ឯកឧត្តមរដ្ឋមន្រ្តី វេង សាខុន អមដំណើរដោយសហការីបានអញ្ជើញមកដាំដំឡូងមីនៅកសិដ្ឋានផលិតពូជដំណាំតំបន់ដីខ្ពស់ចម្ការលើ និងជួបសំណេះសំណាលជាមួយមន្រ្តី បុគ្គលិក និងកម្មករ

ចេញ​ផ្សាយ​ ២ កក្កដា ២០១៩ 8310

ឯកឧត្តមរដ្ឋមន្រ្តី អមដំណើរដោយសហការីបានអញ្ជើញមកដាំដំឡូងមីនៅកសិដ្ឋានផលិតពូជដំណាំតំបន់ដីខ្ពស់ចម្ការលើ និងជួបសំណេះសំណាលជាមួយមន្រ្តី បុគ្គលិក និងកម្មករដែលបម្រើ ការក្នុងកសិដ្ឋាននេះ ដែលមានទីតាំងស្ថិតនៅភូមិចម្កាលើ ក្នុងឃុំបុសខ្មុរ ស្រុកចម្ការលើ ខេត្តកំពង់ចាម។ សកម្មភាពនេះមានគោល បំណងចង់បង្ហាញដល់ប្រជា កសិករ ម្ចាស់ចម្ការ និងក្រុមហ៊ុមដែលដាំដំឡូងមីឲ្យយកចិត្តទុកដាក់អំពីពូជព្រោះថាបើមានការជ្រើសរើសពូជបានល្អនោះវានឹងផ្តល់ប្រយោជន៍សំខាន់ពីរយ៉ាងគឺ ទី១. ពូជល្អទិន្នផលកើនឡើង និងទី២.ពូជល្អគឺមានន័យថាគ្មានជំងឺឆ្លង ហើយក៏ចង់ជំរុញ និងគាំទ្រឲ្យអគ្គនាយកដ្ឋានកសិកម្មផលិតពូជដំឡូងមីមានគុណភាព មានផលិតភាពផលិតកម្មខ្ពស់ និងគ្មានជំងឺឆ្លងដើម្បីផ្សព្វផ្សាយពូជនេះជូនប្រជាកសិករនៅជុំវិញតំបន់នេះយកទៅធ្វើការដាំដុះ និងបន្តពង្រីកពូជដំឡូងមីឲ្យបានទូលំទូលាយទូទាំងប្រទេសឲ្យបានគ្រប់គ្រាន់ ឈានទៅកាត់បន្ថយបរិមាណនាំចូល និងជាពិសេសកាត់បន្ថយហានីភ័យនៃជំងឺឆ្លងដំឡូងមីម៉ូសាអ៊ិច។
 
លោកខាន់ សំបាន ប្រធាននាយកដ្ឋានដំណាំកសិឧស្សាហកម្មបានរាយការណ៍ជូនឯកឧត្តមរដ្ឋមន្រ្តីជ្រាបថាអគ្គនាយកដ្ឋានកសិកម្មបានសហការជាមួយវិទ្យាស្ថានអភិវឌ្ឍន៍ដំឡូងមីថៃ (Thai Tapioca Development Institute, TTDI) ចុះ MoU នៅថ្ងៃទី១៦ ខែឧសភា ឆ្នាំ២០១៩ ដើម្បីធ្វើការសិក្សាស្រាវជ្រាវ និងអភិវឌ្ឍន៍ពូជដំឡូងមីដែលធន់នឹងជំងឺវីរុសម៉ូសាអ៊ិច និងវិធានការបង្ការនិងទប់ស្កាត់ជំងឺនេះ។ បច្ចុប្បន្ន ដំណាំដំឡូងមីកំពុងតែទទួលរងនូវការរាតត្បាតនៃជំងឺវីរុសម៉ូសាអ៊ិច ដែលជាជំងឺមួយដែលបានរាលដាលយ៉ាងឆាប់រហ័ស និងបង្កហានីភ័យខ្ពស់ដល់ផលិតកម្មដំឡូងមីរហូតដល់ ៨០%។ ជំងឺនេះបានឆ្លងរាលដាលទៅលើដំណាំដំឡូងមីក្នុងខេត្តចំនួន ១២ខេត្ត រួម មានខេត្តរតនគិរី មណ្ឌលគិរី ក្រចេះ ត្បូងឃ្មុំ ពោធិ៍សាត់ បាត់ ដំបង ព្រះវិហារ កំពង់ធំ បន្ទាយ មានជ័យ ឧត្តរមានជ័យ កំពង់ចាម និងខេត្តស្ទឹងត្រែង។ លោកបានបញ្ជាក់បន្ថែមថាជំងឺនេះគ្មានថ្នាំការពារ ព្យាបាលទេ ប៉ុន្តែអ្វីដែលយើងអាចគ្រប់គ្រង និងទប់ស្កាត់គឺការអនុវត្តប្រព័ន្ធជីវសុ វត្ថិភាព ការប្រើប្រាស់ពូជមានគុណភាពល្អ មានប្រភពច្បាស់លាស់។ ដោយយល់ឃើញពីគ្រោះ មហន្តរាយនៃជំងឺនេះ កាលពីថ្ងៃទី១៤ ខែមិថុនា ឆ្នាំ២០១៩ ក្រសួងកសិកម្ម រុក្ខាប្រមាញ់ និងនេសាទ បានស្នើក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុសុំឲ្យសមត្ថកិច្ចនៃក្រសួងទាំង២ ជួយអន្តរាគមន៍នៅតាមបណ្តាច្រកទ្វារអន្តរជាតិដើម្បីបង្កើនការត្រួតពិនិត្យ រឹតបន្តឹងការ នាំចូលពូជដំឡូងមីពីបរទេសខុសច្បាប់ គ្មានលិខិតអនុញ្ញាត និងគ្មានវិញ្ញាបនបត្រភូតគាមអនាម័យ។ ដើម្បីចាត់វិធានការទប់ស្កាត់ជំងឺនេះឲ្យបានទាន់ពេលវេលា និងមានប្រសិទ្ធភាពអគ្គនាយកដ្ឋានកសិកម្ម បានទិញពូជដំឡូងមីប្រភេទពូជ៨១ និងពូជ៨៩ ចំនួន៦ម៉ឺនដើម មកពីប្រទេសថៃ ជាប្រភេទពូជដំឡូងមីដែលគ្មានជំងឺ និងបានដាំលើផ្ទៃដីប្រមាណ ០៦ហត សម្រាប់សាកពិសោធន៍អំពីគុណភាព និងភាពបន្សាំទៅនឹងជំងឺដើម្បីធ្វើការផ្សព្វផ្សាយដាំបន្ត។ ក្រៅពីនេះ តាមរយ:កិច្ចសហប្រតិបត្តិការ TTDI អគ្គនាយកដ្ឋានកសិកម្មបានទទួលដើមពូជដំឡូងមីស្អាតគ្មានជំងឺពី TTDI នូវពូជ KU 50 ចំនួន ២៥.០០០ដើម ត្រូវជា ១.២៥០បាច់ សម្រាប់ធ្វើការដាំដុះពង្រីកពូជនៅកសិដ្ឋានផលិតពូជដំណាំតំបន់ដីខ្ពស់ចម្ការលើ ហើយនឹងចែកជូនដើមពូជដំឡូងមីទាំងនេះដល់កសិករដាំដុះបន្តនៅរដូវក្រោយ។
 
ដោយយល់ឃើញពីសក្តានុពលទីផ្សារនៃដំណាំកសិឧស្សាហកម្ម (ដំឡូងមី) របស់កម្ពុជា ឯកឧត្តមរដ្ឋមន្ត្រីបានណែនាំឲ្យអគ្គនាយកដ្ឋានកសិកម្ម បានសហការជាមួយនឹងអង្គការ CIAT, FAO និង CAVAC ដាក់ចេញនូវវិធានការទប់ស្កាត់ និងលុបបំបាត់ជំងឺឆ្លងរាតត្បាតម៉ូសាអ៊ិច នេះ ដែលវិធានការសំខាន់ៗទាំងនោះរួមមាន៖
-ត្រួតពិនិត្យ SPS ទៅលើពូជដំឡូងមីនាំចូល និងការចល័តពូជ
-ជ្រើសរើសពូជដែលធន់នឹងជំងឺនេះមកដាំ ពូជដែលយកមកដាំជាពូជមានសុខភាពល្អ និងមានប្រភពច្បាស់លាស់។ មិនត្រូវរក្សាពូជពីចម្ការដែលមានជំងឺនេះមកដាំ នៅរដូវក្រោយឡើយ
-ចុះពិនិត្យចម្ការដំឡូងមីជាប្រចាំ បើសិនឃើញរោគសញ្ញាជំងឺនេះ ត្រូវដកយកដើមដែលមានជំងឺទៅដុតចោល និងចាត់វិធានការកម្ចាត់រុយសដែលជាភ្នាក់ងារចម្លងជំងឺ
-ត្រូវរៀបចំដីឲ្យបានស្អាតល្អមុនពេលដាំ និងត្រូវប្រើប្រាស់ជីឲ្យត្រឹមត្រូវតាមបច្ចេកទេស
-ក្រោយពេលប្រមូលផល ត្រូវសម្អាតកាកសំណល់ដំឡូង និងស្មៅចង្រៃយកទៅដុតចោល ហាលដីមួយរយៈពេលខ្លី ដើម្បីកាត់បន្ថយការចម្លងវីរុស សម្រាប់ការដាំដុះនៅរដូវក្រោយ
-ក្នុងករណីមានការបំផ្លាញធ្ងន់ធ្ងរពីជំងឺ គួរដាំដំណាំផ្សេងជំនួសនៅរដូវបន្ទាប់
-ជូនដំណឹងទៅការិយាល័យកសិកម្មស្រុក ប្រសិនបើសង្ស័យថាចម្ការដំឡូងរបស់អ្នកឆ្លងជំងឺ។
មានមតិសំណេះសំណាលជាមួយមន្រ្តី បុគ្គលិក កម្មករកសិដ្ឋាន ឯកឧត្តមរដ្ឋមន្ត្រីបានសាកសួរសុខទុក្ខ លើកទឹកចិត្ត និងវាយតម្លៃខ្ពស់ចំពោះការលះបង់គ្រប់បែបយ៉ាងរបស់បងប្អូនក្នុងការបំពេញការងារជូនរដ្ឋ សិក្សារៀនសូត្រ ស្រាវជ្រាវ និងផ្សព្វផ្សាយចំណេះដឹងជូនកសិករបន្ត ដើម្បីធ្វើការអភិវឌ្ឍដំណាំតំបន់ដីខ្ពស់។ ទន្ទឹមនោះ លោកសូមឲ្យបងប្អូនមើលថែរក្សាកសិដ្ឋានដែលជាសម្បត្តិរដ្ឋឲ្យបានគង់វង្ស និងត្រូវទាញយកប្រយោជន៍ពីសក្តានុពលដីកសិដ្ឋានដើម្បីបង្កើនប្រាក់ ចំណូល និងកែលម្អកម្រិតជីវភាព ជាពិសេសខិតខំស្រាវជ្រាវពូជដំឡូងមីនេះឲ្យបានទូលំទូលាយ និងមានប្រសិទ្ធភាពដើម្បីធ្វើការផ្សព្វផ្សាយនាពេលអនាគត។

ព័ត៌មានផ្សេងៗទៀត
ចេញ​ផ្សាយ​ ២២ វិច្ឆិកា ២០២៦ 369

ថ្នាក់ដឹកនាំក្រសួងកសិកម្ម​ ទទួលជួបជាមួយលោក Niu Jian ប្រធានក្រុមហ៊ុន(HLID) ក្នុងជំនួបពិភាក្សាការងារ នៅសាធារណរដ្ឋប្រជាមានិតចិន

នាថ្ងៃទី២១​ ខែវិច្ឆិកា​ ឆ្នាំ២០២៦​ ឯកឧត្តមអនុរដ្ឋលេខាធិការ គី ច័ន្ទរំដួល អ​មដោយ លោក ងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ អញ្ជើញដឹកនាំគណៈប្រតិភូក្រសួងកសិកម្ម...
ចេញ​ផ្សាយ​ ២១ វិច្ឆិកា ២០២៦ 798

«សន្និសីទអភិរក្សថនិកសត្វទឹកសាបនៅអាស៊ី ឆ្នាំ២០២៦» បិទបញ្ចប់ដោយឯកភាពជាគោលការណ៍លើការបង្កើតបណ្តាញអភិរក្សថនិកសត្វទឹកសាបនិងសមុទ្រថ្នាក់តំបន់

សន្និសីទអភិរក្សថនិកសត្វទឹកសាប នៅអាស៊ី ឆ្នាំ២០២៦ ដែលបានរៀបចំឡើងចាប់ពីថ្ងៃទី១៨ ដល់ថ្ងៃទី២០ ខែវិច្ឆិកា ឆ្នាំ២០២៦ នៅខេត្តសៀមរាប បានបញ្ចប់ដោយជោគជ័យ ជាមួយនឹងលទ្ធផលដ៏សំខាន់...
ចេញ​ផ្សាយ​ ២១ វិច្ឆិកា ២០២៦ 917

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់ និងទទួលផ្ទះសំណាញ់ចំនួន៨៩ខ្នង ជូនសហគមន៍កសិកម្មចំនួន១៣ ក្នុងខេត្តសៀមរាប

នៅរសៀលថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការ និងជាសហប្រធានគណៈកម្មការតម្រង់ទិសគម្រោង «គុជ» តំណាងដ៏ខ្ពង់ខ្ពស់ឯកឧត្តម ឌិត ទីណា...
ចេញ​ផ្សាយ​ ២១ វិច្ឆិកា ២០២៦ 961

ឯកឧត្តមរដ្ឋលេខាធិការ ហាស់ សារ៉េត អញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពី ជលផល និងនីតិវិធីពាក់ព័ន្ធ ដល់មន្ត្រីសមត្ថកិច្ចជលផល

នៅថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ហាស់ សារ៉េត រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីក្នុងសិក្ខាសាលាផ្សព្វផ្សាយច្បាប់ស្តីពីជលផល...
ចេញ​ផ្សាយ​ ២១ វិច្ឆិកា ២០២៦ 933

ថ្នាក់ដឹកនាំក្រសួងកសិកម្ម​ អញ្ជើញបំពេញទស្សនកិច្ចសិក្សា​ និងលើកទឹកចិត្តដល់វិនិយោគគិនចិនលើវិស័យកសិកម្ម​ នៅសាធារណរដ្ឋប្រជាមានិតចិន

នាថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមអនុរដ្ឋលេខាធិការ គី ច័ន្ទរំដួល អញ្ជើញដឹកនាំគណៈប្រតិភូក្រសួងកសិកម្ម រុក្ខាប្រមាញ់ និងនេសាទ បំពេញទស្សនកិច្ចសិក្សា ផ្សព្វផ្សាយ...
ចេញ​ផ្សាយ​ ២១ វិច្ឆិកា ២០២៦ 993

«រួមគ្នាជាសហគមន៍ ដើម្បីរីកចម្រើនទាំងអស់គ្នា!»

«រួមគ្នាជាសហគមន៍ ដើម្បីរីកចម្រើនទាំងអស់គ្នា!» ក្រសួងកសិកម្ម រុក្ខាប្រមាញ់ និងនេសាទ ដោយសហការជាមួយអង្គការ FAO ជាដៃគូអនុវត្តគម្រោង «គជ់» (PEARL) បាននាំយកផ្ទះសំណាញ់...
ចេញ​ផ្សាយ​ ២១ វិច្ឆិកា ២០២៦ 978

ឯកឧត្តមបណ្ឌិត យ៉ង សាំងកុមារ អញ្ជើញជាអធិបតីក្នុងពិធីប្រគល់សម្ភារៈប្រើប្រាស់កសិកម្មជូនសហគមន៍ចំនួន៨ ក្នុងខេត្តឧត្តរមានជ័យ

នៅព្រឹកថ្ងៃទី២០ ខែវិច្ឆិកា ឆ្នាំ២០២៦ ឯកឧត្តមបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម​ និងជាសហប្រធានគណៈកម្មការតម្រង់ទិសគម្រោង «គជ់» ជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី...
ចេញ​ផ្សាយ​ ២១ វិច្ឆិកា ២០២៦ 1011

ថ្នាក់ដឹកនាំក្រសួងកសិកម្ម អញ្ជើញចែកគ្រាប់ពូជបន្លែជូនអ្នកភូមិរង់ចាំ ជាង ៣០០គ្រួសារ ដើម្បីលើកកម្ពស់ជីវភាពប្រជាពលរដ្ឋ

នៅព្រឹកថ្ងៃទី១៨ ខែវិច្ឆិកា ឆ្នាំ២០២៦ ឯកឧត្តមបណ្ឌិត ​យ៉ង សាំងកុមារ បានដឹកនាំសកម្មភាពចែកគ្រាប់ពូជបន្លែជូនអ្នកភូមិរង់ចាំ នៃខេត្តបន្ទាយមានជ័យ ជាង ៣០០ គ្រួសារ ដោយមានការចូលរួមពីតំណាងមន្ទីរកសិកម្ម...
ចេញ​ផ្សាយ​ ២១ វិច្ឆិកា ២០២៦ 993

លោកជំទាវអនុរដ្ឋលេខាធិការ អ៊ឹម រចនា រួមដំណើរគណៈប្រតិភូស្ថាប័នជលផលចិន និង IHB ទស្សនកិច្ចកន្លែងអភិរក្សជលផលកំពង់ភ្លុក នៃខេត្តសៀមរាប

នាថ្ងៃទី១៩ ខែវិច្ឆិកា ឆ្នាំ២០២៦ លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញរួមដំណើរជាមួយគណៈប្រតិភូស្ថាប័នជលផលចិន និងវិទ្យាស្ថានជីវសាស្ត្រជលផល...
ចេញ​ផ្សាយ​ ២០ វិច្ឆិកា ២០២៦ 1395

ថ្នាក់ដឹកនាំក្រសួងកសិកម្មអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​” ជាមួយគម្រោង COSTEA

នៅថ្ងៃទី១៧-១៩ ខែវិច្ឆិកា ឆ្នាំ២០២៦ ឯកឧត្ដម ខាត់ សុធី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាអធិបតីសិក្ខាសាលាស្តីពី “ការរចនាឡើងវិញ​ប្រព័ន្ធ​ធារាសាស្រ្ត​បែប​កសិ​អេកូ​ឡូស៊ី​”...
ចេញ​ផ្សាយ​ ១៩ វិច្ឆិកា ២០២៦ 1489

ឯកឧត្តមរដ្ឋមន្ត្រី ឌិត ទីណា បន្តអញ្ជើញជួបសំណេះសំណាល និងប្រគល់ត្រាក់ទ័រ គោយន្ត ព្រមទាំងម៉ាស៊ីនច្រូតកាត់ ជូនដល់សហគមន៍កសិកម្មនៅខេត្តព្រះវិហារ

នាថ្ងៃទី១៩ ខែវិច្ឆិកា ឆ្នាំ២០២៦ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបន្តដំណើរអញ្ជើញចុះជួបសំណេះសំណាល និងប្រគល់គ្រឿងយន្តកសិកម្ម...
ចេញ​ផ្សាយ​ ១៩ វិច្ឆិកា ២០២៦ 1534

លោកជំទាវ អ៊ឹម រចនា ពិភាក្សាជាមួយតំណាងស្ថាប័នជលផលចិន និង វិទ្យាស្ថានជីវសាស្ត្រទឹកនៃបណ្ឌិត្យសភាវិទ្យាសាស្ត្រចិន អំពីការពង្រឹងកិច្ចសហប្រតិបត្តិការអភិរក្សសត្វផ្សោតទន្លេមេគង្គ និងប្រព័ន្ធអេកូឡូស៊ីជលផល

ក្នុងឱកាសនៃ«កិច្ចប្រជុំថ្នាក់តំបន់ស្តីពីការអភិរក្សថនិកសត្វទឹកសាបនៅតំបន់អាស៊ី» លោកជំទាវ អ៊ឹម រចនា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានជួបពិភាក្សាការងារជាមួយតំណាងវិទ្យាស្ថានជីវសាស្ត្រទឹក...