Other News
ឯកឧត្តមអនុរដ្ឋលេខាធិការ ឈុំ ឆុនលី អញ្ជើញចូលរួមកិច្ចប្រជុំអន្តរក្រសួង ពិភាក្សាស្ដីពី «ការប៉ាន់ស្មានទិន្នផលប្រចាំឆ្នាំ២០២៥ និងថ្លៃដើមផលិតកម្មស្វាយចន្ទី»
ចេញផ្សាយ ៩ មេសា ២០២៥ 3734
ឯកឧត្តមអនុរដ្ឋលេខាធិការ ឈុំ ឆុនលី អញ្ជើញចូលរួមកិច្ចប្រជុំអន្តរក្រសួង ពិភាក្សាស្ដីពី «ការប៉ាន់ស្មានទិន្នផលប្រចាំឆ្នាំ២០២៥ និងថ្លៃដើមផលិតកម្មស្វាយចន្ទី»
======================
នៅថ្ងៃទី៨ ខែមេសា ឆ្នាំ២០២៥ ឯកឧត្តម ឈុំ ឆុនលី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានចូលរួមប្រជុំអន្តរក្រសួង ជាមួយនឹងក្រសួងពាណិជ្ជកម្ម ក្រសួងឧស្សាហកម្ម និងតំណាងអគ្គនាយកដ្ឋាន-នាយកដ្ឋានពាក់ព័ន្ធ ព្រមទាំងសមាគមសហព័ន្ធស្វាយចន្ទី ជាច្រើនរូបទៀត ដើម្បីពិនិត្យពិភាក្សាទៅលើ «ការប៉ាន់ស្មានទិន្នផលប្រចាំឆ្នាំ២០២៥ និងថ្លៃដើមផលិតកម្មស្វាយចន្ទី» ដែលកិច្ចប្រជុំរៀបចំធ្វើឡើងនៅទីស្តីការ ក្រសួងពាណិជកម្ម។
កិច្ចប្រជុំដឹកនាំដោយ ឯកឧត្តម វ៉ា រុតសាន រដ្ឋលេខាធិការក្រសួងពាណិជ្ជកម្ម ដែលកិច្ចប្រជុំនេះ រៀបចំឡើងក្នុងគោលបំណងស្វែងរកទិន្នន័យពិតប្រាកដមួយ យកមកវិភាគសេដ្ឋកិច្ចទាក់ទងនឹងខ្សែច្រវាក់តម្លៃស្វាយចន្ទី។ ជាលទ្ធផលអង្គប្រជុំបានឯកភាពទាំងស្រុង ទៅលើចំនួនទំហំផ្ទៃដី បរិមាណផលក្នុង១ហិកតា និងបរិមាណផលស្វាយចន្ទីសរុបរបស់ក្រសួងកសិកម្ម រុក្ខាប្រមាញ់ និងនេសាទ៕
