លោកជំទាវ ហោ ម៉ាលីន រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ អញ្ជើញដឹកនាំកិច្ចប្រជុំបូកសរុប លទ្ធផលការងារយេនឌ័រ និងកុមារ ប្រចាំឆ្នាំ២០២៣ និងលើកទិសដៅបន្តឆ្នាំ២០២៤

ចេញ​ផ្សាយ​ ១៣ កុម្ភៈ ២០២៤ 2943

នៅព្រឹកថ្ងៃទី១៣ ខែកុម្ភៈ ឆ្នាំ២០២៤ លោកជំទាវ ហោ ម៉ាលីន រដ្ឋលេខាធិការ ក្រសួងកសិកម្ម រុក្ខាប្រមាញ់និងនេសាទ និងជាប្រធានក្រុមការងារយេនឌ័រ និងកុមារ អញ្ជើញដឹកនាំកិច្ចប្រជុំបូកសរុបលទ្ធផលការងារយេនឌ័រ និងកុមារ ប្រចាំឆ្នាំ២០២៣ និងលើកទិសដៅបន្តឆ្នាំ២០២៤ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។

កិច្ចប្រជុំធ្វើឡើងក្នុងគោលបំណង ពិភាក្សាទៅលើរបាយការណ៍ លទ្ធផលការងារយេនឌ័រ និងកុមារ លើកឡើងអំពីបញ្ហាប្រឈម ការសំណូមពរ និងលើកទិសដៅអនុវត្តការងារបន្តក្នុងឆ្នាំ២០២៤ របស់ក្រុមការងារទាំងថ្នាក់កណ្តាល និងថ្នាក់រាជធានី ខេត្តទាំង២៥ ។

គួរបញ្ជាក់ថា កិច្ចប្រជុំនេះក៏បានធ្វើឡើងដោយភ្ជាប់តាមរយៈប្រព័ន្ធអនឡាញទៅក្រុមការងារថ្នាក់កណ្តាល និងជនបង្គោលទាំង២៥រាជធានី ខេត្ត ផងដែរ។ សមាសភាពអញ្ជើញចូលរួមកិច្ចប្រជុំរួមមាន លោកជំទាវ ថ្នាក់ដឹកនាំស្រ្តី  លោក លោកស្រី ក្រុមការងារថ្នាក់កណ្តាល និងជនបង្គោលទាំង២៥រាជធានីខេត្ត សរុបចំនួន៦០នាក់ ស្រ្តី៤៨នាក់៕