតិភូស្ថាប័នជលផលចិន និង IHB ទស្សនកិច្ចកន្លែងអភិរក្សជលផលកំពង់ភ្លុក នៃខេត្តសៀមរាប

នាថ្ងៃទី១៩ ខែវិច្ឆិកា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញរួមដំណើរជាមួយគណៈប្រតិភូស្ថាប័នជលផលចិន និងវិទ្យាស្ថានជីវសាស្ត្រជលផល...
ចេញ​ផ្សាយ​ ២០ វិច្ឆិកា ២០២៦ 1400

ថ្នាក់ដឹកនាំក្រសួងកសិកម្មអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​” ជាមួយគម្រោង COSTEA

នៅថ្ងៃទី១៧-១៩ ខែវិច្ឆិកា ឆ្នាំ២០២៦ ឯកឧត្ដម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​”...
ចេញ​ផ្សាយ​ ១៩ វិច្ឆិកា ២០២៦ 1489

ឯកឧត្តមរដ្ឋមន្ត្រី ឌិត ទីណា បន្តអញ្ជើញជួបសំណេះសំណាល និងប្រគល់ត្រាក់ទ័រ គោយន្ត ព្រមទាំងម៉ាស៊ីនច្រូតកាត់ ជូនដល់សហគមន៍កសិកម្មនៅខេត្តព្រះវិហារ

នាថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបន្តដំណើរអញ្ជើញចុះជួបសំណេះសំណាល និងប្រគល់គ្រឿងយន្តកសិកម្ម...
ចេញ​ផ្សាយ​ ១៩ វិច្ឆិកា ២០២៦ 1537

លោកជំទាវ អ៊ឹម រចនា ពិភាក្សាជាមួយតំណាងស្ថាប័នជលផលចិន និង វិទ្យាស្ថានជីវសាស្ត្រទឹកនៃបណ្ឌិត្យសភាវិទ្យាសាស្ត្រចិន អំពីការពង្រឹងកិច្ចសហប្រតិបត្តិការអភិរក្សសត្វផ្សោតទន្លេមេគង្គ និងប្រព័ន្ធអេកូឡូស៊ីជលផល

ក្នុងឱកាសនៃ«កិច្ចប្រជុំថ្នាក់តំបន់ស្តីពីការអភិរក្សថនិកសត្វទឹកសាបនៅតំបន់អាស៊ី» លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាការងារជាមួយតំណាងវិទ្យាស្ថានជីវសាស្ត្រទឹក...