ឯកឧត្តមរដ្ឋមន្រ្តី ឌិត ទីណា ចំណាយពេល​ពេញមួយ​សប្ដាហ៍ប្រចាំការនៅខេត្តបន្ទាយ​មានជ័យ និងបន្ត​ប្រចាំ​​ការ​បន្ថែមដើម្បីអន្ត​រាគមន៍ និងចុះសួរសុខទុក្ខ​ប្រជា​ពលរដ្ឋ ដែល​​បានជម្លៀសពីតំបន់ព្រំដែន​មក​ទីតាំង​មានសុវត្ថិភាព

ចេញ​ផ្សាយ​ ២៨ កក្កដា ២០២៥ 264

ចាប់ពីថ្ងៃទី២៤ រហូតដល់ថ្ងៃទី២៨ ខែកក្កដា ឆ្នាំ២០២៥ ឯកឧត្តម ឌិត ទីណា រដ្ឋមន្ត្រី​ក្រសួង​កសិកម្ម រុក្ខាប្រមាញ់ និងនេសាទ និង​ជាប្រធានក្រុម​ការងាររាជរដ្ឋាភិបាលចុះមូល​ដ្ឋានខេត្តបន្ទាយមានជ័យ បានអញ្ជើញមក​ប្រចាំការត្រៀម​លក្ខណៈ​អន្តរាគមន៍ និងចុះ​សួរសុខទុក្ខប្រជាពលរដ្ឋដែល​បាន​ជម្លៀសពី​តំបន់ព្រំដែនមកទីតាំងមានសុវត្ថិភាព ក្នុង​ស្រុក​ចំនួន៤ រួមមាន៖ ស្រុកភ្នំស្រុក ស្រុកព្រះនេត្រព្រះ ស្រុកអូរជ្រៅ ស្រុកថ្មពួក និងបា​ន​ណែនាំដល់ក្រុមការងារទាំងអស់​បន្ត​​​​​យកចិត្តទុកដាក់ខ្ពស់នៅទូទាំងខេត្តបន្ទាយមានជ័យ ជាពិសេសតំបន់​ព្រំដែនកម្ពុជា-ថៃ និងបងប្អូនភៀសសឹកពី​ខេត្ត​ព្រះវិហារ និង​ខេត្តឧត្តរមានជ័យ៕