ឯកឧត្តម ហុង ណារិត អនុរដ្ឋលេខាធិការក្រសួងកសិកម្ម អញ្ជើញចូលរួមក្នុងសិក្ខាសាលាស្តីពី «ការជំរុញពាណិជ្ជកម្ម និងវិនិយោគ កម្ពុជា-ប្រេស៊ីល»

ចេញ​ផ្សាយ​ ២៧ មីនា ២០២៤ 2594

នៅថ្ងៃទី២៧ ខែមីនា ឆ្នាំ២០២៤ ឯកឧត្តម ហុង ណារិត អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមក្នុងសិក្ខាសាលាស្តីពី «ការជំរុញពាណិជ្ជកម្ម និងវិនិយោគ កម្ពុជា-ប្រេស៊ីល» ដែលរៀបចំឡើងដោយក្រសួងពាណិជ្ជកម្មនៅសណ្ឋាគារ Hyatt Regency Phnom Penh ក្រោមអធិបតីភាព ឯកឧត្តម រដ្ឋ សារ៉ាវុធ រដ្ឋលេខាធិការក្រសួងពាណិជ្ជកម្ម និងមានការចូលរួមពីឯកឧត្តម Roberto Serroni Perosa អនុរដ្ឋមន្រ្តីទទួលបន្ទុកពាណិជ្ជកម្ម និងទំនាក់ទំនងអន្តរជាតិ នៃក្រសួងកសិកម្ម និងបសុសត្វប្រេស៊ីល។

សិក្ខាសាលានេះធ្វើឡើងក្នុងគោលបំណង ដើម្បីផ្សព្វផ្សាយកាលានុវត្តភាពធុរកិច្ច និងវិនិយោគនៅកម្ពុជា សំដៅពង្រឹង និងពង្រីកទំនាក់ទំនងសេដ្ឋកិច្ច ពាណិជ្ជកម្ម និងវិនិយោគរវាងប្រទេសទាំងពីរលើវិស័យដូចជា កសិកម្មបច្ចេកវិទ្យា និងដឹកជញ្ជូន ព្រមទាំងផ្សារភ្ជាប់ជាមួយនឹងវេទិកាផ្គូផ្គងធុរកិច្ចដោយមានការចូលរួមពីវិស័យឯកជននៃប្រទេសទាំងពីរ៕