ក្រុមការងារមន្ទីរកសិកម្ម រុក្ខាប្រមាញ់ និងនេសាទ ខេត្តឧត្តរមានជ័យ បន្តប្រមូលផលត្រី និងស៊ុតផ្ដល់ជូនវីរកងទ័ពប្រចាំការនៅគោលដៅទិសខេត្តឧត្តរមានជ័យ

ចេញ​ផ្សាយ​ ៨ តុលា ២០២៥ 179

នៅថ្ងៃទី៨ ខែតុលា ឆ្នាំ២០២៥ ក្រុមការងារមន្ទីរកសិកម្ម រុក្ខាប្រមាញ់ និងនេសាទ ខេត្តឧត្តរមានជ័យ បានបន្តចុះប្រមូលផលត្រី និងស៊ុត ពីស្ថានីយ៍កសិកម្មកូនក្រៀល ដើម្បីផ្តល់ជូនដល់កងពលប្រចាំទិសខេត្តឧត្តរមានជ័យ សម្រាប់ជាស្បៀងបរិភោគ។ សម្រាប់ការប្រមូលផលលើកនេះ គឺមានស៊ុតទាចំនួន ៨១០គ្រាប់  និងត្រីអណ្តែង ចំនួន ៣៥គីឡូក្រាម។
សូមជម្រាបជូនថា នេះជាលើកទី១៩ ហើយ ដែលក្រុមការងារនៃក្រសួងកសិកម្ម រុក្ខាប្រមាញ់ និងនេសាទ ខេត្តឧត្តរមានជ័យ បានចុះប្រមូលផលបន្លែ-ត្រី-សាច់ ដែលជាអំណោយក្រោមស្មារតី «ខ្មែរតែមួយ» របស់ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ដើម្បីផ្តល់ជូនកងកម្លាំង ក៏ដូចជាវីរកងទ័ពប្រចាំការណ៍នៅតាមគោលដៅទិសខេត្តឧត្តរមានជ័យ សម្រាប់ជាស្បៀងបរិភោគ។ ទាំង១៩លើកនេះ គឺសរុបមាន ស្ពៃក្រញ៉ាញ់ចំនួន ៧ ០០០គីឡូក្រាម ត្រកួនចំនួន ៦ ៦០០គីឡូក្រាម សាច់គោចំនួន ៣ក្បាល ស៊ុតទាចំនួន ១២ ៥៥០គ្រាប់ ទំពាំងចំនួន ២០គីឡូក្រាម និងត្រីអណ្តែងចំនួន ៧៨៦គីឡូក្រាម៕