ឯកឧត្តមបណ្ឌិតអគ្គលេខាធិការ សរ ចិត្រា ទទួលអំណោយសប្បុរសធម៌ពី​ អង្គការតុកកែញញឹមកម្ពុជា​ (Smiling Gecko)​ សម្រាប់ផ្គត់ផ្គង់ជូនប្រជាជនភៀសសឹក នៅខេត្តបន្ទាយមានជ័យ

ចេញ​ផ្សាយ​ ១៦ មករា ២០២៦ 1027

នាព្រឹកថ្ងៃទី១៦​ ខែមករា ឆ្នាំ២០២៦ ឯកឧត្តមបណ្ឌិត សរ ចិត្រា អគ្គលេខាធិការ តំណាងដ៏ខ្ពង់ខ្ពស់ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បានអញ្ជើញទទួលអំណោយសប្បុរសធម៌ពី អង្គការតុកកែញញឹមកម្ពុជា​ (Smiling Gecko) នូវត្រីខ​ ១០កេស​ សាច់ក្រក​ ៣៥គីឡូ​ សាច់ផាត់​ ៣៥គីឡូ​ មី​ ៥០កេស​ ទឹកត្រី​ ៤០យួរ​ ទឹកសុីអុីវ​ ៤០យួរ​ ត្រីប្រឡាក់​ ១០០គីឡូ​ អង្ករ​ ១,៤​ តោន​ និងម៉ាសុីនបូមទឹក​ ៥គ្រឿង សម្រាប់ផ្គត់ផ្គង់ជូនប្រជាជនភៀសសឹកនៅខេត្តបន្ទាយមានជ័យ។ 
ក្នុងនាមឯកឧត្តមរដ្ឋមន្ត្រី ឌិត ទីណា ប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ឯកឧត្តមបណ្ឌិតអគ្គលេខាធិការ បានថ្លែងអំណរគុណយ៉ាងជ្រាលជ្រៅចំពោះ អង្គការតុកកែញញឹមកម្ពុជា​ (Smiling Gecko) និងសូមជូនពរឱ្យមានការរីកចម្រើន និងទទួលបានជោគជ័យបន្ថែមទៀត ដើម្បីបន្តចូលរួមរួមចំណែកជាមួយ រាជរដ្ឋាភិបាលក្នុងការអភិវឌ្ឍន៍ប្រទេសកម្ពុជាឈានឆ្ពោះទៅមុខ និងប្រកបដោយសុខសន្តិភាព៕